Related Posts Plugin for WordPress, Blogger...

ShareThis

 
Thursday, 20 March 2014

Law Students Protest false cases against SFI Activists...!

0 comments
PUDUCHERRY: The students of Dr Ambedkar Government Law College here boycotted classes and picketed the senior superintendent of police's office on Monday to register their protest against 'foisting false cases' against the Students Federation of India (SFI) activists. The SFI activists are accused of throwing rotten eggs and tomatoes at a government school teacher last week before he was arrested on charges of molesting two Class 12 girl students.

மாணவர் சங்க நிர்வாகிகள் மீது பொய் வழக்கு : புதுச்சேரி காவல்துறை அலுவலகம் முற்றுகை...!

புதுச்சேரி, மார்ச் 17- 2014.
இந்திய மாணவர் சங்க நிர்வாகிகள் மீது காவல்துறை திருட்டு வழக்குப் பதிவு செய்ததை கண்டித்து புதுச்சேரி காவல்துறை அலுவலகம் முற்றுகையிடப்பட்டது.புதுச்சேரி வைசியால் வீதியில் உள்ள சுசிலாபாய் அரசு பெண்கள் மேல்நிலைப்பள்ளியில் படிக்கும் இரண்டு மாணவிகளுக்கு அப்பள்ளி ஆசிரியர் சுப்பிரமணியன் தொடர்ந்து பாலியல் சீண்டல் செய்து வந்துள்ளார்.

இதுகுறித்து இந்திய மாணவர் சங்கத்திற்கு புகார் கடிதம் வந்துள்ளது.இப்புகாரின் அடிப்படையில் சமூக நலத்துறை அலுவலகம் முன்பு இந்திய மாணவர் சங்கத்தின் பிரதேச துணைத்தலைவர் ரஞ்சித், செயலாளர் ஆனந்து ஆகியோர் தலைமையில் ஆர்ப்பாட்டம் நடைபெற்றது.

பின்னர் அதிகாரிகளை சந்தித்து நடந்த சம்பவத்திற்கு காரணமான ஆசிரியர் மீது நடவடிக்கை எடுக்க வலியுறுத்தினர்.ஆனால், அதிகாரிகள் உரிய நடவடிக்கை எடுக்க வில்லை.

முற்றுகை : 

இந்நிலையில் பாதிக்கப்பட்ட மாணவிகளின் பெற்றோர்கள் மற்றும் இந்திய மாணவர் சங்கம், அனைத்திந்திய ஜனநாயக மாதர் சங்க நிர்வாகிகள் உள்ளிட்ட திரளான மாணவர்கள் இலாஸ்பேட்டை அவ்வை நகரில் உள்ள ஆசிரியர் சுப்பிரமணியனின் வீட்டை முற்றுகையிட்டு போராட்டம் நடத்தினர்
.
காவல்துறை வழக்கு :

ஆசிரியர் வீட்டு அருகே முற்றுகையில் ஈடுபட்ட மாணவர் சங்க நிர்வாகிகள் ஆனந்து, ரஞ்சித் ஆகியோர் மீது திருட்டு உள்ளிட்ட ஆறு பிரிவுகளில் வழக்குப் பதிவு செய்யப்பட்டுள்ளது. இலாஸ்பேட்டை காவல்நிலைய ஆய்வாளரின் தூண்டுதலாலே இந்தப் பொய்வழக்கு பதிவு செய்யப்பட்டுள்ளது என்று மாணவர் சங்க நிர்வாகிகள் குற்றம்சாட்டினர்.
வகுப்பு புறக்கணிப்பு : இந்நிலையில் குற்றம்சாட்டப்பட்ட ஆசிரியருக்கு ஆதரவாக செயல்பட்டுள்ளதை கண்டித்தும், மாணவர் சங்க நிர்வாகிகள் மீது போடப்பட்டுள்ள பொய்வழக்கை உடனே திரும்பப் பெறக்கோரியும், புதுச்சேரி காவல்துறை முதுநிலை கண்காணிப்பாளர் அலுவலகத்தை சட்டக்கல்லூரி மாணவர்கள் முற்றுகையிட்டு போராட்டம் நடத்தினர். இந்திய ஜனநாயக வாலிபர் சங்கத்தின் பிரதேச தலைவரும், சட்டக்கல்லூரி இறுதியாண்டு மாணவருமான சரவணன் தலைமையில் நடைபெற்ற இந்தப் போராட்டத்தில் திரளான மாணவர்கள் பங்கேற்றனர்.

அதிகாரிகள் உறுதி :

முதுநிலை கண்காணிப்பாளர் பிரவீண்குமார் திரிபாதி போராட்டத்தில் ஈடுபட்டவர்களிடம் பேச்சுவார்த்தை நடத்தினார். அப்போது சங்க நிர்வாகிகள் மீது போடப்பட்டுள்ள பொய்வழக்கு திரும்ப பெறப்படும் என்று உறுதி அளித்ததின் பேரில் முற்றுகைப் போராட்டம் கைவிடப்பட்டது.இதேபோல் மோதிலால்நேரு பாலிடெக்னிக் மாணவர்களும் வகுப்பு புறக்கணிப்புப் போராட்டத்தில் ஈடுபட்டனர்.

Leave a Reply

 
SFI - Students Federation of India - Puducherry Pradesh Committee © 2011 DheTemplate.com & Main Blogger. Powered by www.sigaramevents.com