Related Posts Plugin for WordPress, Blogger...

ShareThis

 
Monday, 20 May 2013

சென்னையில் எஸ்.எப்.ஐ மாநில மாநாடு - வரவேற்புக் குழு அமைப்பு

0 comments
சென்னையில் மாணவர் சங்க 23வது மாநில மாநாடு 175 பேர் கொண்ட வரவேற்புக் குழு அமைப்பு:
சென்னை, மே 18 -

இந்திய மாணவர் சங்கத் தின் 23வது மாநில மாநாடு ஆகட்22 முதல் 24 வரை சென்னையில் நடைபெறு கிறது. இதையொட்டி 175 பேர் கொண்ட வரவேற்புக் குழு அமைக்கப்பட்டுள்ளது.

1992ம் ஆண்டு இந்திய மாணவர் சங்கத்தின் 14வது மாநில மாநாடு சென்னையில் நடைபெற்றது. உலக மய கொள்கை அமலாக்கப் பட்ட அந்த கட்டத்தில் நடை பெற்ற மாணவர் சங்க மாநாடு, கல்வி கடும் நெருக்கடிக்குள்ளாகும், வியாபார மயமாகும் என்று எச்சரித்தது. அது தற்போது அசுர வேகத்தில் நடந்து கொண்டி ருக்கிறது.கட்டாய நன்கொடை தடுப்பு சட்டம், மாணவர் சேர்க்கையில் ஒற்றைச்சாளர முறை ஆகியவை மாணவர் சங்கத்தின் போராட்டத்தால் ஆட்சியாளர்கள் கொண்டு வந்தனர். அரசுக் கல்லூரிகளை பல்கலைக் கழக உறுப்பு கல்லூரிகளாக மாற்றும் முடிவை எதிர்த்து 62 நாட்கள் நடை பெற்ற போராட்டம் மிகப் பெரிய வெற்றி பெற்றது. இது மாணவர் சங்க வரலாற் றில் மைல்கல்லாக அமைந்தது.

பள்ளிகளில் ஆசிரிய ரும், கரும்பலகையும் கேட்டு பள்ளி கல்வி இயக்ககத்தை முற்றுகையிட்ட போதும், சமச்சீர் கல்வி கோரி தலைமைச் செயலகத்தை முற்றுகை யிட்ட போதும் அரசு ஏவிய அடக்கமுறைகளை அஞ்சாது எதிர்கொண்டது மாணவர் சங்கம். அதன் தொடர்ச்சியாக தமிழகம் முழுவதும் போராட்டங்கள் வெடித் தன. சமர்ச்சீர் கல்வி அமலுக்கு வந்தது; பள்ளிகளில் அடிப்படை வசதிகள் மேம்படுத்தப்பட்டு வருகின்றன.விடுதிகளை மேம்படுத்தவும், அங்குள்ள மாணவர் களின் உணவுப்படியை உயர்த்தவும், ராணி மேரி கல்லூரியை காக்கவும் என ஏராளமான போராட்டங் கள் கடந்த 20 ஆண்டுகளில் சென்னை நகரில் நடந்துள்ளது. இந்த போராட்டங்கள் கல்வித்துறையை அடுத்த கட்டத்திற்கு உந்தி தள்ளி கொண்டு சென்றன என்றால் அது மிகையாகாது.

ஆட்சியாளர்களின் கல்விக் கொள்கைக்கு எதிராக, மாணவர்களின் கல்வி உரி மைக்காக நடைபெறும் போராட்டங்களுக்கு உந்து சக்தியாக சென்னையில் நடைபெறும் போராட்டங் கள் உள்ளன. அத்தகைய போராட்ட பாரம்பரிய மிக்க சென்னையில் 20 ஆண்டு களுக்கு பிறகு மாநாடு நடை பெற உள்ளது.
அதீத கோஷங்களா லும், உணர்ச்சியை தூண்டி விடும் திசைதிருப்பல்களுக்கு மத்தியில் மாணவர்களை சரியான திசைவழியில் அழைத் துச் செல்ல இந்த மாநாடு நடைபெறுகிறது. இதற்கு 175பேர் கொண்ட வரவேற்புக் குழு அமைக்கப்பட்டுள்ளது.

ஆசிரியர் - மாணவர் ஒற்றுமை ஓங்குக என்பது மாணவர் சங்கத்தின் முழக் கங்களில் ஒன்று. அதற் கேற்ப, இந்த வரவேற்புக் குழுவில் சுமார் 35 பேராசிரி யர்களும், ஆசிரியர்களும் இடம் பெற்றுள்ளனர். கல்வி யாளர்கள், ஆய்வாளர்கள், திரைக்கலைஞர்கள், திருநங் கைகள், எழுத்தாளர்கள், சமூக ஆர்வலர்கள், மாண வர்கள், பத்திரிகையாளர் கள், தொழிற்சங்கத் தலை வர்கள் என பல தரப்பினரை யும் உள்ளடக்கியதாக வர வேற்புக்குழு அமைக்கப் பட்டுள்ளது.

வரவேற்புக்குழுவின் கவுரவ தலைவராக தமிழக மாணவர் இயக்க முன்னோடிகளில் ஒருவரும், விடுதலைப் போராட்ட வீரருமான என்.சங்கரய்யா, தலைவராக முனைவர் எம்.சீனிவாசன், செயலாளராக மாணவர் சங்கத்தின் தென்சென்னை மாவட்டச் செயலாளர் பி.ஆறுமுகம், பொருளாளராக சிஐடியு மயிலை பகுதி ஒருங்கிணைப்பாளர் எஸ்.குமார் ஆகியோர் தேர்ந்தெடுக்கப்பட்டனர்.

புரவலர்களாக டி.கே. ரங்கராஜன் எம்.பி., க.பீம் ராவ் எம்எல்ஏ, கல்வியாளர் எஸ்.எஸ்.ராஜகோபாலன், முனைவர் வே.வசந்தி தேவி, வழக்கறிஞர் என்.ஜி.ஆர். பிரசாத் ஆகியோரும், 57 துணைத்தலைவர்களும், 57 துணைச் செயலாளர்களும், உறுப்பினர்களாக 56 பேரும் தேர்ந்தெடுக்கப்பட்டனர்.
மாவட்டத்தலைவர் ம. செல்லக்குமார் தலைமை யில் நடைபெற்ற இந்தக்கூட் டத்தில், மாநிலத் தலைவர் கே.எஸ்.கனகராஜ், செயலா ளர் ஜோ.ராஜ்மோகன் உள் ளிட்ட ஏராளமானோர் கலந்து கொண்டனர்.
                                                                                                            நன்றி: தீக்கதிர் 

Leave a Reply

 
SFI - Students Federation of India - Puducherry Pradesh Committee © 2011 DheTemplate.com & Main Blogger. Powered by www.sigaramevents.com