Related Posts Plugin for WordPress, Blogger...

ShareThis

 
Saturday, 29 June 2013

பெயரளவிலே உள்ள கல்வி கட்டண நிர்ணய சட்டம்...!

0 comments
சட்டமாகவே உள்ள கல்வி கட்டண நிர்ணய சட்டம் - ஒன்றுபட்ட மாணவர், பெற்றோர் கண்காணிப்பு மற்றும் போராட்டத்தினால் மட்டுமே தடுக்கமுடியும்..! 
கல்வி விற்பனைக்கு அல்ல... கட்டுரையாளர்: கே.எஸ்.கனகராஜ்( மாநில தலைவர் )
இந்திய மாணவர் சங்கம், தமிழ்நாடு மாநில குழு.
புதிய கல்வியாண்டு துவங்கிவிட்டது. மாணவர்கள் மேல் வகுப்பிற்கு செல்லும் மகிழ்ச்சியோடு பள்ளி செல்ல துவங்கியுள்ளனர். தங்கள் குழந்தைகளின் இந்த மகிழ்ச்சியை பகிர்ந்து கொள்ள இயலாமல், கனத்த மனதோடும், துயரத்தோடும், நெஞ்சில் கனன்று எரியும் கோபத்தோடும் உள்ளனர். தனியார் பள்ளிக் குழந்தைகளின் பெற்றோர்.கல்வியாண்டு துவங்கும் முன்னரே  மார்ச், ஏப்ரல் மாதங்களிலேயே, பெற்றோரை அடுத்த கல்வியாண்டிற்கான கட்டணம் கேட்டு நச்சரிக்க தொடங்கிவிடுகின்றன. தனியார் பள்ளிகள். புதிதாக மாணவர் சேர்க்கை என்றால் ஜனவரி முதலே வசூல் வேட்டையை தொடங்கி விடுகின்றனர். இத்துணை அவசரப்பட்டு அரசு நிர்ணயித்த கட்டணத்தைதான் வசூலிக்கின்றனரா? என்றால் அதுவும் இல்லை.தனியார் பள்ளிகளை கட்டுப்படுத்த முதலில், அவற்றின் கட்டணங்களை அரசு நிர்ணயிக்க வேண்டும் எனக் கேட்டு இந்திய மாணவர் சங்கம் நடத்திய தொடர் போராட்டத்தின் விளைவாக, தமிழக அரசு, 2009ல் தமிழ்நாடு தனியார் பள்ளிகள் கட்டண ஒழுங்குமுறைச் சட்த்தை கொண்டுவந்தது.அச்சட்டத்தின்படி, நீதிபதி கோவிந்தராஜன் தலைமையில் ஒரு குழு அமைக்கப்பட்டு, தமிழ்நாடு முழுவதும் உள்ள சுமார் பத்தாயிரம் தனியார் பள்ளிகளுக்கு கட்டணம் நிர்ணயம் செய்யப்பட்டது. தனியார் பள்ளி நிர்வாகங்களிடமிருந்து, அடிப்படை உள்கட்டமைப்பு வசதிகள், ஆசிரியர்களுக்கான ஊதியம், இதர அடிப்படை வசதிகள் மற்றும் ஓராண்டிற்கான பராமரிப்பு செலவு உள்ளிட்ட தகவல்களை பெற்று, பள்ளிகளுக்கான கட்டணங்களை நிர்ணயம் செய்தது அக்குழு.

பள்ளிகளுக்கான ஓராண்டிற்கான செலவோடு 15 சதவிகித இலாபத்தைக் கூட்டி கட்டணத்தை நிர்ணயம் செய்ததாக சொன்னது அக்குழு. ஆனாலும், தனியார் பள்ளி நிர்வாகங்கள் அக்கட்டண நிர்ணயிப்பை பெற்றுக் கொள்ள மறுத்தன. நீதிமன்ற படியேறினர். மேலும் அக்குழுவிடம் மேல்முறையீடும் செய்தனர். அதற்குள், நீதிபதி கோவிந்தராஜூக்கு பதிலாக நீதிபதி ரவிராஜ்பாண்டியன் குழுவின் தலைவராக நியமிக்கப்பட்டார். மேல்முறையீட்டு மனுக்களையெல்லாம் விசாரித்து. அவர் புதிய கட்டண விகிதங்களை நிர்ணயம் செய்தார். பல பள்ளிகளுக்கு 15 சதவிகித கட்டண உயர்வு செய்யப்படடது. அந்த கட்டண உயர்வையும், தனியார் பள்ளிகள் ஏற்றுக் கொள்ளவில்லை. இப்படி, இருமுறை கட்டண நிர்ணயம் செய்யும் போதும், பெற்றோர்கள் மற்றும் மாணவர்கள் கருத்துக்கள் கேட்கப்படவே இல்லை.கட்டணங்கள் மாற்றியமைக்கப்பட்ட ஒவ்வொரு முறையும், தனியார் பள்ளி நிர்வாகங்களின் வேண்டுக்கோளின்படியே கட்டணங்கள் மாற்றியமைக்கப்பட்டன. பெற்றோர் மற்றும் மாணவர்கள் வேண்டுகோள்கள் காதுகொடுத்து கேட்கப்படவே இல்லை. அது மட்டுமல்ல, நிர்ணயம் செய்யப்பட்ட கட்டணங்களை மட்டுமே வசூல் செய்த பள்ளிகளை மாநிலம் முழுவதும் விரல்விட்டு எண்ணிவிடலாம். நீதிபதி கோவிந்தராஜன்குழு நிர்ணயம் செய்த கட்டணங்களை விட மிக அதிகமான வசூல் செய்த பள்ளிகளுக்கு எதிராக வந்த புகார்கள் பற்றியும் பள்ளிக்கல்வித்துறை கண்டுகொள்ளவில்லை.

குறிப்பாக கோயமுத்தூர் மாவட்டத்தில் பெரும்பாலான பள்ளிகள் அரசு நிர்ணயித்த கட்டணத்தை கண்டுகொள்ளவே இல்லை. தாங்களாகவே ஒரு கட்டணத்தை நிர்ணயித்துக் கொண்டு, வரம்பில்லாமல் வசூல் வேட்டையாடினார்கள். 2010-11கல்வியாண்டிலேயே பள்ளி நிர்வாகங்களின் இத்தகைய நடவடிக்கைகளால், வெறுப்புற்ற பெற்றோர்கள் தன்னெழுச்சியாக போராட்டம் நடத்தினர். கோவையில் எஸ்.பி.ஓ.ஏ பள்ளி, அல்வேனியா, ஜோசப் பள்ளி, சந்திரா மெட்ரிக், சின்மயா வித்யாலயா, அமிர்தா பள்ளி, லிசிக்ஸ் மெட்ரிக் பள்ளி போன்ற பள்ளி பெற்றோர்கள், அரசு நிர்ணயித்த கல்வி கட்டணத்தை விட கூடுதலாக வசூலிப்பது, நுஊ ( நுஒவசய உயசiஉரடயவச) என்ற பாடத்திட்டம் சாராத திறன்களை வளர்ப்பது என்ற பெயரில் கட்டணம், அதுதவிர நூலக கட்டணம், கணிப்பொறி கல்விக் கட்டணம், ளஅயசவ உடயளளநள க்கான கட்டணம் என பல்விதமான பெயர்களில் கட்டணங்களை இணைத்து பெருந்தொகை வசூலிப்பதை கண்டித்து, பள்ளிகள் முன் பெறோர்கள் போராட்டம் நடத்தினர். சாலை மறியல் கூட பல இடங்களில் நடத்தப்பட்டது. மாணவர் சங்கமும் பல இடங்களில் அவர்களோடு இணைந்து கொண்டது. அச்சமயங்களில், கல்வித்துறையும், கோவை மாவட்ட நிர்வாகமும் பள்ளி நிர்வாகங்களுக்கு சாதகமாக இருந்ததே தவிர, போராடும் மாணவர்கள்- பெற்றோர்கள் முன்வைத்த கோரிக்கைளின் நியாயத்தை உணர முன்வரவில்லை. இதன் கரணமாக பெற்றோர்கள் பள்ளிவாரியாக பெற்றோர் நலச் சங்கங்களை உருவாக்கினர். மாவட்ட பெற்றோர்- மாணவர் நலச்சங்கமும் உருவாக்கப்பட்டது.2011-12 ஆம் கல்வியாண்டில் உயர்த்தப்பட்ட கல்வி கட்டணங்களை குறைக்க வலியுறுத்தி பெற்றோர்கள் போராடினர். மேலும் கல்விக்கட்டணத்தைவிட அதிகமாக வசூலிப்பதை எதிர்த்தும், கட்டும் பணத்திற்கு இரசீது கேட்டும் போராட்டம் நடத்தப்பட்டது. மாவட்ட முதன்மை கல்வி அலுவலகம், மாவட்ட ஆட்சியர் அலுவலகம் போன்றவற்றை முற்றுகையிடப்பட்டன. அதன் விளைவாக சில பள்ளிகளில் அரசு அதிகாரிகள், பள்ளி நிர்வாகிகள் மற்றும் பெற்றோர் கொண்ட முத்தரப்பு பேச்சுவார்த்தை நடத்தப்பட்டு உடன்பாடு ஏற்பட்டது. ஆனாலும பள்ளி நிர்வாகங்கள் உடன்பாட்டை அமல்படுத்தவில்லை. அதுமட்டுமல்லாது போராட்டத்தில் பங்கேற்ற மற்றும் வழிநடத்திய பெற்றோர் சங்க நிர்வாகிகளின் குழந்தைகளை பள்ளியில் சேர்க்க மறுத்து பழிவாங்கும் நடவடிக்கைகளிலும் ஈடுபட்டனர். அரசு நிர்ணயம் செய்த கட்டணத்தை மட்டும், கட்டிய பெற்றோர்களின் குழந்தைகளுக்கு தனிவகுப்பறைகளில் அமர வைக்கப்பட்டனர். அவர்களுக்கு பாடம் நடத்த மறுத்தனர்.

இது குறித்தெல்லாம், மாவட்ட ஆட்சியரிடம் பலமுறை புகார் அளித்தும் நடவடிக்கையில்லை. இந்நிலையில் 2012 ஜூலையில் பெற்றோர் சங்கம் சார்பில் அனைத்துக் கட்சி தலைவர்கள் கலந்து கொண்ட ஆர்ப்பாட்டம் கோவை நடாளுமன்ற உறுப்பினர் பி.ஆர். நடராஜன் தலைமையில் நடைபெற்றது. அதன்பிறகு கல்வித்துறை சார்பில் பள்ளிக்களுக்கு எச்ரிக்கை சுற்றறிக்கை மட்டும அனுப்பப்பட்டது.பள்ளிக்கல்வித்துறை மற்றும் கோவை மாவட்ட நிர்வாகத்தினர் கல்வி வியாபார ஆதரவு நடவடிக்கையால் தைரியம் பெற்ற தனியார் பள்ளி நிர்வாகங்கள் இந்த க் கல்வியாண்டில் கூடுதல் அராஜகத்தில் ஈடுபட்டுவருகின்றனர். பல்லாண்டு காலம் போராடிப்பெற்ற இலவச மற்றும் கட்டாயக் கல்வி உரிமைச் சட்டத்தை அமல்படுத்த மறுத்து வருகின்றனர். கட்டாய கல்வி உரிமைச்சட்டப்படி மே மாதம் மட்டுமே மாணவர் சேர்க்கை நடத்த வேண்டும். ஆனால் பல பள்ளிகள் பிப்ரவரி மாதமே விளம்பரம் வெளியிட்டு மாணவர் சேர்க்கையை துவக்கின. மாணவர் சங்கம் தலையிட்ட பிறகு பல பள்ளிகளில் விண்ணப்ப விநியோகம் நிறுத்தப்பட்டது. சமூகத்தில் நலிவுற்றவர்களுக்கான 25 சதவிகித இடஒதுக்கீட்டிற்கான விண்ணப்பம் எந்த பள்ளியிலும் வழங்கப்படவில்லை. மாணவர் வாலிபர் அமைப்புகளின் போராட்டத்திற்கு பிறகு, சி பள்ளிகளில் மட்டும் வழங்கப்பட்டது. சுமார் 300க்கும் மேற்பட்ட தனியார் பள்ளிகள் உள்ள கோவையில் 200 விண்ணப்பங்களே வழங்கப்பட்டுள்ளதாக முதன்மை கல்வி அலுவலகம் செய்தி வெளியிட்டுள்ளது. பல மேல்நிலைப்பள்ளிகளில் தலித் மாணவர்களுக்கு இடம் கொடுக்கப்படவே இல்லை. எங்கள் பள்ளிகளுக்கு அரசு கட்டணம் நிர்ணயிக்கக் கூடாது. இவ்வளவுதான் நீங்கள் இலாபம் சம்பாதிக்க வேண்டும் என அரசு முடிவெடுக்கக்கூடாது அதை சந்தையின் போக்கில் விட்டுவிட வேண்டும் என்ற தாராளமய பொருளாதாரக் கொள்கைகள் உருவாக்கி வைத்திருக்கும் மனநிலையின் வெளிப்பாட்டைத்தான் கோவை தனியார் பள்ளி நிர்வாகிகளின் செயல்பாட்டில் பார்க்க முடிகின்றது. நேர்மை, கட்டுப்பாடு, கீழ்படிதல் மற்றும் சுய ஒழுக்கம் இவையெல்லாம் ஒரு மாணவனுக்கு அடிப்படையான குணங்கள் என்று பள்ளியில் சொல்லிக்கொடுத்துக் கொண்டே, இலாப நோக்கிற்காக அவற்றை அப்பட்டமாக மீறுகின்றனர். குழந்தைகள் இவர்களிடமிருந்து என்ன கற்றுக் கொள்ளமுடியும்? கடையில் வாங்கும் பொருளுக்கு பில் வாங்கவேண்டும் என்று மாணவனுக்கு சொல்லிக் கொடுத்துக் கொண்டே, கல்விக் கட்டணம் கட்டும் பெற்றோருக்கு ரசீது தர மறுக்கின்றனர். இன்னும் சில படிகள் மேலே போய். சினிமா வில்லன்களை போல, நியாயம் கேட்ட பெற்றோரின் குழந்தைகளை அதேபள்ளியில் அடுத்த வகுப்பிற்கு சேர அனுமதி மறுக்கின்றனர். கோவை கோபால்நாயுடு பள்ளி 5ம் வகுப்பிலிருந்து 6ம் வகுப்பிற்கு அனுமதி மறுத்து விட்டது.

லிசிக்ஸ் பள்ளி ஸ்ரீபதி என்ற மாணவன் அப்பள்ளியில் 10ம் வகுப்பில் 455 மதிப்பெண்கள் பெற்ற போதும், 11ம் வகுப்பிற்கு அனுமதி மறுத்துவிட்டது. அம்மாணவர்களின் பெற்றோர் அரசு நிர்ணயித்த கட்டணத்தை கட்டியதே காரணம்.தற்போது சிபிஎஸ்சி பள்ளிகள் என்ற பெயரில் லட்சக்கணக்கில் நன்கொடை கொள்ளை நடந்து வருகின்றது. மாவட்ட நிர்வாகம் மௌனமாய் வேடிக்கை பார்க்கின்றது. இவற்றுக்கு எதிராக உறுதியாக செயப்படவேண்டிய மாநில அரசோ, அரசு பள்ளிகளை இன்றைய சூழலுக்கு மேம்படுத்தாமல், பலவீனப்படுத்துகிறது. மறுபுறம் நீதிபதி சிங்காரவேலு குழு மூலம் 40 சதவிகிதம் கட்டண உயர்வை அறிவித்து தனியார் பள்ளிகளை குளிரவைக்கின்றது. அதையும் வசூலிக்கமாட்டோம். நாங்கள் நிர்ணயிப்பதுதான் கட்டணம் என கொக்கரிக்கின்றன தனியார் பள்ளி நிர்வாகங்கள். 


                                                                              
Read more...
Wednesday, 26 June 2013

புதுச்சேரியில் 2ம் நாளாக மாணவர்கள் போராட்டம் - சட்டமன்றம் முற்றுகை..!

0 comments

 
ஜூன்:- 27,2013                            புதுச்சேரி சென்டாக் நிர்வாகத்தை கண்டித்து மகளிர் பாலிடெக்னிக் மாணவிகள், மோதிலால் நேரு அரசு தொழில் நுட்ப கல்லூரி மாணவர்கள் இந்திய மாணவர் சங்கம் சார்பில் வகுப்புகளை புறக்கணித்து சட்டமன்றம் முற்றுகையிடும் போராட்டத்தை நடத்தினர். சென்டாக் மூலம் பொறியியல் கல்லூரிகளில் இரண்டாம் ஆண்டு மாணவர்கள் நுழைவு தேர்வு மூலம் தேர்வு செய்யப்படுவார்கள். ஆனால் நடப்பு கல்வி ஆண்டு முதல் ஏற்கனவே பின்பற்றுவந்த நுழைவு தேர்வுக்கு பதிலாக மதிப்பெண் அடிபடையில் மாணவர்களை சேர்ப்பது என்பது தனியார் கல்லூரி மாணவர்களுக்கு ஆதரவாக அமையும். 
 
மேலும் தகவல்கள் விரைவில்.......
Read more...

பாலிடெக்னிக் நுழைவுத் தேர்வு ரத்து: புதுச்சேரியில் எஸ்.எப்.ஐ. போராட்டம்..!

0 comments

நுழைவுத்தேர்வை ரத்து செய்ததை கண்டித்து புதுச்சேரியில் பாலிடெக்னிக் மாணவர்கள் வகுப்பு புறக்கணிப்பு போராட்டம..!

புதுச்சேரி, ஜூன் 25-
மோதிலால் நேரு அரசு பாலிடெக்னிக் மாணவர்கள் இரண்டாம் ஆண்டு பொறியியல் கல்லூரிகளில் சேர்வதற்கு மதிப்பெண்கள் அடிப்படையில் சேர்க்கப் படுவார்கள் என்ற சென்டாக் நிர்வாகத்தின் புதிய அறி விப்பை கண்டித்தும், உட னடியாக பழைய நடை முறையிலேயே நுழைவு தேர்வு அடிப்படையில் பாலி டெக்னிக் மாணவர்களை சேர்க்க வேண்டும் என வலி யுறுத்தி இப்போராட்டம் நடைபெற்றது.புதுச்சேரி லாஸ்பேட் டையில் உள்ள மோதிலால் நேரு அரசு பாலிடெக்னிக் வளாகத்தில் மாணவர்கள் தங்களது வகுப்புகளை புறக் கணித்து போராட்டத்தில் ஈடுபட்டனர். போராட்டத் திற்கு இந்திய மாணவர் சங்க பிரதேச துணை தலைவர் ரஞ்சித் தலைமை தாங்கினார்.
பிரதேச செயலாளர் ஆனந்து கோரிக்கைகளை வலியுறுத்தி பேசினார். பின்னர் ஊர்வலமாக சென்ற மாணவர்கள் உயர் கல்வித்துறை இயக்குநர் கரிகாலனை சந்தித்து புதிய அறிவிப்பை திரும்பபெற வலியுறுத்தி கோரிக்கை மனுவை அளித்தனர். மனுவை பெற்று கொண்ட இயக்குநர் இதுகுறித்து உயர் அதிகாரி களோடு பேசி நடவடிக்கை எடுப்பதாக உறுதி அளித்தார்.போராட்டம் தொடரும்இந்திய மாணவர் சங்க பிரதேச செயலாளர் ஆனந்து கூறுகையில், சென்டாக் நிர் வாகத்தின் இந்த திடீர் அறி விப்பு பாலிடெக்னிக் மாண வர்கள் மத்தியில் பெரும் அச்சத்தை ஏற்படுத்தியுள் ளது. தனியார் பாலிடெக் னிக் மாணவர்களை ஊக்க படுத்துவதாகவே உள்ளது. இந்த அறிவிப்பை திரும்ப பெறும் வரை மாணவர்கள் போராட்டம் தொடரும் என்று கூறினார்.
                                                                                    நன்றி: தீக்கதிர்....

Read more...
Saturday, 22 June 2013

கல்விக் கட்டணக்கொள்ளை எதிர்த்துப் போராட்டம் - காவல்துறையினர் கொடூரத் தாக்குதல்..!

0 comments
சென்னையில்  கல்விக் கட்டணக்கொள்ளையை எதிர்த்துப் போராட்டம் : 
கூடுதல் கல்விக் கட்டணங்களை வசூலிக்கும் தனியார் பள்ளிகள் மீது நடவடிக்கை எடுக்க வலியுறுத்தி இந்திய மாணவர் சங்கம் வட- தென் சென்னை மாவட்டக்குழு சார்பில் புதனன்று (ஜூன் 19) பள்ளிக்கல்வி இயக்குனர் அலுவலகம் முன்பு முற்றுகைப் போராட்டம் நடைபெற்றது. சங்கத்தின் மாநிலச் செயலாளர் ஜோ.ராஜ்மோகன் தலைமையில் நடைபெற்ற முற்றுகை போராட்டத்தில் மாநிலத் துணைச்செயலாளர் ரெ.ஸ்டாலின், வடசென்னை மாவட்டச் செயலாளர் த.சித்தார்த்தன், தென்சென்னை மாவட்டச் செயலாளர் ப.ஆறுமுகம், மாநிலக்குழு உறுப்பினர் செல்லக்குமார் உள்ளிட்ட பலர் கலந்து கொண்டனர். போராட்டத்தில் ஈடுபட்ட அனைவரையும் காவல்துறையினர் கைது செய்தனர்.
மதுரையில் கல்விக் கட்டணக்கொள்ளையை எதிர்த்துப் போராட்டம் : மாணவர்கள் மீது காவல்துறையினர் கொடூரத் தாக்குதல்

கல்விக்கட்டணக் கொள்ளையைத் தடுக்கக் கோரிய மாணவர்களை கொடூரமாகத் தாக்கும் போலீசார்.

மதுரை. ஜூன் 19-   
கட்டாய கல்வி உரிமைச் சட்டத்தினை அமல்படுத்தாத தனியார் பள்ளிகளின் அங்கீகா ரத்தை ரத்து செய்ய வேண்டும் என்று மதுரையில் போராட்டம் நடத்திய இந்திய மாணவர் சங் கத்தினர் மீது காவல்துறையி னர் கொடூரத்தாக்குதலை நடத் தினர். தனியார் கல்வி நிலையத் தின் பாதுகாவலர்கள் போல காவல்துறையினர் மாணவிகள் மீதும் நடத்திய காட்டுமிராண் டித்தனத்தைக் கண்ட பொது மக்கள் கடும் எதிர்ப்பு தெரிவித் தனர்.கட்டாயக்கல்வி உரிமைச் சட்டத்தினை அமல்படுத்தாத தனியார் பள்ளிகளின் அங்கீகா ரத்தை ரத்து செய்ய வேண்டும். இச்சட்டத்தை அமல்படுத்தும் கல்வி நிலையங்களின் பட்டி யலை தமிழக அரசு வெளியிட வேண்டும். நீதிபதி சிங்கார வேலர் குழு உயர்த்திய தனியார் பள்ளிகளின் கல்விக்கட்ட ணத்தை வாபஸ் பெற வேண் டும். தனியார் பள்ளிகளின் கட் டணக்கொள்ளையைத் தடுத்து நிறுத்திட வேண்டும்.

கல்விக் கட்டணக் கொள்ளையை தடுக்கக் கோரி மதுரையில் புதனன்று இந்திய மாணவர் சங்கத்தின் சார்பில் முற்றுகைப் போராட்டம் நடைபெற்றது. போராட்டத்தில் ஈடுபட்ட மாணவ - மாணவிகளை போலீசார் அடித்து இழுத்துச் சென்றனர்.
 
தாய்மொழி வழிக்கல்வியைத் தமிழக அரசு உறுதிப்படுத்திட வேண்டும் என்பது உள்ளிட் டக்கோரிக்கைகளை வலியு றுத்தி தமிழகம் முழுவதும் இந்திய மாணவர் சங்கம் சார் பில் முற்றுகைப்போராட்டம் புதனன்று நடத்தப்படும் என்று அறிவிக்கப்பட்டிருந்தது.மதுரையில் மாணவர் சங்க மாநிலத்துணைச்செயலாளர் வி.மாரியப்பன் தலைமையில், மாநகர் மாவட்டச்செயலாளர் எஸ்.அர்ஜீன், புறநகர் மாவட் டச்செயலாளர் எம்.கண்ணன், மாநிலக்குழு உறுப்பினர் மலர் விழி, மாவட்ட நிர்வாகிகள் கார்த்திக், பாவெல், ஜென்னி உள்ளிட்ட பலர் கலந்து கொண் டனர். தல்லாகுளத்தில் உள்ள முதன்மை கல்வி அலுவலகத் தை முற்றுகையிட முயன்ற மாணவர்களை தல்லாகுளம் காவல்துறை உதவி ஆணை யர் ஜெயபால், காவல்துறை ஆய்வாளர் மோகன் தலைமை யிலான குழு தடுத்து நிறுத்தி யது. ஆனால், மாணவர்கள் முழக்கங்களுடன் முதன்மை கல்வி அலுவலகத்திற்குள் சென்று அமர்ந்து ஆர்ப்பாட்டத் தில் ஈடுபட்டனர்.

காவல்துறையினர் தாக்குதல் : இதனால் ஆத்திரமடைந்த உதவி ஆணையர் ஜெயபால், மாணவர் சங்க மாநிலத் துணைச்செயலாளர் வி.மாரியப் பனை தாக்கினார். இதனைக் கண்டித்த மாணவர்களை, காவல்துறை ஆய்வாளர் மோகன் உள்ளிட்ட காவல்துறையினர் காண்டுமிராண்டித்தனமாகத் தாக்கினர். இத்தாக்குதலைத் தடுத்த மாணவிகளையும் தர தரவென்று இழுத்துச்சென்று வாகனத்தில் ஏற்றி தள்ளினர். ஆனாலும், வீரஞ்செரிந்த கோரிக்கை முழக்கங்களை தொடர்ந்து எழுப்பியவாறு அமர்ந்து போராட்டம் நடத்திய மாணவர்களை, ஒவ்வொரு வரையும் காவலர்கள், சட்டை யைப் பிடித்து தரதரவென்று இழுத்துச்சென்று காவல் துறை வாகனத்தில் தள்ளி கைது செய்தனர். கல்விக்கட்டணத்தைக் குறைக்க வேண்டும் என்று மாணவர்கள் போராடுவது காவல்துறைக்கும் சேர்த்து தான். அதற்காகப் போராடும் மாணவர்களைப் பாராட்டாமல் தாக்குவது காட் டுமிராண்டித் தனம் என்று மக்கள் கூறினர். 

கட்டணம் என்ற பெயரில் தனியார் பள்ளி- கல்லூரிகள் அடிக்கும் கொள்ளை :  மாவட்டக் கல்வி அலுவலகங்களை முற்றுகையிட்டு எஸ்எப்ஐ போராட்டம்
திருவாரூர், ஜூன் 19 - 
தனியார் கல்வி நிலையங் களில் நடைபெறும் கட்ட ணக் கொள்ளையை வேடிக்கை பார்த்துக் கொண்டிருக்கும், தமிழக கல்வித்துறையைக் கண்டித்தும், கட்டாயக் கல்வி உரிமைச்சட்டத்தில் தனியார் பள்ளிகளில் ஏழை- எளிய மாணவர்களுக்கான 25 சதவீத இட ஒதுக்கீட் டை கறாராக அமல்படுத்தக் கோரியும், இந்திய மாணவர் சங்கத்தினர் புதனன்று முதன் மைக் கல்வி அலுவலகங் களை முற்றுகையிட்டனர்.தமிழகம் முழுவதும் நடைபெற்ற இப்போராட் டத்தில் ஆயிரக்கணக்கான மாணவர்கள் கலந்து கொண்டு கைதாகினர்.

திருவாரூர்:
திருவாரூரில், கட்டணக் கொள்ளையைத் தடுக்கா மல் செயலிழந்து கிடக்கும், முதன்மைக்கல்வி அலுவ லர் அலுவலகத்திற்கு மலர் வளையம் வைத்தும்- அஞ் சலி செலுத்தியும் நூதனப் போராட்டம் நடைபெற் றது.மேலும், சங்கத்தின் மாவட்டச் செயலாளர் க. தமிழ்ச்செல்வன் தலைமை யில், மாணவர்கள் சாலை யில் அமர்ந்து கோரிக்கை முழக்கங்களை எழுப்பினர். அப்போது காவல்துறைக் கும் மாணவர்களுக்கும் இடையே சிறிதுநேரம் தள் ளுமுள்ளு ஏற்பட்டு அப் பகுதி பரபரப்பானது.மாணவர் சங்க நிர்வாகி கள் பிரகாஷ், நன்மாறன், பிடல் காஸ்ட்ரோ, முத்துச் செல்வன், திருநாவுக்கரசு, கஸ்தூரி, வினோதினி, சுலக் சனா உட்பட நூற்றுக்க ணக்கான மாணவர்கள் போராட்டத்தில் கலந்து கொண்டனர். அவர்களில் நான்கு மாணவிகள் உட்பட 27 மாணவர்களை காவல் துறையினர் கைது செய் தனர்.

தஞ்சாவூரில் மாணவர்களைக் கேவலமாகப் பேசிய போலீசார்:
தஞ்சாவூரில் முதன் மைக் கல்வி அலுவலர் அலு வலகத்திற்கே, மாணவர் களைத் தடுத்து நிறுத்திய போலீசார், தரையில் அமர் ந்து போராட்டம் நடத்திய மாணவர்களை வலுக்கட் டாயமாக அப்புறப்படுத் தினர். மேலும், காவல்துறை துணைக்கண்காணிப்பாள ரான அர்ச்சுணன், மாண வர் சங்கத் தலைவர்கள் வி. கரிகாலன், அ.பாலச்சந்தர் உள்ளிட்டோரை ஒருமை யிலும், கேவலமாகவும் பேசி யதுடன், போராட்டத்தை யும் கொச்சைப்படுத்தினார்.மாணவர்களின் கோரிக் கையை ஆதரித்து, இப் போராட்டத்தில் கலந்து கொண்ட வாலிபர் சங்கத் தின் மாவட்டச் செயலாளர் ஆர்.மணிமாறன், கா.அன்பு ஆகியோரையும் போலீசார் குண்டுக்கட்டாகத் தூக்கி கைது செய்தனர். 7 மாணவி யர் உட்பட 22 பேரை அவர் கள் கைது செய்தனர். போலீ சாரின் அராஜகத்தைக் கண் டித்து, மாணவர்கள் தங்க ளின் மதிய உணவைப் புறக் கணித்து கண்டனம் 
தெரிவித்தனர்.

நாகையில்80 பேர் கைது : 
நாகையில் மாவட்ட ஆட்சியர் அலுவலகம் முன்பு நடைபெற்ற முற்று கைப் போராட்டத்தில் பங்கேற்று, 12 மாணவியர் உட்பட 80 பேர் கைதாகினர்.சங்கத்தின் மாவட்டத் தலைவர் பி.மாரியப்பன் போராட்டத்திற்குத் தலை மை வகித்தார். மாவட்டச் செயலாளர் வ.சிங்கார வேலன் சிறப்புரையாற்றி னார். நாகை நகரச் செய லாளர் க.வெங்கடேசன், மாவட்டக் குழு உறுப்பினர் கள் அன்புராஜ், குமரவேல், சுரேஷ், சிவனேசன், மகேந் திரன், ஸ்டீபன்ராஜ் உள் ளிட்டோர் கோரிக்கை களை விளக்கி உரையாற்றி னர். நாகை நகரின் கல்லூரி கள், அரசினர் தொழிற்பயிற்சி நிலையம் ஆகியவற் றைச் சேர்ந்த மாணவ - மாணவியர் கலந்து கொண் டனர்.

திருச்சிராப்பள்ளி :  
திருச்சியில் மாவட்ட ஆட்சியர் அலுவலகம் அருகில் ஆர்ப்பாட்டம் நடை பெற்றது. ஆர்ப்பாட்டத்திற்கு இந்திய மாணவர் சங்கத்தின் மாநகரச் செயலாளர் பாபு தலைமை வகித்தார். மாவட்டச் செயலாளர் ராஜ்குமார், மாவட்டத் தலைவர் சரவ ணத்தமிழன், மாவட்ட நிர்வாகிகள் பெரியசாமி, காமாட்சி, ஸ்ரீமதிநாராயணன் ஆகியோர் உரையா ற்றினர்.முன்னதாக ஊர்வலமும் நடைபெற்றது.

காஞ்சிபுரம்: 
கல்வி உரிமை சட்டத்தின் படி தனியார் பள்ளிகளில் 25 விழுக்காடு இட ஒதுக்கீட்டை ஏழை எளிய மாணவர்களுக்கு வழங்க வேண்டும், அதிக கல்விக்கட்டணங்களை வசூலிக்கும் பள்ளிகள் மீது நடவடிக்கை எடுக்கவேண்டும் என்பன உள்ளிட்ட பல கோரிக்கைகளை வலியுறுத்தி இந்திய மாணவர் சங்க காஞ்சிபுரம் மாவட்டக்குழு சார்பில் புதனன்று (ஜூன் 19) செங்கல்பட்டில் ஆர்ப்பாட்டம் நடைபெற்றது. மாவட்ட தலைவர் கு.அசோக் தலைமையில் நடைபெற்ற ஆர்ப்பாட்டத்தில் மத்தியக்குழு உறுப்பினர் ஜோஸ்பின் விஜி, மாவட்டச் செயலாளர் பகத்சிங்தாஸ், க.ஜீவானந்தம், ஸ்டாலின் உட்பட பலர் கோரிக்கைகளை வலியுறுத்தி பேசினர்.
கோவை: 
தனியார் கல்வி நிறுவனங்களின் கட்டண கொள்ளையை கண்டித்து: முதன்மை கல்வி அலுவலகத்தை முற்றுகையிட்ட மாணவர்கள்


தனியார் பள்ளி கல்லூரிகளில் கட்டண கொள்ளையில் ஈடுபடும் கல்வி நிறுவனங்கள் மீது கடும் நடவடிக்கை எடுக்க வலியுறுத்தி இந்திய மாணவர் சங்கத்தின் தலைமையில் புதனன்று கோவை, நாமக்கல் உள்ளிட்ட மாவட்டங்களில் உள்ள முதன்மை கல்வி அலுவலகத்தை மாணவர்கள் முற்றுகையிட்டு போராட்டம் நடத்தினர். 

தமிழகம் முழுவதும் உள்ள தனியார் பள்ளிகளுக்கு 10 முதல் 40 சதவிகிதம் வரை கூடுதல் கட்டணத்தை வசூல் செய்வதற்கு தமிழக அரசின் கட்டண நிர்ணயக்குழுவான நீதிபதி சிங்காரவேலர் குழு உத்தரவிட்டுள்ளது. ஏற்கனவே கட்டாய நன்கொடை கட்டண கொள்ளையில் ஈடுபட்டு வரும் தனியார் பள்ளிகள், மேலும் கொள்ளையடிக்க துணைபோகும் மேற்கண்ட உத்தரவை தமிழக அரசு திரும்பப் பெற வேண்டும். கட்டாய கல்வி உரிமைச் சட்டத்தின் படி தனியார் பள்ளிகளில் ஏழை எளிய மாணவர்களுக்கு 25 சதவிகித இட ஒதுக்கீட்டை பெருவாரியான பள்ளிகள் அமல்படுத்தவில்லை. எனவே, இப்பள்ளிகள் மீது அரசு கடும் நடவடிக்கை எடுத்திட வேண்டும். மேலும், இட ஒதுக்கீட்டின் படி சேர்க்கப்பட்ட மாணவர்களின் பெயர் பட்டியலை கல்வி நிலைய வளாகத்தின் தகவல் பலகையில் அனைவரும் பார்க்கும் வண்ணம் வெளியிட வேண்டும். அரசு பள்ளிகளில் ஆங்கில மொழியை பயிற்று மொழியாக இருக்க வேண்டுமென்ற தமிழக அரசின் அறிவிப்பை கண்டித்தும் புதனன்று முதன்மை கல்வி அலுவலகங்களை முற்றுகையிடும் போராட்டத்தை இந்திய மாணவர் சங்கம் அறிவித்திருந்தது.இதன் ஒருபகுதியாக, கோவை, டவுன்ஹால் மணிகூண்டு பகுதியிலிருந்து நூற்றுக்கணக்கான மாணவர்கள் பள்ளி சீருடைகள் அணிந்து, மாணவர் சங்கத்தின் மாவட்டத் தலைவர் நிசார் அகமது தலைமையில் முதன்மை கல்வி அலுவலகத்தை முற்றுகையிட ஊர்வலமாக சென்றனர். பின்னர், முதன்மை கல்வி அலுவலகத்தை முற்றுகையிட்ட மாணவர்கள் மேற்கண்ட கோரிக்கைகளை வலியுறுத்தி முழக்கங்களை எழுப்பினர். 

இதையடுத்து, காவல்துறை ஆணையாளர் மனோகரன், ஆய்வாளர்கள் கணேசன், சீனிவாசன் ஆகியோர் தலைமையில் அங்கு குவிக்கப்பட்டிருந்த போலீசார், மாணவர் சங்கத்தின் நிர்வாகிகளை மட்டும் கைது செய்ய முயன்றனர். இதற்கு போராட்டத்தில் ஈடுபட்ட மாணவர்கள் கடும் கண்டனம் தெரிவித்தனர். இருப்பினும், மாணவர்களின் எதிர்ப்பை மீறி சங்கத்தின் மாநிலத் தலைவர் கே.எஸ்.கனகராஜ், மாவட்டச் செயலாளர் தீபக்சந்திரகாந்தி, துணைச் செயலாளர் தென்றல் உள்ளிட்ட நிர்வாகிகள் 15 பேரை மட்டும் குண்டுக்கட்டாக கைது செய்து வாகனத்தில் ஏற்றிச் சென்றனர். மாணவர்களின் இம்முற்றுகை போராட்டத்தின் காரணமாக அப்பகுதியில் பெரும் பரபரப்பு ஏற்பட்டது.

மிரட்டிய ஆய்வாளர்:
இதனிடையே, மாணவர் சங்கத்தின் நிர்வாகிகளை மட்டும் போலீசார் கைது செய்து வாகனத்தில் ஏற்றிச் சென்ற பின்பு, காவல்துறை ஆய்வாளர் சீனிவாசன், போராட்டத்தில் கலந்து கொண்ட மாணவர்களை மிரட்டும் தொனியில் பேசினார். ஆனால், இம்மிரட்டலுக்கு அஞ்சாத மாணவர்கள், கொள்ளையடிக்கும் கல்வி நிலையங்களுக்கு சென்று முதலில் நீங்கள் மிரட்டுங்கள். எங்களை மிரட்டும் வேலையில் ஈடுபடாதீர்கள் என ஆவேசமாக தெரிவித்தனர். இதனால், மேற்கொண்டு செய்வதறியாத ஆய்வாளர் அங்கிருந்து நகர்ந்து சென்றார்.

நாமக்கல்
இதேபோல், கல்வி கட்டண கொள்ளையை கண்டித்து நாமக்கல் மாவட்ட முதன்மை கல்வி அலுவலகம் முன்பாக இந்திய மாணவர் சங்கத்தினர் பாடை கட்டி நூதன முறையில் ஆர்ப்பாட்டத்தில் ஈடுபட்டனர். இப்போராட்டத்திற்கு சங்கத்தின் மாவட்டச் செயலாளர் ஏ.டி.கண்ணன் தலைமை வகித்தார். சங்கத்தின் மாநில துணைத்தலைவர் பி.உச்சிமகாளி கண்டன உரையாற்றினார். இப்போராட்டத்தில் சங்கத்தின் மாவட்ட நிர்வாகிகள் கே.நவீன்ராஜ், எம்.நாகேஸ்வரன், மோகனப்பிரியா, ஆஷா, அஜீத்குமார் உள்ளிட்ட ஏராளமானோர் கலந்து கொண்டனர். 
                                                                                                         நன்றி:தீக்கதிர்..!

Read more...
Friday, 21 June 2013

மருத்துவ கல்லூரி நிர்வாகிகளிடம் - சரணடைந்தார் முதல்வர் ரங்கசாமி..!

0 comments
தனியார் மருத்தவ கல்லூரிகளில் 50சதவீத  இடஓதுக்கீடு வழங்காததை கண்டித்து புதுச்சேரியில் முற்றுகை போராட்டம்:
 
தனியார் மருத்துவ கல்லூரிகளில் அரசுக்கு வழங்கவேண்டிய 50சதவீத இடங்களை வழங்காததை கண்டித்தும், அக்கல்லூரிகளின் அங்கீகாரத்தை உடனே ரத்து செய்யக்கோரி மாணவர், வாலிபர் சங்கங்கள் சார்பில் போராட்டம் நடைபெற்றது.
 
மணகுளவிநாயகர், அறுபடைவீடு, மகாத்மா காந்தி, வெங்கடேஸ்வரா, லட்சுமி நாராயணா உள்ளிட்ட தனியார் மருத்துவ கல்லூரிகளில் அரசுக்கு வழங்கவேண்டிய 50சதவீத இடங்கள் வழங்குவதற்கு பதில் குறைவான இடங்களையே ஒவ்வொரு ஆண்டும்  வழங்கப்பட்டு வருகிறது. எனவே அரசின் 50சதவீத இடங்களை வழங்க மறுத்துவரும் இக்கல்லூரிகளின் அங்கீகாரத்தை உடனே ரத்து செய்யக்கோரி இப்போராட்டம் நடைபெற்றது.
புதுச்சேரி வணிகவரித்துறை அலுவலகம் முன்பு நடைபெற்ற போராட்டத்திற்கு இந்திய மாணவர் சங்கத்தின் பிரதேச துணைதலைவர் ரஞ்சித் தலைமை தாங்கினார். செயலாளர் ஆனந்து, வாலிபர் சங்க பிரதேசத்தலைவர் இரா.சரவணன் நிர்வாகிகள் யோகராஜ், அருள், மவூரியா  உள்ளிட்ட  மாணவர்கள், வாலிபர்கள் இப்போராட்டத்தில் ஈடுபட்டனர். முன்னதாக முற்றுகையில் ஈடுபட முயன்ற மாணவர்களை  காவல்துறையினர் தடுத்து நிறுத்தி கைது செய்தனர். 
 
தனியார் கல்லூரிகளின் நிர்வாகிகள் கூட்டம் புதுச்சேரி முதல்வர் ரங்கசாமி தலைமையில் வணிகவரித்துறை அலுவலகத்தில் நடைபெறுவதையொட்டியே  இப்போராட்டம் நடைபெற்றது.
 
அடிபணிந்தார்  முதலமைச்சர் ரங்கசாமி:
 
இந்திய மாணவர் சங்கம், ஜனநாயக வாலிபர் சங்கம் சார்பில் நடைபெற்ற போராட்டத்திற்கு பிறகு திட்டமிட்டபடி முதலமைச்சர் ரங்கசாமி தலைமையில் தனியார் மருத்துவ கல்லூரி நிர்வாகிகள் கலந்து கொண்ட கூட்டம் புதுச்சேரி வணிகவரி துறை அலுவலகத்தில் நடைபெற்றது. இக்கூட்டத்தின் முடிவில் தனியார் மருத்துவ கல்லூரிகள் புதுச்சேரி அரசுக்கு கடந்த ஆண்டு வழங்கிய அதே 265 இடங்களையே வழங்கியுள்ளனர். 50 சதவீதம் அரசு இடஒதுக்கீட்டை தனியார் மருத்துவ கல்லூரிகள் வழங்கும் என்று புதுச்சேரி மாணவர்கள் எதிர்பார்த்த நிலையில் வெறும் 27% சதவீதம் மட்டுமே தனியார் கல்வி நிறுவனத்திடம் பெற்றுள்ளார். அண்டை மாநிலமான தமிழகத்தில் 60% சதவீதம் பெறும்போது புதுச்சேரியில் தனியார் மருத்துவ கல்லூரிகள் துவங்கும் போது 80% சதவீதம் தருவதாக உறுதி கூறியே கல்வி நிறுவனத்தை துவங்கியவர்கள் தற்போது அரசு விதிகளை காற்றில் பறக்கவிட்டு வருகின்றனர் என்பது வேதனைக்குள்ளான விஷயம்.
Read more...
Wednesday, 12 June 2013

இணையதளம், தொலைபேசிகளை கள்ளத்தனமாக கண்காணிக்கிறது அமெரிக்கா!

0 comments

மக்களின் அந்தரங்க உரிமைகள் அமெரிக்க உளவாளிகளின் கைகளில்!
இந்தியா தடுக்க வேண்டும்: எஸ்.எப்.ஐ.


புதுதில்லி, ஜூன் 11- இந்திய மக்கள் உட்பட உலகின் அனைத்துப்பகுதி மக்களின் அந்த ரங்க நடவடிக்கைகளையும் அவர்க ளது தொலைத்தொடர்பு மற்றும் இணையதளச் செயல்பாடுகள் மூலம் அமெரிக்கா கண்காணித்துக் கொண்டிருப்பதாக அதிர்ச்சிகரமான செய்திகள் வெளியாகியுள்ள நிலையில், இதைத் தடுத்து நிறுத்தும் நட வடிக்கைகளை இந்திய அரசு உடன டியாக மேற்கொள்ள வேண்டுமென இந்திய மாணவர் சங்கம்  வலியுறுத்தியுள்ளது. நாடுகளின் இறையாண்மையையும் தனி நபர்களின் உரிமைகளையும் நசுக்கும் விதத்தில் அமெரிக்கா மேற்கொண்டுள்ள இத்தகைய மோசமான வேவுபார்க் கும் நடவடிக்கைகளைஇந்திய மாணவர் சங்கம் வன்மையாகக் கண்டித்துள்ளது.இதுதொடர்பாக இந்திய மாணவர் சங்கம், மத்திய குழு வெளியிட்டுள்ள அறிக்கை வருமாறு:-

அமெரிக்காவின் தேசிய பாது காப்பு முகமையானது (என்எஸ்ஏ), இணையதளம் மற்றும் தொலைபேசித் தகவல்களின் அடிப்படையில் உலகில் உள்ள அனைத்து நபர்களைப் பற்றியும் தகவல்களை கைப்பற்றிக்கொள்கிறது என்று ஊடகச் செய்திகள் மூலம் வெளிச்சத்திற்கு வந்துள்ளது.வேவுபார்க்கும் நோக்கத்திற்காக அமெரிக்கா அனைத்து நாடுகளின் இறையாண்மை மற்றும் தனி நபர்களின் அந்தரங்கங்களில் அத்துமீறி மூக்கை நுழைப்பது வெளிச்சத்திற்கு வந்திருக்கிறது. ஊடகங்களில் வந்துள்ள செய்திகள் மூலம், மிகப்பெரிய தொலைத் தொடர்பு நிறுவனங்களான வெரிசான், ஏடிஅண்டு டி, கூகுள், மைக்ரோசாப்ட், யாஹூ, ஆப்பிள் மற்றும் பேஸ்புக் போன்ற இணையதளங்கள் அமெரிக்க அரசாங்கத்தின் உளவுபார்க்கும் கருவிகளாகவும் செயல்பட்டுக்கொண்டிருப்பது புலப்பட்டிருக்கிறது. “பிரிசம்” என்ற அமெரிக்க கண்காணிப்புத்திட்டத்தின் கீழ் இந்த நிறுவனங்கள் கருவிகளாக செயல்பட்டு வருகின்றன. இதற்காக கேபிள் லைன்களையும் இவை குறுக்கிட்டு இடைமறித்துள் ளன.அமெரிக்க அரசாங்கத்தால் இவ்வாறு உளவு பார்க்கப்பட்டு வரும் நாடுகளில் இந்தியா ஒரு முக்கிய இலக்காக இருக்கிறது என்பது குறிப்பிடத்தக்கது. அமெரிக்காவால் கள்ளத்தனமாக கண்காணிக்கப்படும் நாடுகளில் சீனா, ரஷ்யா ஆகிய நாடுகளை விடவும் அதிகமான அளவில் ஐந்தாவது மிகப்பெரிய இலக்காக இந்தியா இருந்து வருகிறது. அமெரிக்க அரசு இதை நியாயப்படுத்தியுள்ளது. தேசியப் பாதுகாப்பு முகமையானது, ‘வெளிநாட்டவர்களை’ மட்டுமே இப்படி வேவு பார்க்கிறது என்றும், அமெரிக்க குடிமக்களின் அந்தரங்க உரிமை எதையும் மீறிவிடவில்லை என்றும், இதுதொடர்பான அமெரிக்கச் சட்டங்கள் எதையும் மீறிவிட வில்லை என்றும், அமெரிக்க தேசிய நலன் அடிப்படையிலேயே வெளிநாட்டவர்களை வேவு பார்த்துக் கொண்டிருப்பதாகவும் ஜனாதிபதி ஒபாமாவே வெளிப்படையாக ஒப்புக் கொண்டிருக்கிறார்.இணையதளம் என்ற கட்டமைப்பும் அதன் உலகளாவிய நிர்வாகமும் அமெரிக்க வர்த்தகத்துறையின் ஒப்பந்தத்தின் அடிப்படையிலேயே செயல்பட்டு வருகிறது என்பது இப் போது தெளிவாகிறது. இதன் பொருள், இணையதளம் என்ற கட்டமைப்பு அமெரிக்க அரசாங்கத்தின் கட்டுப்பாட்டில் இருக்கின்றன என்பதே ஆகும்.


உலகளாவிய தகவல் தொடர்புகளில் இணைய தளத்தின் முக்கியத்துவம் அதிகரித்துவரும் நிலையில் இதர நாடுகள் மீதும், அவற்றின் குடிமக்களின் உரிமைகள் மீதும் இப்படிப்பட்ட அத்துமீறிய கட்டுப்பாடு தீவிரமடையும் ஆபத்துக்களும் உள்ளன என்பது தற்போது தெளிவாகிறது.இந்த விவகாரத்தில் இந்தியா, தனது குடிமக்களின் உரிமைகள் மீறப்பட்டிருப்பதையும், தனது இறையாண்மை மீறப்பட்டிருப்பதையும் எதிர்த்து உடனடியாக கடும் கண்டனம் எழுப்பிடவேண்டும்.மைக்ரோசாப்ட், கூகுள், யாஹூ மற்றும் பேஸ்புக் போன்ற நிறுவனங்களின் உதவியோடு அமெரிக்கா கள் ளத்தனமாக இந்திய மக்களின் தகவல்களை சேகரித்து வேவு பார்ப் பதற்கு எதிராக இந்திய அரசு கண்ட னக்குரல் எழுப்புவதோடு நின்று விடக்கூடாது; மேற்கண்ட நிறுவனங்களின் சேவைகளை உலகம் முழுவதும் உள்ள மக்கள் பயன் படுத்திவரும் நிலையில், அந்த மக்களின் நம்பிக்கைக்குப் பாத்திரமாக இந்நிறுவனங்கள் நடந்துகொள்ள வேண்டும் என குரல் கொடுக்கும் நாடுகளோடு இந்தியாவும் அவசியம் இணைந்துகொள்ள வேண்டும்.உலகளாவிய இணையதள நிர் வாகத்தை ஜனநாயகப்படுத்துவதற் கும், நாடுகளின் இறையாண்மை மீதும், தனிநபர்களின் உரிமைகள் மீதும் ஏறி நின்று அவற்றை நசுக்க முயற்சிக்கும் அமெரிக்க உளவு ஸ்தாபனங்களின் நடவடிக்கைகளை நிறுத்துவதற்கும் இந்தியா அவசியம் குரல் கொடுக்க வேண்டும்.இவ்வாறு அந்த அறிக்கையில் கூறப்பட்டுள்ளது. 
                                                                                                            நன்றி :  தீக்கதிர் 
Read more...
Sunday, 9 June 2013

புதுச்சேரியில் தனியார் பள்ளியின் வளர்ச்சியும் அரசு பள்ளியின் வீழ்ச்சியும்..!

0 comments
ஜூன் 1, 2013 SFIன் புதியபாதை இதழ் 

புதுச்சேரி மாநிலம் விடுதலைக்கு முன்பு பிரெஞ்சு  ஆட்சி காலத்தில் புதுச்சேரி மாணவர்களுக்கு கல்வி  என்பது எட்டாக்கனியாயிருந்தது கல்வியில் வேற்றுமை பாரட்டப்பட்டது. பிரெஞ்சுக்காரர்களுக்கு என தனிக் கல்வி நிலையங்கள் இருந்தன. அந்தக்கல்வி நிலையங்களில் இந்திய மாணவர்களைச் சேர்த்துக்கொள்ள மறுத்தனர். மிகுந்த செல்வாக்கின் காரணமாகச் சேர்த்தவர்களும் நிறவேற்றுமை பாரட்டப்பட்டதால் வெளியேறினர். கல்வியில் காட்டப்பட்ட இந்த வேற்றுமையைக் களைய உள்ளுர் மக்கள் தலைவர்கள் முயன்றனர். எதிர்த்துக் குரல் கொடுத்தனர். அப்போழுது கல்வே சுப்புராய்ச்செட்டியார் என்பவர் உள்ளளூர் மாணவர்கள் சிறந்த கல்வி பெறவேண்டும் என்னும் நோக்கத்தில் ஒரு பள்ளியை நிறுவினார். கலவைக் கல்லூரி (CALVEY COLLEGE)  என்ற அப்பள்ளியின் மாணவர்கள் பிரெஞ்சு ஆட்சிக்கு எதிராக 1927இல் கிளர்ச்சி செய்தனர்.பிரெஞ்சிந்தியக் கல்வித்துறையின் அதிகாரத்தால் மாணவர் தலைவர்களை பிரெஞ்சு கல்வி துறை இடைநீக்கம் செய்தது, இதனால் மாணவர்கள் போராட்டம் வலுப்பெற தங்களின் பிள்ளைகளுக்காக பெற்றோர்களும் மாணவர் அமைப்புகளும் சேர்ந்து போராட்டம் நடத்தியதன் விளைவாக பிரெஞ்சு அரசு மாணவர்களின் போராட்டத்திற்கு அடிபணிந்து இடைநீக்கம் செய்தமாணவர்களை மீண்டும் அப்பள்ளியில் சேர்த்துக்கொண்டனர் என வரலாற்று சிறப்புமிக்க விடுதலை போராட்டத்தில் கிளர்ச்சி செய்த பள்ளி கலவை கல்லூரி தற்போது மிஷன் வீதியில் இயங்கிக்கொண்டு இருக்கின்றது. அப்பள்ளியின் தற்பொதைய நிலைமை கட்டிடங்களை முறையாக பாதுகாக்க பராமரிக்க தவறியதன் விளைவு  அப்பள்ளிகளில் மாணவர் எண்ணிக்கையையும் வகுப்புகளையும் ஆண்டுதோறும் அரசும் கல்வித்துறையும் குறைத்துக்கொண்டே வருகின்றது. இன்னும் சில ஆண்டுகளில் அப்பள்ளி மூடும் நிலைக்கு தள்ளப்படும். பிரெஞ்சிந்திய மாணவர்களுக்கு இணையாக புதுச்சேரி மாணவர்களும் கல்வி கற்க வேண்டும் என்று கட்டிய பள்ளிக்கூடத்தை இன்று ஆட்சி அதிகாரத்தில் உள்ள ஆட்சியாளர்கள் ஏழை, எளிய மாணவர்கள் படிக்கும் அந்த பள்ளி கட்டிடங்களை பாதுகாக்கவும் ஏழை மாணவர்களுக்கு தரமான இலவச கல்வி அளிப்பதற்கு  அரசிடம் பணம் இல்லை என கூறுகிறது.



இதே நிலைமை தான் ..சி மேல்நிலைப்பள்ளிக்கு பத்தாம் வகுப்பு மாணவர்கள் அதிக மதிப்பெண் எடுத்தால் முதலில் தேர்ந்தேடுக்கும் அரசுப்பள்ளி ..சி. பள்ளி, ஆனால் இன்றைக்கு நிலைமை  கட்டிடங்கள் சரியில்லை என்று 10ஆம் வகுப்பு வரை நீக்கிவிட்டனர். அரசு பள்ளிகளை பாதுகாக்காமல் அரசாங்கம் தனியார் கல்வி நிறுவனங்களை சீரும் சிறப்போடும் வளர்த்து வருகின்றது.




அரசாங்கம் அரசு பள்ளிகளை நவீனப்படுத்தி, ஆசிரியர் பற்றக்குறையை நிவர்த்தி செய்யவும் முன்வருவதில்லை. இதன் விளைவாக   அரசு பள்ளிகளில் ஆண்டுதோரும் மாணவர்களின் எண்ணிக்கை குறைந்துகொண்டே வருகின்றது.


அரசுப்பள்ளியில் 1 - 5ம் வகுப்பு வரை சராசரியாக  கடந்த 4 ஆண்டுகளில்  ஆண்டுக்கு 4000 மாணவர்கள் தனியார் பள்ளியை நாடுவதும், அரசு பள்ளி எண்ணிக்கை குறைந்துகொண்டே வருகின்றது.  இதனால் பல அரசு ஆரம்பப்பள்ளி மாணவர்சேர்க்கை குறைவாக உள்ளது. இதனால் பல அரசு ஆரம்ப்ப பள்ளிகள் மூடும் நிலையிலும்  உள்ளது.

1-5ம் வகுப்பு வரை கடந்த 4 ஆண்டுகளில் தனியார் பள்ளிகளை நாடிசெல்வோரின் எண்ணிக்கை  சராசரியாக 3500 மாணவர்கள் வரை ஒவ்வொரு ஆண்டும் உயர்ந்து பெரும்வளர்ச்சியை அடைந்துள்ளது


அரசுப்பள்ளியில் 6-10 வகுப்பு வரை சராசரியாக 4 ஆண்டுகளில் மட்டும் ஆண்டுக்கு 1200 மாணவர்களின் எண்ணிக்கை குறைந்துகொண்டே வருகின்றது.    ஆனால் தனியார்ப்பள்ளியில் 6-10ம்  வகுப்பு வரை பயிலும் மாணவர்களின் எண்ணிக்கை 4 ஆண்டுகளில் சராசரியாக 3500 மாணவர்கள் வரை உயர்ந்துள்ளது. தனியார் மேல்நிலைப்பள்ளியில் ஆண்டுக்கு 1000 மாணவர்கள் வரை கூடுதலாக எண்ணிக்கை என்பது உயர்ந்து வருகின்றது.



அரசு பள்ளியின் மாணவர்கள் எண்ணிக்கை
அரசுப்பள்ளயின் அண்டுக்கு மாணவர்களின்  சேர்க்கை குறைவு எண்ணிக்கை
தனியார் பள்ளியின் மாணவர்கள் எண்ணிக்கை
தனியார்பள்ளகளின் மாணவர்களின்  சேர்க்கை உயர்வு  எண்ணிக்கை 




2008-09
84,845

1,01,352


2009-10
81,122
3,723
1,09,749
8,397

2010-11
76,118
5,004
1,14,007
4,258

2011-12
71,785
4,333
1,19,924
5,917
அனைவருக்கும் 14 வயதுக்குட்பட்டவர்களுக்கு இலவசமாக கல்வி அளிக்க வேண்டும் என்று மத்திய அரசு 2009ல் கட்டாய கல்வி உரிமைச் சட்டம் இயற்றப்பட்டது.  கட்டாய கல்வி உரிமை சட்டம் அடிப்படையில் தனியார் பள்ளிகளில் 25 சதவீதம் இலவச கல்வியை கட்டாய படுத்த அரசு முன்வருவதில்லை. கல்வி உரிமை சட்டம் சம்பந்தமாக கல்வி  துறை அதிகாரியிடம் என்னாயிற்று என்று கேட்டால் அனைத்தும் சட்டசபையில் அமைச்சர் மேற்பாற்வையில் உள்ளது என்ற பதில் அளித்தார். கல்வி உரிமை சட்டத்தை அமுல்படுத்தாதது குறித்து அரசுக்கு எந்த கவலையும் இல்லை.

கடந்த 15 ஆண்டுக்கு முன்பு தனியார் பள்ளிகளின் எண்ணிக்கை 92 ஆரம்ப பள்ளிகள்,  38 நடுநிலைப்பள்ளிகள்,  51 உயர்நிலை பள்ளிகள்,  17 மேல்நிலைப்பள்ளிகளாக இருந்த நிலையில், புதுச்சேரியை ஆண்ட காங்கிரஸ், தி.மு. ஆட்சியில் கல்வியில் தனியார்மயத்தை திறந்து விட்ட விளைவு இப்போது காங்கிரஸ் போன பாதையிலே சற்றும் தவறாமல் தன் ஆட்சியை வழி நடத்தும் என்.ஆர் காங்கிரஸ் அரசும் தனியார் தான் தரமாக கல்வியை தருவதாக சித்தரித்ததின் விளைவே இன்று தனியார் பள்ளிகளின் எண்ணிக்கை அப்படியே இரண்டுமடங்காக உயர்ந்துள்ளது. தற்போது  தனியார் பள்ளிகளின் எண்ணிக்கை   70  ஆரம்ப பள்ளிகள்  58 நடுநிலைப்பள்ளிகள் 107 உயர்நிலை பள்ளிகள் 68 மேல்நிலைப்பள்ளிகள்.


அரசிடம்  அரசு பள்ளிகளின் தரம் உயர்த்த வேண்டும் என்று கேட்டால் அவர்கள் நாங்கள் உயர்த்தியுள்ளோம் என்று வாய்கூசாமல் சொல்வார்கள்..... அரசுப்பள்ளிகளில்  கடந்த 15 ஆண்டுகளில்  புதியதாக பள்ளிகளை துவங்கியதாக சரித்திரம் கிடையாது. ஆனால் அரசாங்கம் ஓர் புதிய யுக்தியை கடைபிடிக்கின்றனர். புதியதாக கல்வி நிலையங்களை துவங்கினால் கட்டிடம் கட்ட அரசுக்கு கூடுதல் பணம் செலவிடவேண்டிய நிலைமை ஏற்படும். எனவே  புதுச்சேரியல் அரசு பள்ளிகளின் தரத்தை உயர்த்தலாம் என்று முடிவு எடுத்தனர்தரம் உயர்த்துவது என்பது உயர்நிலை பள்ளியை மேல்நிலைப்பள்ளியாக மாற்றுவது நடுநிலைப்பள்ளிகளை உயர்நிலைப்பள்ளியாக உயர்த்துவது தான் தரம் உயர்வாம்?. ஆட்சியாளர்கள் அதைதான் தரம் உயர்வு என்று கூறுகின்றனர்.

பள்ளியின் தரம் உயர்த்தினால் மாணவர்களின் எண்ணிக்கையின் அடிப்படையில் முதலில் பள்ளியின் வகுப்பறைகளை அதிகப்படுத்தவேண்டும், ஆசிரியர்  எண்ணிக்கையை உயர்த்த வேண்டும், அரசு பள்ளிகளில் ஆசிரியர் பாற்றாக்குறை 1500க்கும் மேல் உள்ளது, கழிவறைகளை அதிகப்படுத்த வேண்டும், மேல்நிலைப்பள்ளியென்றால் ஆய்வகங்களை ஏற்படுத்தவேண்டும், ஆய்வக உதவியாளர்கள் நியமிக்கப்பட வேண்டும்,  அதையெல்லாம் செய்யாமல் பள்ளியின் தரத்தை மட்டும் உயர்த்த உத்தரவிட்டால் அரசு பள்ளியின் தரம் எப்படி உயரும்? புதுவையில் இதற்கு பல பள்ளிகள்  உதாரணமாக கூறலாம் . கரிக்கலாம்பாக்கம், கோர்க்காடு, கிரும்பாம்பாக்கம், பாகூர் கஸ்தூரிபாய் பள்ளி வில்லியனூர் உறுவையார், கதிர்காமம், இலாசுபேட்டை வள்ளலார் பெண்கள் மேல்நிலைப்பள்ளி என பல பள்ளிகள்.   ஆனால் என்.ஆர் அரசு ஏழை எளிய மாணவர்கள் படிக்கும் அரசு பள்ளி கட்டிடங்களை பாதுகாக்கவும், ஏழை மாணவர்களுக்கு இலவசமாக கல்வி அளிப்பதற்கு அரசிடம் பணம் இல்லை. ஆனால் புதியதாக ஹோட்டல் கட்டினால் கோடிக்கணக்கில் மானியமாம். சுற்றுளாவை மேம்படுத்த கடற்கறையை பளிங்கு கற்கலால் அழகுபடுத்த கோடிக்கணக்கில் செலவிட பணம் இருக்காம்.

தனியார் பள்ளியின் வளர்ச்சியும் மாணவர்கள் உரிமை பரிப்பும்

தொழிலாளர்களுக்கு கூட தொழிற்சாலையில் 8 மணிநேரம் தான் வேலை என்கின்ற சட்டம் இருக்கின்றது. ஆனால் தனியார் பள்ளியில் படிக்கும் மாணவர்களுக்கு குறிப்பாக 9-10, 11-12 வகுப்பு மாணவர்களுக்கு 16 மணிநேர வேலை நேரமாக இருக்கின்றது. காலை 6 மணியிலிருந்து இரவு 10 மணிவரை விடுமுறை கிடையாது, உறவினருடனும் நண்பர்களுன் உரையாட முடியாது, அன்றாட நிகழ்வுகளுக்கு மாறாக, இயற்க்கைக்கு எதிராக ஓர் இயந்திரத்தனமாக தனியார்மயம் மாணவர்களை மாற்றி வருகின்றது. குறிப்பாக பொதுத் தேர்விற்கு தயாராகும் மாணவர்களின் நிலைமை சொல்ல முடியாதவை. கிட்டதட்ட 18 மாதங்கள் பொது தேர்வுக்காக மாணவர்களை இயந்திரம் போல மாணவர்களின் உரிமைக்கும் ஜனநாயகத்திற்கும் எதிராகவும் நடத்துகின்றனர். தனியார் பள்ளிகள் 100 சதமான தேர்ச்சி பெற்றாக வேண்டும், அடுத்த ஆண்டு முழுமையான மாணவர் சேர்க்கை நடைபெறவேண்டும் என்கின்ற லாப வெறியோடு மாணவர்களை பயன்படுத்துகின்றனர். மறுபக்கம் அரசு பள்ளியில் ஆசிரியர் பற்றாக்குறை, சரியானமுறையில் ஊக்குவிப்பும் பயிற்சியும் இல்லாதது சிறப்பு வகுப்புகள் கிடையாது. இப்படியாக அரசு பள்ளி மாணவர்கள் எப்படி தனியார் பள்ளி மாணவர்களிடம் போட்டிப்போடமுடியும். எப்போது அரசு பள்ளி தனியார் பள்ளிக்கு இணையாக மாறும்எப்போது அரசு உயர் அதிகாரிகள் பிள்ளைகளும்,  சட்டமன்ற உறுப்பினர்களுடைய வாரிசுகளும், அரசு பள்ளியின் ஆசிரியர் பிள்ளைகளும் அரசு பள்ளியில் தான் கட்டாயம் சேர்க்க வேண்டும் என்று சட்டம் இயற்றினால் தான் அரசு பள்ளியின் கல்வி தரம் தனியார் பள்ளிக்கு இணையாக மாறுமே தவிர வேறு வழியே இல்லை.

புதுச்சேரியில் உயர் கல்வி பறிப்பும் அரசின் தனியார் மயக்கொள்கையும்

புதுச்சேரியில் ஒரு ஆண்டுக்கு  சுமார் 8 ஆயிரம் மாணவர்கள் பணிரெண்டாம் வகுப்புகளை முடித்துவிட்டு வெளியே வருகின்றனர். அவர்களுக்கு உயர்கல்வி அளிக்க அரசாங்கம் அரசு கல்லூரிகளில் 4000 மாணவர்களுக்கு மட்டும் தான் இது வரை வழிவகை செய்துள்ளது. மீதம் உள்ளவர்கள்  உயர்கல்வி பெற தனியார் கல்வி நிறுவனங்களை  நாடிச்செல்ல வேண்டிய நிலைமை உள்ளது. புதுச்சேரியில் ஒரேஒரு அரசு மருத்துவக்கல்லூரி தான் உள்ளது. ஆனால்  9 தனியார் மருத்துவக்கல்லூரி. புதுச்சேரியில் அரசு பொறியியல் கல்லூரி கிடையாது. அரசு உதவிபெரும் பொறியியல் கல்லூரிதான் இரண்டு உள்ளது. அதுவும் தனியார் கல்லூரியை விட அதிக கட்டணம். பொறியியல் படிப்பை புதுச்சேரியில் இலவசமாக படிக்க முடியாது. ஆனால் ஆளும் அரசு அரசாங்கம் உயர்படிப்பை இலவசமாக படிக்கலாம் என்று சட்டசபையில் அறிவிப்பார்கள். 13 அரசு கலை மற்றும் அறிவியல் கல்லூரிகள் .  5 அரசு உதவி பெறும் கலை மற்றும் அறிவியல் கல்லூரிகள்,  9 தனியார் கலை மற்றும் அறிவியல் கல்லூரிகள். அரசு B.Ed. கல்லூரி கிடையாது 27 தனியார் B.Ed. கல்லூரிகள். அதபோல் ஒரே ஒரு அரசு D.T.Ed.  கல்லூரி ஆனால் 50 தனியார் D.T.Ed. கல்லூரிகள்.  இதில் இருந்து பார்த்தால் உயர்கல்வியில் தனியார்மயத்தையும் லட்சக்கணக்கில் பணம் இருந்தால் தான் உயர்கல்வி கிடைக்கும் புதுச்சேரியில்.

            புதுச்சேரியில் மத்திய பல்கலைகழகம் வரலாற்று சிறப்புமிக்க அக்கல்லூரியில் பல்வேறு மாநிலத்தில் இருந்தும் ஆர்வத்துடனும் பல ஆராய்ச்சி மாணவர்களை உருவாக்கிய பல்வேறு வல்லுனர்களை உருவாக்கிய கல்லூரி, எப்போது பல்கலைகழகத்தில் தேர்வில் மதிப்பெண்பட்டியல் பிரச்சனை வந்து அது சம்பந்தமாக ஊழியர் படுகொலை நடந்ததோ அன்று தொடர்ந்து பல்கலைகழகம் துணை வேந்தரின் தன்னிச்சையான முடிவுகள் முதல் தூரோகம் 2007 - 2008ம் ஆண்டு தாய் மொழியில் தேர்வு எழுத அனுமதி மறுப்பு புதுச்சேரியில்  பல ஏழை எளிய மாணவர்கள் அரசாங்க பள்ளியில் தமிழ் வழியில் படித்து கல்லூரியல் சேரும் போது திடீர் என்ற அவர்கள் அனைவரும் ஆங்கிலத்தில் தான் தேர்வுகள் எழுதவேண்டும என்று பல்கலைகழக முடிவு. இம்முடிவால் இன்றும் பல மாணவர்கள் அவர்களின் பட்டப்படிப்பை முடிக்க முடியாத சுழ்நிலை.

2012-13 கல்வி ஆண்டில் சென்ற ஆண்டை விட 100 சதமானம்  கட்டண உயர்வு 2012 ஆண்டுக்கு முன்பு 3000 இருந்தால் எந்த படிப்பையும் படிக்கலாம் ஆனால் இப்போது குறைந்தபட்சம் 20,000 பணம் இருந்தால் தான் பல்கலைகழகத்தில் படிக்க முடியும் நிலைமை.  இது பல ஏழை எளிய மாணவர்கள் உயர்கல்வி பறிக்கும் நடவடிக்கை. பல்கலைகழகத்தில் கட்டண உயர்வு எம்பில் படிப்பு நீக்கம், கொலைவழக்கு, கட்டிட வேலையில் ஊழல், ஆட்கள் நியமிப்பதில் குளறுபடி, மத்திய பல்கலைகழகம் புதுச்சேரி மாநில மாணவர்களுக்கு உயர்கல்வி தரும் வாய்பை நசுக்குகின்றதுபுதுவை அரசும் அதை மௌனமாக வேடிக்கை பார்க்கின்றதுஆனால் கடந்த 5 அண்டுக்கு முன்பு புதுவை அரசு அறிவித்த மாநில பல்கலைகழகம் அமைப்பதாக சட்டசபையில் அறிவித்த அறிவிப்பு அறிவிப்பாகவே உள்ளது. இந்திய மாணவர் சங்கத்தின் தொடர்ச்சியான போராட்டத்தின் காரணமாக தான் அரசு பல்லைக்கழகம் அமைப்பதாக உறுதியளித்தது. கடந்த சட்ட சபை கூட்டதில்  முதல்வர் மாநில பல்கலைக்கழகம் விரைவில் துவங்க நடவடிக்கை எடுக்கப்படும் என்று கூறியுள்ளார். பல்கலைகழகத்தை உடனே துவங்க அனைத்து ஜனநாயக இயக்கங்களும் ஒன்று சேர்ந்து போராட்டக்களத்தில் இறங்காமல் மாநில பல்கலைகழகம்          சாத்தியமில்லை. 
"போராடி நாம் தோற்றதில்லை, போராடாமல் நாம் வென்றதில்லை."
                                        து.கதிரவன்,
                                        SFI முன்னால் செயலாளர்,
                                        புதுச்சேரி பிரதேச குழு.
                                        நன்றி : SFIன் புதியபாதை

Read more...
 
SFI - Students Federation of India - Puducherry Pradesh Committee © 2011 DheTemplate.com & Main Blogger. Powered by www.sigaramevents.com