Related Posts Plugin for WordPress, Blogger...

ShareThis

 
Monday, 19 March 2012

இலங்கை தமிழர்களுக்கு ஆதரவு போராட்டம் - மிரட்டிய முதலமைச்சரின் உதவியாளர்

0 comments
புதுச்சேரி கதிர்காமம் இந்திரா காந்தி அரசு கலை மற்றும் அறிவியல் கல்லூரி மாணவர்கள் இந்திய மாணவர் சங்கம் சார்பில் வகுப்புகளை புறக்கணித்து இலங்கை தமிழர்களை பாதுக்காககோரியும்,இறுதிப்போரின் போது ஆயிரக்கணக்கான அப்பாவித்தமிழர்களை கொன்று குவித்த இலங்கை ராணுவம் மற்றும் குற்றவாளிகள் மீதும் நடவடிக்கை எடுக்க கோரியும்  கல்லூரி வளாகத்தில் கண்டன ஆர்ப்பாட்டத்தில் ஈடுப்பட்டனர்.இப்போராட்டத்திற்கு இந்திய மாணவர் சங்கத்தின் புதுவை பிரதேச செயலாளர் ஆனந்த்,து.தலைவர் ரஞ்சித்,யுவராஜ்,கல்லூரி மாணவர் நடராஜ்,கார்த்தி மற்றும் திரளான மாணவ,மாணவிகள் கலந்து கொண்டனர்.மாணவர்களின் போராட்டத்தின் போது முதலமைச்சர் ரங்கசாமியின் உதவியாளர் ரமேஷ் போராட்டத்தில் கலந்து கொண்ட சில  மாணவர்களை அழைத்து போராட்டத்தை கைவிடுமாறு மிரட்டியுள்ளார்.முதலமைச்சரின் தொகுதி என்பதாலும் இது வரை இக்கல்லூரியில் எவ்வித மாணவர் போராட்டமும் பெரிய அளவில் வெளிவராதவகையில் ரங்கசாமியின் உதவியாளர் ரமேஷ் மாணவர்களை கட்டுப்பாட்டில் வைத்துள்ளார் என இக்கல்லூரியின் முன்னால் மாணவர்கள் தெரிவித்தனர்.இலங்கை தமிழர்களுக்கு ஆதரவாக அனைத்து கல்லூரி மாணவர்கள் போராட்டத்தை தொடர்ந்து,இந்திரா காந்தி கலை கல்லூரி மாணவர்கள் வகுப்பு புறக்கணித்து ஆர்ப்பாட்டத்தில் ஈடுபட்டதை இந்திய மாணவர் சங்கம் வரவேற்கிறது.அதே சமயத்தில் முதல்வரின் தொகுதி என்பதால்  மாணவர்கள் போராட்டத்தில் ஈடுபடகூடாது என கூறி அவர்களை தொலைபேசியிலும்,நேரிலும் மிரட்டிய முதலமைச்சரின் உதவியாளர் ரமேஷின் அநாகரிகமான செயலை இந்திய மாணவர் சங்கம் வன்மையாக கண்டிக்கிறது.இது ஜனநாயகத்தின் மீதும்,இலங்கை தமிழர்களுக்கு நியாயம் கோருகிற உரிமை போராட்டத்தின் மீதும் தொடுக்கப்பட்ட தாக்குதல் ஆகும்.இத்தகைய ஜனநாயக உரிமைகள் மீது தொடுக்கப்பட்ட தாக்குதலை கண்டித்திட அனைத்து அரசியல் மற்றும் ஜனநாயக இயக்கங்கள் முன்வர வேண்டும் என இந்திய மாணவர் சங்கம் கேட்டுகொள்கிறது.     
                
                                                                                                   அ.ஆனந்த் 
                                                                                                  ( செயலாளர் ) 

Leave a Reply

 
SFI - Students Federation of India - Puducherry Pradesh Committee © 2011 DheTemplate.com & Main Blogger. Powered by www.sigaramevents.com