Related Posts Plugin for WordPress, Blogger...

ShareThis

 
Tuesday, 6 November 2012

ஹைதராபாத் மத்திய பல்கலைக்கழக மாணவர் தேர்தல்-எஸ்எப்ஐ மகத்தான வெற்றி....!!

0 comments
ஹைதராபாத் மத்திய பல்கலைக்கழக மாணவர் தேர்தல்...
மூன்றாவது முறையாக எஸ்எப்ஐ மகத்தான வெற்றி....!!

2012 - 13ம் ஆண்டிற்கான ஹைதராபாத் மத்தியப் பல்கலைக்கழக மாணவர் தேர்தலில் இந்திய மாணவர் சங்கத்திற்கான (எஸ்எப்ஐ) தங்களது ஆதரவை உறுதிப்படுத்தியுள்ளனர் மாணவர்கள். இந்த தேர்தலின் போது, கல்வியை வியாபாரமாக்கியிருப்பதோடு, ஊழலின் கூடாரமாகவும் மாறியுள்ள காங்கிரஸ் தலைமையிலான இரண்டாவது ஐக்கிய முற்போக்கு கூட்டணிக்கு    எ
திரான   பிரச்சாரம் வலுவாக நடைபெற்றது. அதே நேரத்தில் வகுப்பு வாதத்தை உருவாக்கி, தேசத்தின்இறையாண்மையை கேள்விக்குறியாக்கி வரும்பாரதியஜனதா கட்சியின் செயல்களையும் மாணவர்கள் மத்தியில் இந்திய மாணவர் சங்கம் அம்பலப்படுத்தியது. மக்கள் விரோத நடவடிக்கைகளுக்கு எதிராக எஸ்எப்ஐ தொடர்ச்சியாக மேற்கொண்டு வரும் போராட்டத்தின் விளைவாக மாணவர்கள் மத்தியில் எஸ்எப்ஐ மீண்டும் வலுவான ஆதரவு தளத்தை பெற்றிருக்கிறது. இதன் காரணமாக தற்போது ஹைதராபாத்மத்தியபல்கலைக்கழக மாணவர் தேர்தலில் இந்திய மாணவர் சங்கம் தொடர்ந்து மூன்றாவது முறையாக வெற்றி வாகை சூடியுள்ளது. இதன்மூலம், கல்வி வியாபாரமாகி வருவதற்கும், மதவெறியைத் தூண்டும் இடமாக மாறுவதற்குமான தங்களது எதிர்ப்பை மாணவர்கள் வலுவாக பதிவு செய்துள்ளனர்.மொத்தமுள்ள 44 உறுப்பினர்களுக்கான போட்டியில் இந்திய மாணவர் சங்கம் 28 உறுப்பினர்களைப் பெற்றுள்ளது.

இதில், ஐந்தாம் ஆண்டு உருதுப் பட்டம் படித்து வரும் ஷேக் அம்ஜத் பாஷா தலைவராகவும், எம்.டெக் முதலாமாண்டு படித்து வரும் வசிஸ்தா ரெட்டி துணைத் தலைவராகவும், எம்.சி.ஏ. மூன்றாமாண்டு படிக்கும் அரவிந்த் குமார் பொதுச் செயலாளராகவும், மூன்றாமாண்டு ஐஎம்ஏ சமூக அறிவியல் படிக்கும் வானி பிரஷம்சா கூடுதல் செயலாளராகவும் தேர்வு செய்யப்பட்டுள்ளனர். இது தவிர, இரண்டாமாண்டு மருத்துவ அறிவியல் படிக்கும் உமா பாரதியும் ( ஜிஎஸ்சிஏஎஸ்எச் பிரதிநிதி), பாரதிய ஜனதா கட்சியின் மாணவரணியான ஏபிவிபி விளையாட்டு மற்றும் கலாச்சார செயலாளர் பதவிகளைக் கைப்பற்றியுள்ளது.இந்தத் தேர்தலில் இந்திய மாணவர் சங்கம், ஏபிவிபி, அம்பேத்கர் மாணவர்கள் சங்கம் - என்எஸ்யு மற்றும் தெலுங்கானா மாணவர்கள் சங்கம் - பிஎஸ்எஃப் - டிஎஸ்யு - டிஎஸ்எஃப் ஆகியவை போட்டியிட்டன. முந்தைய தேர்தலைப் போல் அல்லாமல், இந்த தேர்தலில், தத்துவார்த்தம், அரசியல் நிலை மற்றும் உள்ளூர் பிரச்சனைகள் ஆகியவைக்கு முக்கியத்துவம் அளிக்கப்பட்டது. தேர்தல் பிரச்சாரத்தின் போது, கல்வித்துறையில் வியாபார நோக்கோடு நுழையும் அந்நியக் கல்வி நிறுவனங்களை அனுமதிக்க துடிக்கும் மத்திய அரசின் மசோதா குறித்தும், மாணவர்களுக்கெதிராக தற்போது மத்திய அரசு மற்றும் முந்தைய அரசான தேசிய ஜனநாயக கூட்டணியினர் கடைப்பிடித்து வந்த கொள்கைகள் குறித்தும் பிரச்சாரம் மேற்கொள்ளப்பட்டது. கல்விச்சாலைகளில் வகுப்புவாதத்தை ஊக்குவிக்கும் பிஜேபியின் கொள்கைகள் குறித்தும், அனைவருக்கும் கல்வி திட்டத்தை தீவிரமாக அமல்படுத்துவதன் அவசியம் குறித்தும் கருத்தரங்கங்கள்,விவாதங்கள்மற்றும் விழிப்புணர்வுப் பிரச்சாரங்களை இந்திய மாணவர் சங்கம் நடத்தியது.

இதன்பலனாக, இந்த இரு கூட்டணிகளின் கொள்கைகளுக்கும் முற்றுப்புள்ளி வைக்கும் விதமாக இந்த தீர்ப்பை ஐதராபாத் பல்கலைக்கழக மாணவர்கள் அளித்துள்ளனர்.கல்வியை வர்த்தகமயமாக்கல் மற்றும் மத்தியத் துவப்படுத்துதலை மையமாகக் கொண்டுள்ள காங்கிரசின் கொள்கைகளை புரிந்து கொண்டுள்ள மாணவர்கள் அதனை தூக்கியெறியும் வகையில், அதன் மாணவர் சங்கமான என்எஸ்யுஐ தோற்கடித்துள்ளனர். இரண்டாவது ஐக்கிய முற்போக்குக் கூட்டணிஅரசின்சிக்கனநடவடிக்கையின் காரணமாக கல்விக் கட்டணத்தை 300 சதவிகிதம் அதிகரிக்க ஐதராபாத் மத்திய பல்கலைக்கழக நிர்வாகம் முடிவு செய்தது. இதனால், மாணவர்கள் கடுமையாக பாதிக்கப்பட்டுள்ளனர். பல்கலைக்கழகத்தின் இந்த நடவடிக்கையைக் கண்டித்து, கடந்த 2011 - 12ம் கல்வியாண்டில் நூற்றுக்கணக்கான மாணவர்களைத் திரட்டி இந்திய மாணவர் சங்கம் போராட்டம் நடத்தியது. இதனையடுத்து கடந்த மார்ச் 2012ம் ஆண்டு நடந்த பல்கலைக்கழக கவுன்சில் கூட்டத்தில் இந்த முடிவு திரும்பப் பெறப்பட்டது.ஐதராபாத் மத்தியப் பல்கலைக்கழகத்தில் இந்திய மாணவர் சங்கத்தின் வெற்றி என்பது இலகுவாக எட்டப்படவில்லை. இப்பல்கலைக்கழகத்தில் அடையாள அரசியல் மிக ஆழமாக வேறூன்றியுள்ளது. இந்தியாவில் உள்ள அனைத்து பல்கலைக்கழகங்களோடு ஒப்பிடுகையில், இப்பல்கலைக்கழகம் தான் அடையாள அரசியலில் முதலிடம் உள்ளது. இங்கு முதலில் தலித் இயக்கங்கள் மிகத்தீவிரமாக இருந்தன. தற்போது, தெலுங்கானா தொடர்பான இயக்கங்கள் அதிகரித்து வருகின்றன. தெலுங்கானா பிரச்சனையின் காரணமாக மார்க்சிஸ்ட் கம்யூனிஸ்ட் கட்சியின் அரசியல் நிலைப்பாடு தொடர்பாக இந்திய மாணவர் சங்கம் கடும் தாக்குதலுக்கு உள்ளாக்கப்பட்டது. மேலும்,தெலுங்கானாதொடர்பான ஒரு நிலையான முடிவை எடுக்காமல், ஆந்திராவில் தொடர்ந்து பதற்றம் நிலவி வருவதற்கான முக்கிய காரணமாக உள்ள காங்கிரஸ் தலைமையிலான ஐக்கிய முற்போக்குக் கூட்டணியை கடுமையாக விமர்சித்தனர். அதேசமயம், கடந்த பல ஆண்டுகளாக கூட்டணியில் இருந்த இந்திய மாணவர் சங்கம் மற்றும் அம்பேத்கர் மாணவர் சங்கம் இடையே பிரிவு ஏற்பட்டது. இந்த இரு சங்கங்களும் இணைந்து கடந்த 2010 மற்றும் 2011ம் ஆண்டு சங்கத் தேர்தலை சந்தித்து அதிக இடங்களைப் கைப்பற்றின. இந்தத் தேர்தலில் இதேபோன்று பல பிரச்சனைகளை எதிர்கொண்ட இந்திய மாணவர் சங்கம், மாணவர்கள் பேராதரவால் பெருவாரியாக வெற்றியைப் பெற்றது.இந்த ஆண்டு தெலுங்கானாவை ஆதரிக்கும் சங்கங்களான தெலுங்கானா மாணவர்கள் சங்கம், பகுஜன் மாணவர் முன்னணி, பழங்குடியின மாணவர் அமைப்பு மற்றும் தலித் மாணவர் சங்கம் ஆகியவை இணைந்து மூன்றாவது முன்னணி என்ற கூட்டணியை உருவாக்கின. அதேபோல், இந்திய மாணவர் சங்க கூட்டணியிலிருந்து பிரிந்து சென்ற அம்பேத்கர் மாணவர் சங்கம் காங்கிரசின் என்எஸ்யுஐ சங்கத்துடன் கூட்டணி வைத்து ஜனநாயக முன்னணி என்ற பெயரில் போட்டியிட்டது. வழக்கம்போல், பாரதிய ஜனதா கட்சியின் மாணவரணியான ஏபிவிபி தனித்தே போட்டியிட்டது.

மேலும், அக்டோபர் 19ம் தேதி வாக்கு எண்ணிக்கையின்போது தலைவர் மற்றும் பொதுச் செயலாளர் பதவியில் முன்னணியில் இருந்த இந்திய மாணவர் சங்கத்தினரின் வெற்றியை சீர்குலைக்கும் நோக்கில் தனது சித்துவேலைகளைக் பல்வேறு அமைப்புகள் காட்டின. எனினும், அக்டோபர் 25ம் தேதி நடைபெற்ற மறு வாக்கு எண்ணிக்கையின் போது இந்திய மாணவர் சங்கத்தினரின் வெற்றி உறுதி செய்யப்பட்டது.2010 மற்றும் 2011ம் ஆண்டுகளில் இந்திய மாணவர் சங்கங்களில் இருந்தவர்களின் சிறப்பான செயல்பாடு இச்சங்கத்தின் மீது மாணவர்களின் நம்பிக்கையை பெற்று தந்தது. இத்தேர்தல் இதற்கு முந்தைய தேர்தல்களை விட மிகவும் சிறப்பானதாகும். கடந்த 2007ம் ஆண்டு முதல் மாணவர் சங்கத் தேர்தலில் இந்திய மாணவர் சங்கம் கூட்டணி—யில் போட்டியிட்டு வருகிறது. ஆனால், இந்தத் தேர்தலில் இதுவரை இல்லாத அளவிற்கு தனித்துப் போட்டியிட்டு மிகப்பெரும்பான்மையுடன் வெற்றி பெற்றுள்ளது. ஊழல் கறைபடிந்த காங்கிரசின் மாணவரணியையும், மதவாதத்தை மூலதனமாக கொண்ட பாரதிய ஜனதாவின் மாணவரணியையும் தோற்கடித்த இந்திய மாணவர் சங்கத்தினரை எஸ்எப்ஐயின் ஆந்திரப் பிரதேச மாநிலக்குழு தலைவர் மற்றும் செயலாளர் பாராட்டியுள்ளனர்.மேலும், பெட்ரோல், டீசல் விலை உயர்வு, சிலிண்டர் கட்டுப்பாடு, மாணவர் விரோதக் கொள்கை மற்றும் மக்கள் விரோதக் கொள்கைகளில் ஈடுபட்டு வரும் இரண்டாவது ஐக்கிய முற்போக்கு கூட்டணி அரசு, இந்த அறிவிப்புகளை உடனே திரும்பப் பெற வேண்டும் என்றும் இந்திய மாணவர் சங்கத்தினர் வலியுறுத்தியுள்ளனர்.
 
                                                                                                    நன்றி: தீக்கதிர்...!

Leave a Reply

 
SFI - Students Federation of India - Puducherry Pradesh Committee © 2011 DheTemplate.com & Main Blogger. Powered by www.sigaramevents.com