Related Posts Plugin for WordPress, Blogger...

ShareThis

 
Tuesday, 4 October 2011

புதுச்சேரி கல்வித்துறை அமைச்சர் பதவியிலிருந்து விலக வலியுறுத்தல் !

0 comments

                                                         
பத்திரிக்கை செய்தி  








புதுச்சேரி     கல்வித்துறை அமைச்சர் பதவி விலக கோரி இந்திய மாணவர் சங்க பிரதேஷ் தலைவர் ஹரிஹரன் செயலாளர் ஆனந்த் வெளியிட்டுள்ள செய்தி அறிக்கை :
புதுச்சேரி கல்வித்துறை அமைச்சர் தொடர்ச்சியாக பல்வேறு குற்றச்சாட்டுகளுக்கு ஆளாகி வருகிறார்.தற்போது நடைபெற்ற பத்தாம் வகுப்பு துணைதேர்வில் ஆள்மாறாட்டம் செய்து தேர்வு எழுதியதாக அவர்மேல் புகார் எழுந்துள்ளது.தான் நேர்மையாக தேர்வு எழுதியாக அமைச்சர் தெரிவித்துள்ளார்.புதுவையில் பல பள்ளிகள் உள்ள போதும் அவர் திண்டிவனத்தில் உள்ள தாகூர் மெட்ரிக் மேல்நிலைபள்ளியில் ஏன் தேர்வு  எழுதினார்?அவர் பதவி வகிக்க கூடிய புதுவை கல்வித்துறை மீது நம்பிக்கை இல்லையா?அவர் நேர்மையாக தேர்வு எழுதியவராக இருந்தால் அவர் வசிக்க கூடிய முகவரியை கொடுக்காமல் போலியான விலாசத்தை கொடுக்க வேண்டிய அவசியம் என்ன?கடந்த காலங்களில் தேர்வில் பல முறைகேடுகளை செய்ய உதவி செய்த திண்டிவனத்தில் உள்ள தனியார் பள்ளியில் ஏன் தேர்வு எழுதினார்?இது புதுச்சேரி மக்கள் மத்தியில் பல சந்தேகத்தை ஏற்படுத்தியுள்ளது.மேலும் புதுச்சேரி கல்வி அமைச்சர் அவர்கள் பட்டபடிப்பு படித்தாக மாணவர்கள் நம்பியிருந்த நிலையில்  பத்தாம் வகுப்பு தேர்வில் மோசடி செய்தது, மாணவர் சமுதாயத்திற்கே வேதனையாக இருக்கிறது.அவர் மீது பல புகார்கள் எழுந்த போதும் அவர் பதவி வகிக்க கூடிய துறைக்கே களங்கம் விளைவிக்க கூடியவகையில் புகார் எழுந்துள்ளது.எனவே புதுவை உயர்கல்வித்துறைஅமைச்சர் பதவியில் இருக்கும் அமைச்சருக்குரிய மாண்பை காக்கும் விதமாக அவர் பதவியிலிருந்து விலக வேண்டும்.
புதுச்சேரி கல்வித்துறை அமைச்சர் அவர்கள் புதுச்சேரி மாணவர்களுக்கு வழிகாட்ட வேண்டியவரே முறையற்ற செயலில் ஈடுபட்டு இருப்பது நியாயமற்றது.இது சம்பந்தமாக புதுச்சேரி முதலமைச்சர் அவர்கள் உரிய நடவடிக்கை எடுக்க வேண்டுமென இந்திய மாணவர் சங்கம் புதுவை பிரதேச குழு வலியுறுத்துகிறது. 


Leave a Reply

 
SFI - Students Federation of India - Puducherry Pradesh Committee © 2011 DheTemplate.com & Main Blogger. Powered by www.sigaramevents.com