Related Posts Plugin for WordPress, Blogger...

ShareThis

 
Saturday, 31 March 2012

கல்வி உரிமைக்காக,சாதிய பாகுபாடுகளை தகர்த்தெறிய போராடிய தோழர்களே - வீரவணக்கம்..!

0 comments
1981ம் ஆண்டு மார்ச் 31 அந்தி இரவுப் பொழுதினில் நிகழ்ந்த அந்தக் கொடூரம் தான் தமிழக மாணவர்களை போராட்டக் களத்தில் இறக்கிய மிக முக்கியமான நிகழ்வு என்பது தமிழகத்தில் யாராலும் மறுக்க முடியாத, மறைக்க முடியாத உண்மை.தூத்துக்குடி மாவட்டம் எப்போதும் வென்றான் அருகில் உள்ள துரைச்சாமியா புரம் என்றதொரு விவசாயக்கூலித் தொழி லாளர்கள் வாழ்கின்ற கிராமத்தில் இ.சுப்பையாவுக்கு மகனாகப் பிறந்தவர் தான் சோமசுந்தரம்.

தூத்துக்குடியில் உள்ள போல்டன் புரத்தில் ஏழைக் குடும் பத்தில் மாரிமுத்துவுக்கு மகனாகப் பிறந் தவர்தான் செம்புலிங்கம். ஒடுக்கப்பட்ட சமூகத்தில் பிறந்த இவர்கள், தங்க ளுடைய பள்ளிக்கல்வியை முடித்த பின் னர் தென் தமிழகத்தில் அப்போது இருந்த இரண்டு பொறியியற் கல்லூரிகளில் ஒன் றான மதுரை திருப்பரங்குன்றம் தியாக ராஜர் பொறியியற் கல்லூரியில் சேர்ந்தனர்.ஒடுக்கப்பட்ட சமூகத்தினுடைய முதல் தலைமுறையாகப் படிப்பினை கற்க வந்த இருவரும், அவர்களுக்கே உரிய ஏக்கத்துடனும், தங்களையும் தங் கள் ஊரையும் உயர்த்திட வேண்டும் என்ற ஆசையுடனும் கல்லூரிக்குள் காலெடுத்து வைத்தனர்.

கல்லூரிச் சூழல் அவர்களுக்கு ஏமாற்றத்தைத் தந்தது. கல்லூரி முழுமைக்கும் சாதிய வேறுபாடு கள் சாக்கடையாய் ஓடிக்கொண்டிருந் தன. இதைக்கண்ட இருவரும் மனம் வெம்பினர். இந்தக் கோபம்தான் 1981ம் ஆண்டு மார்ச் 31 அன்று நள்ளிரவு அவர்கள், சமூக விரோதிகளால் துடிக்கத் துடிக்க வெட்டிப் படுகொலை செய்யப் பட்டதற்கான முதல் காரணமாய் அமைந் தது. உண்மையில் அவர்கள் அப்படி என்னதான் செய்தார்கள்? என்பது தான் நம் மனதில் எழும் மிக முக்கியமான கேள்வியாக இருக்கிறது.சாதி, மத, இன பாகுபாடுகளை வெறுத்த இருவரும், “சுதந்திரம், ஜன நாயகம், சோசலிசம்” என்னும் வெண்பதா கையின் கீழே மாணவர்களை அணிதிரட் டிக் கொண்டிருந்த, மாணவர்களின் உரி மைகளுக்காக உரத்துக் குரல் கொடுக்கும் “இந்திய மாணவர் சங்க”த்தில் தங்களை இணைத்துக் கொண்டார்கள்.
உறுப்பினர் களாக அல்ல, உறவினர்களாக..!மாணவர் சங்கத்தில் இணைந்த இரு வரும் போராட்டக்களத்திலும் முன் னின்று கல்லூரி நிர்வாகத்தினுடைய முறைகேடுகளுக்கு எதிராகவும், விடுதி யில் உள்ள பிரச்சனைகளுக்காகவும் உறு தியான போராட்டத்தைத் தொடர்ந்தார் கள். இந்தப் போராட்டங்களின் மூலமாக 1980ம் ஆண்டு நடைபெற்ற கல்லூரி மாணவர் பேரவைத் தேர்தலிலே இந்திய மாணவர் சங்கத்தின் தலைமையில் “அன்பு அணி” யாக உருவெடுத்தார்கள்.

இதற்கிடையே விடுமுறை நாட்களில் தங்களின் சொந்த ஊருக்குச் சென்ற இரு வரும், சோமசுந்தரத்தின் துரைச்சாமியா புரத்திலே கிராமத்தினுடைய பிரச்சனை களைத் தீர்க்க இந்திய ஜனநாயக வாலிபர் சங்கத்தினை துவக்கி, அந்தக் கிராமத் திற்கு தார்ச்சாலை கேட்டு கிராம மக் களை எல்லாம் திரட்டி போராட்டம் நடத் தினர். போராட்டம் வெற்றிபெற்று தார்ச் சாலையும் போடப்பட்டது. அந்தச் சாலை, எப்போதும் வென்றானில் இருந்து பசுவந் தனைக்கு செல்லும் மெயின் ரோட்டி லிருந்து பிரிந்து துரைச்சாமியாபுரத்திற் குச் செல்லும் கிளைச் சாலையாகும்.

அந்த தார்ச்சாலையிலே நிகழ்ந்த முதல் நிகழ்வினை யாரும் மறந்திருக்க மாட் டார்கள். அது சோமசுந்தரத்தினுடைய இறுதி ஊர்வலம்.அன்பு அணியானது கல்லூரி மாண வர் பேரவைத் தேர்தலிலே ஆதிக்கச் சக்திகளை மீறி மிகப்பெரும் வெற்றி பெற்றது. செம்புலிங்கம் மாணவர் பேர வைத் தலைவராக தேர்ந்தெடுக்கப்பட் டார். இது ஆதிக்கச் சக்திகளினுடைய கோபத்தை மேலும் அதிகரிக்கச் செய்தது. கல்லூரி விடுதி நிர்வாகத்திற்கும், ஜன நாயக உரிமைகளை நிலைநாட்டும் மாண வர் சங்கத்திற்கும் இடையே மோதல்கள் உருவாக ஆரம்பித்தன.

ஆதிக்கச் சக்தி கள், மாணவர் சங்கத்தில் இருந்தவர் களை தாக்கத் தொடங்கினர்.இதன் தொடர்ச்சியாகவே 1981ம் ஆண்டு மார்ச் 31ம் நாள் நிகழ்ந்தது அந் தக் கொடூரம். அன்று இரவு கல்லூரி விடு திக்குள் புகுந்த ஆதிக்க சக்திகள், தாழ்த் தப்பட்ட சாதியினரைச் சேர்ந்தவர் பேரவைத் தலைவரானதையும், நிர் வாகத்தை தட்டிக் கேட்கும் நிலையையும் பொறுத்துக் கொள்ள முடியாமல் இருவ ரையும் தேடினர். சோமு, செம்புவின் அறை சூறையாடப்பட்டது. இரவு திரைப்படத் துக்குச் சென்று திரும்பும் பொழுது, சோம சுந்தரமும், செம்புலிங்கமும் ஆதிக்கச் சாதிவெறிக் கூட்டத்தினரால் கல்லூரி வளாகத்திலேயே வெட்டி வீழ்த்தப்பட்ட னர்.

யாரை வெட்டி வீழ்த்தினால் மாணவர் சங்கம் அழியும், மாணவர்களின் போராட் டம் ஒடுங்கும் என எண்ணினார்களோ, அந்தத் தியாகிகளின் மரணம், தமிழக மெங்கும் மாணவர்களை படுகொலைக்கு எதிராக போராட்டக் களத்தில் இறக்கியது.“குஞ்சி யழகும் கொடுந்தானைக் கோட்டழகும்மஞ்சள் அழகும் அழகல்ல - நெஞ்சத்துநல்லம்யாம் என்னும் நடுவு நிலைமையான்கல்வி யழகே அழகு”என்னும் நாலடியார் பாடலுக்கேற்ப சமூகத்தின் அழகான கல்வியை பாது காக்க, கல்வி உரிமைகளை நிலைநாட் டிட, சாதிய பாகுபாடுகளைப் போக்கிட, சமத்துவத்தை நிலைப்படுத்த போராடிய தால் அவர்கள் ஆதிக்கச் சக்தியினரால் வெட்டி வீழ்த்தப்பட்ட சம்பவம் இன்றும் நமது நெஞ்சங்களில் கனலாக எரிகிறது.

இன்றைய ஆளும் அரசுகள் கல்வியை வியாபாரமயமாக்கும் முயற்சிகளில் மிகத் தீவிரமான முறையில் ஈடுபட்டு வருகின் றன. இந்தியாவிலும், தமிழகத்திலும் இருக்கக்கூடிய பள்ளிகளிலும், கல் லூரிகளிலும் மாணவர்கள் சாதி ரீதியாக பிரிந்து கிடக்கும் சூழ்நிலை இந்தச் சமு தாயத்தை மேலும் பிளவுபடுத்துகின்றது. தமிழகத்தை ஆண்ட, ஆளுகின்ற அரசு களோ இலவசங்களாகவும் விலையில்லா திட்டங்களாகவும் மட்டுமே மாறி நிற்கின் றன. மத்திய அரசோ அந்நியப் பல்கலைக் கழகங்களை இந்தியாவில் அனுமதிக்கக் துடிக்கிறது. இதன் பின்னணி என்ன வென்றால், அமெரிக்கா மற்றும் இங்கி லாந்து அரசுகள், அந்தப் பல்கலைக்கழ கங்களை அரசு நிதியை எதிர்பார்க்காமல், சுயமாக நிதியினைத் திரட்டிட வேண்டும் என்றன.
அதற்கு அங்கு மாணவர்கள், பெற் றோர்கள் மத்தியில் கிளம்பிய எதிர்ப்பின் காரணமாக, வெளிநாட்டில் தங்கள் நிறு வனங்களை துவக்கி அதிக லாபம் பார்க்கும் வேலைகளில் இறங்கியுள்ளன. இதையே இன்றைய அமைச்சர்கள் “மிகப் பெரிய கல்விச் சீர்திருத்தம்” என்று கூறி கல்வியைச் சீரழிக்க முயலுகின்றனர். அரசாங்கங்களோ, சேவைத் துறையில் இருக்கக்கூடிய கல்வியினை சேவை யாகப் பாராமல், லாபம் ஈட்டும் தொழிலா கப் பார்க்கின்றன. அதனுடைய விளைவு, கல்விக்குரிய மானியங்களை குறைத்தும், தனியார்களுக்கு தாரை வார்க்கவும் செய் கின்றன.
இதற்கு எதிராக மாணவர்கள் அனைவரும் ஒன்றிணையாமல் பிரிந்து கிடக்க சாதி, மத, இன உணர்வுகளை இந்த அரசுகள் தங்களுக்குச் சாதகமாக் கிக் கொள்கின்றன. கல்வி வியாபாரத் துக்கு மிக முக்கிய காரணம் இந்த அரசு கள் பின்பற்றுகின்ற தவறான பொருளா தாரக் கொள்கைகளேயாகும். எனவே இவற்றை உடைத்து மாணவர் சமுதாயம் ஒன்றிணைந்து, உரிமைகளை நிலை நாட்ட “சுதந்திரம், ஜனநாயகம், சோசலி சம்” என்னும் வெண்பதாகையின் கீழ் மாணவர்களை திரட்டுவோம்.மாணவத் தியாகிகள் சோமு, செம்பு நாமம் திக்கெட்டும் ஒலிக்கட்டும்!
                                                                                           கட்டுரையாளர்,
                                                                 மாவட்டத் துணைச் செயலாளர்,
                                                             இந்திய மாணவர் சங்கம்,மதுரை புறநகர்.

Leave a Reply

 
SFI - Students Federation of India - Puducherry Pradesh Committee © 2011 DheTemplate.com & Main Blogger. Powered by www.sigaramevents.com