Related Posts Plugin for WordPress, Blogger...

ShareThis

 
Tuesday, 25 October 2011

வெடிச்சத்தம் தாங்க முடியாமல் வெளியே வந்த மாண்புமிகு கல்யாணசுந்தரம்?

0 comments
காணாமல் போன ஆள்மாறாட்ட அமைச்சர் சட்டசபைக்கு தீடீர் விஜயம்:
கடந்த இரண்டு வாரங்களாக திண்டிவனத்தில் பத்தாம் வகுப்பு தேர்வில் ஆள்மாறாட்டத்தில் ஈடுபட்டதாக புதுச்சேரி கல்வி அமைச்சர் கல்யாணசுந்தரம் மீது வழக்கு பதிவு செய்யப்பட்டது.இந்நிலையில் அமைச்சர் கல்யாணசுந்தரம் பதவி விலக கோரி இந்திய மாணவர் சங்கம்,இந்திய ஜனநாயக வாலிபர் சங்கம்,மார்சிஸ்ட் கம்யூனிஸ்ட் தொடச்சியான போராட்டங்களை நடத்தி வந்தது.மேலும் காங்கிரஸ்,அ.இ.அ.தி.மு.க உட்பட பல்வேறு எதிர்கட்சிகள் வலியுறுத்தி வந்தன.

தலைமறைவான அமைச்சர் :

தமிழக காவல் துறை எந்நேரத்திலும் கைது செய்யும் என்பதை அறிந்த அமைச்சர் புதுவையில் இருந்து தலைமறைவானார்.ஒரு மாநிலத்தின் கல்வி அமைச்சர் இரண்டு வாரங்களாக எங்கு இருக்கிறார் என்பது கூட மாநிலத்தின் முதலமைச்சருக்கும்,சபாநாயகருக்கும் தெரியவில்லை என கூறியிருப்பது சாதாரண மக்களையும்  சந்தேகமடைய செய்கிறது.கல்விஅமைச்சர் பதவிக்கு லாயக்கற்றவர்களையெல்லாம் பதவியில் உட்கார வைத்ததால் தான் என்னவோ  முதலமைச்சர் ரங்கசாமி போகும் இடங்களில் எல்லாம் புதுவையின் கல்விதரம் சிறந்து விளங்கும் மாநிலமாக இருக்கிறது என்கிறாரோ?

 யார் வெடித்த வெடியோ வெளியே வந்த அமைச்சர் :

கிராமங்களில் வயக்காட்டில் உள்ள எலிகளை விரட்ட பட்டாசுகளை கொளுத்தி போடுவார்கள்.பொந்துகளில் மறைந்து கிடக்கும் எலிகள் எல்லாம் வயக்காட்டை விட்டு வெளியே ஓடி வரும் அது போல எதிர்கட்சிகள் கொளுத்தி போட்ட வெடிகளால் இரண்டு வாரங்களாக காணமல் போன அமைச்சர் தீடீரென சட்டசபைக்கு வந்துள்ளார்.

இலவச அறிவிப்புகளும் கண்துடைப்பு நாடகங்களும்:


தீபாவளிக்கு இலவச சக்கரை,கோதுமை என மக்கள் நல திட்டங்கள் என புதிய அறிவிப்புகளை வெளியிட்டவுடன் தீடீரென அமைச்சர் சட்டசபைக்கு வந்து தனது வழக்கமான பணிகளை செய்கிறார் என்றால் இதன் பின்னணியில் இருப்பவர் யார்?முதலமைச்சர் மௌனமாக இருந்ததற்கு காரணம் என்ன?ஒரு வேலை அமைச்சர் செய்த தவறுக்கு உடந்தையாக இருக்கிறவர்கள் யார்?என்ற கேள்விகள் நம் முன் எழுகிறது.

முதலமைச்சரின் பிடி கல்யாணசுந்தரதிடமோ?

அமைச்சர் மீது பல்வேறு குற்றச்சாட்டுக்கள் எழுந்த போதும் கூட வழக்கம் போல் மௌனத்தை கலையாதவராய் முதலமைச்சர்  காப்பாற்றும் முயற்சியில் ஈடுபடுவதாகவே தெரிகிறது.இவை அனைத்தையும் வைத்து பார்க்கும் போது பல்வேறு கட்சி தலைவர்கள் ஆங்காங்கே பேசும் போது ஏதோ சி.டி வெளியிடுவோம் என பேசி வருகிறார்கள்.ஒரு வேலை அது உண்மையாக இருக்குமோ ?அமைச்சர் கல்யாணசுந்தரம் மீது நடவடிக்கை எடுப்பதற்கு இன்னும் அப்பா பைத்தியம் சாமி உத்தரவு அளிக்கவில்லையோ என்னவோ? முதலமைச்சரின் அனைத்து நடவடிக்கைகளும் புதுச்சேரி மாணவர் இளைஞர் சமுதாயத்தை  பாதிப்படைய செய்யும் என்பதில் சந்தேகமே இல்லை.

                                                                                            கட்டுரை:அ.ஆனந்த்,செயலாளர்
                                                                                                இந்திய மாணவர் சங்கம் 
                                                                                                      புதுச்சேரி 

Leave a Reply

 
SFI - Students Federation of India - Puducherry Pradesh Committee © 2011 DheTemplate.com & Main Blogger. Powered by www.sigaramevents.com