Related Posts Plugin for WordPress, Blogger...


Wednesday, 31 August 2011

Stop-Commercialisation in Education:Right Judgement by justice K.Chandru


University Grants Commission entitled to continuously impose conditions, says High Court

The Madras High Court on Tuesday dismissed a batch of writ petitions filed by 14 deemed to be universities and the Tamil Nadu Deemed Universities Association challenging the University Grants Commission (Institutions Deemed to be Universities) Regulations, 2010 aimed at enhancing the quality of the institutions by reducing the involvement of family members of the founder-presidents of educational trusts or societies in the management of the institutions.

Justice K. Chandru dismissed the batch of petitions after holding that trusts or societies, which applied for grant of deemed to be university status and had willingly executed a memorandum of association agreeing to abide by the guidelines issued by the UGC from time to time, could not wriggle out of their solemn commitment to carry out such directives. The judge further held that the UGC, being a watchdog body, was entitled to continuously impose conditions to make the petitioners as institutions of higher learning.

“Having established an institution through a trust or society, there is no concept of founder of the trust or the founder having power to bring his own family members. On the contrary, once a trust is established, the role of founder is not that of a proprietor but to maintain the objectives and ideals for which the trust was formed. If the founder happened to be a trustee, then he is only a trustee for the foundation and not proprietor of the said trust,” the judge said.

He rejected the argument that founder-presidents had invested a huge amount of money in creating trusts or societies and hence their family members could not be prevented from holding the post of Chancellors and Pro-Chancellors.
Proprietary right
“The argument based on proprietary right clearly undermines the nature of institution that has been created. The intention of the trust or society to start or run a deemed university is for the purpose of running educational institutions of higher learning and not to have either direct or remote control over the said institutions,” the judge added.

He pointed out that such control by the family members would negate the very purpose of learning and jeopardise the autonomy of the institution besides leading to an undesirable result as found out by a review committee appointed by the Centre. The review committee had pointed out that the number of deemed universities had risen from just seven in 1970 to 130 at present of which 87 institutions had obtained the university status between 1991 and 2000.

The committee found that the Board of Management of a large number of deemed universities were totally controlled by the family members of sponsoring trust/society. Such dominance of family members and relatives brought undesirable practice for the management architecture of the universities, the committee said. It had also pointed out that out of 130 deemed to be universities, only 38 justified their continuation as deemed universities. Not even one of the present petitioners was among the 38 universities.
“Therefore, the regulations have been made with a view to set a standard in higher education. They cannot be found fault with. It is not as if with the implementation of the UGC regulations, the future of the deemed universities will be doomed. The argument made is in desperation. Far from any such catastrophe, it will only increase the prestige of such institutions.
“If one takes a look into the creation of universities such as Yale or Harvard one can never see the founders' families having say in such matters. They are run with professional expertise and headed by eminent educationists. Autonomous educational institutions run by the educationists and patronised by philanthropists (individual or corporate) will alone go a long way in bringing academic excellence and they will churn out real human resource for the betterment of this nation,” Mr. Justice Chandru observed.
SRM University, Hindustan University, B.S. Abdur Rahman University, Sathyabama University, St. Peter's University, Sri Ramachandra University, Kalasalingam University, Meenakshi Academy of Higher Education and Research, SASTRA University, Vinayaka Mission's University, Bharat University, Saveetha University, VIT university and Vels University had filed the present batch of writ petitions.

They were aggrieved against the regulations which stated that the Chancellor of a deemed to be university should be an eminent educationist or distinguished public figure other than the president of the trust or society or his close relatives.

இந்திய முஸ்லிம்களின் முதலாவது கல்வி நிறுவனம்..!

      ஜவஹர்லால் நேரு பல்கலைக் கழகம், அண்ணாமலைப்பல்கலைக் கழகம், காரைக்குடி அழகப்பா பல்கலைக்கழகம் என தேசத்தலைவர் பெயராலும் நிறுவனர்கள் பெயராலும் பல்கலைக்கழகங்கள் உள்ளன. ஆனால் நிறுவனரின் பெயரை அறிய வாய்ப்பில்லாமல், அமைந்த இடத்தின் பெயரைக் கொண்டு விளங்குவது அலிகர் முஸ்லிம் பல்கலைக்கழகம். அலிகர் என்பது உத்தரப்பிரதேச மாநிலத்தில் உள்ள ஒரு நகரம். இந்த நகரில் அமைக்கப்பட்டுள்ளது முஸ்லிம் பல்கலைக்கழகம் என்றால் அந்தச் சமுதாயத்தினருக்கென்றே அது நிறுவப்பட்டுள்ளது என்ற கருத்து உருவாகலாம். ஆனால் இந்தப் பல்கலைக்கழகம் அனைத்து சமயத்தினருக்கும் இடம் கொடுத்தது; கொடுக்கிறது. இதன் முதலாவது மாணவனும் ஒரு இந்து; பட்டதாரியும் இந்து என்பது பலரும் அறியாத தகவலாகும். பின்னர் ஏன் இது முஸ்லிம் பல்கலைக்கழகம் எனப் பெயர் பெற்றது? அது ஒரு சுவாரசியமான வரலாறு.
          இந்திய நாட்டை பிரிட்டிஷார் ஆட்சி செய்தபோது ஆங்கில மொழியைக் கற்கலாமா? அது இஸ்லாத்திற்கு எதிரான கொள்கையல்லவா? என்ற ஐயம் எண்ணற்ற முஸ்லிம்களின் உள்ளத்தில் இருந்தது. மேற்கத்திய கல்வித்திணிப்பு தங்ளைக் கிருத்தவர்களாக மாற்றவே என இஸ்லாமியர்கள் பயந்தனர்.
         இதே போன்ற அச்சம் இந்து சமயத்தவருக்கும் இருந்தது. “எவர் தன் குழந்தைகளை மிஷனரி பள்ளிகளுக்கு அனுப்புகிறார்களோ அவர்கள் சாதியைவிட்டு ஒதுக்கப்படுவார்கள்” என்ற அறிவிப்பு அக்கால நாளிதழ்களில் வெளியிடப் பட்டன.
       இத்தகைய நிலைமையை கவனத்தில் கொண்டு பரிசீலித்தால் தான் முஸ்லிம் பல்கலைக்கழகத்தின் தேவையும் தன்மையும் விளங்கும். முஸ்லிம் சமுதாயத்தினரின் அச்சமும் ஐயமும் கலந்த கேள்விகளுக்கு சர்.சையது அகமது கான் என்பவர் அளித்த பதில் வித்தியாசமானது.
       “இஸ்லாமிய மதச் சட்டங்கள் பிறமொழிகளுக்கு எதிரியல்ல. நாம் எந்த மொழியையும் பயிலலாம். இஸ்லாத்தைச் சாராத பாரசீக மொழியை நாம் பலகாலமாக ஏற்கெனவே பயின்றுள்ளோம். எனவே ஆங்கில மொழி பயிலுதல் இஸ்லாத்தால் அனுமதிக்கப்பட்டதே” என்றார்.
        அதேவேளையில் ஆங்கில மொழிக் கல்விக்கான வரம்பு என்ன என்பதிலும் அவர் தெளிவாக இருந்தார். “இந்தியர்களின் வயிற்றுப் பிழைப்புக்கான கல்வியை மட்டுமே ஆங்கில அரசு கொடுத்து வருகிறது. இத்தகைய கல்வித்திட்டம், இந்தி யர்களை, நம்பிக்கையுள்ள அரசு வேலைக்காரர்களாக மட்டும் மாற்றுமே தவிர, அவர்களை அறிவாளிகளாக வளர்க்காது. உண்மையான கல்வியின் பயனானது மனிதனின் அறிவுக் கண்ணைத் திறந்து அறி வையும் ஒழுக்கத்தையும் இணைத்து ஒழுக்கமான அறிவு ஜீவியாக மாற்றியமைப்பதாகும்” என்று மக்களி டம் விழிப்புணர்வை ஏற்படுத்தினார் சையது அகமதுகான்.
       ஆங்கில வழி கல்வி குறித்து இவ்வளவு தெளிவான பார்வை கொண்டிருந்த சையது அகமதுகான் தான் அலிகார் முஸ்லிம் பல்கலைக் கழகத்தின் நிறுவனர். 1817 ஆம் ஆண்டு அக்டோபர் 17 அன்று பிறந்த இவர் தன்னிடம் இருந்த பெருஞ்செல்வத்தால் இதை உருவாக்கினாரில்லை.
           1857 ஆம் ஆண்டு நடந்த சிப்பாய்க் கிளர்ச்சியின்போது அவரது வாழ்க்கை நிலையும் மனநிலையும் எப்படி இருந்தது என்பதை அவரது வார்த்தைகளிலேயே காணலாம்.
          1857 - இல் ஏற்பட்ட கிளர்ச்சிக்குப் பின் சூரையாடப்பட்ட என் வீடோ சொத்தோ என்னுள் பாதிப்பை ஏற்படுத்தவில்லை. ஆனால் என்னை நொடிய வைத்ததெல்லாம் பொது மக்களுக்கு ஏற்படுத்தப்பட்ட, கொடுமையும் அழிவும்தான். இனியும் நான் இந்தியாவில் இருக்க விரும்பவில்லை என்றேன். அது தான் உண்மையும் கூட...!

          இந்த மனச்சோர்வு என்னை முதியவனாக்கித் தலை முடியை வெளுக்கச் செய்தது. முராதாபாத் அடைந்த போது, எங்கும் அழிவின் சின்னங்களே காணப்பட்டன. பசியும் பட்டினியுமாய் அலையும் மக்கள் மட்டுமே தென்பட்டனர். எல்லோர் முகத்திலும் கவலையின் கோடுகள்;
            வர்ணிக்க இயலாத இந்தக் கோரக் காட்சிகள் என்னை உலுக்கின. ‘எங்கே போகப் போகிறாய்’ ‘எங்கு சென்று ஒளிந்து கொள்ளப் போகிறாய்’ என மனம் என் உயிரைப் பிழிந்தது. ‘இல்லை நான் போக மாட்டேன்’ எங்கும் போகமாட்டேன். வாழ்விழந்த என் மக்களின் மனதைச் சிறுகசிறுகத் தேற்றப் போகிறேன்’ என என் மனசாட்சி பலம் கொண்ட மட்டும் கதறியது. இதனால் இந்தியாவைவிட்டு வேற்று நாட்டில் குடியேறும் எண்ணத்தை நான் கைவிட்டேன். ‘இந்த மண்ணிலே தான் ஆயுள் முழுவதும் வாழ்ந்து மீளா நித்திரைக்குச் செல்வேன்’ என்று மனதின் மூலையில் ஒர் அசுர பலத்துடன் நம்பிக்கை குரல் ஒலித்தது. நான் நிமிர்ந்து நின்றேன்.
            இப்படி நிமிர்ந்து நின்றவர்தான் கல்வியின் முக்கியத்துவத்தை உணர்ந்து அதற்கென ஒருபல்கலைக்கழகத்தைத் தோற்றுவிக்க விரும்பினார். இதற்காக ஊரெங்கும் அலைந்து திரிந்து நிதி திரட்டினார். “எனது நண்பர்களும் நான் அவர்களைச் சந்திப்பதைத் தவிர்க்கின்றனர். காரணம், அவர்களை நிதி உதவச்சொல்லி தொடர்ந்து கேட்பதால் என் முகமே ஒரு அமைதியான பிச்சைப் பாத்திரமாகிவிட்டது” எனும் அளவுக்கு அவரது நிதி திரட் டல் இருந்தது.
        பிச்சைப்புகினும் கற்கை நன்றே என்றார் ஒளவையார். பிச்சைப் புகினும் கற்பித்தல் நன்றே என்பது சையது அகமது கானின் கொள் கையாக இருந்தது.
       இப்படி திரட்டப்பட்ட நிதியில் இருந்துதான் மொகமதன் ஆங்கிலோ ஒரியண்டல் (எம் ஒ ஏ) கல் லூரி 1875 ஆம் ஆண்டு மே மாதம் 24 ஆம் தேதிஅலிகரில் நிறுவப் பட்டது. இந்திய முஸ்லிம்களின் முதல் நவீனக் கல்வி நிறுவனம் என்பது குறிப்பிட்டுச் சொல்ல வேண்டியதாகும். இந்தக் கல்லூரி தான் 1920ஆம் ஆண்டு ஏப்ரல் மாதத்தில் அலிகர் முஸ்லிம் பல் கலைக்கழகமாக மாறியது.
              ஆங்கிலம் வழி கல்வி கற்கலாம் என்று இதன் நிறுவனர் சையத் அகமது கான் கூறினாலும் தாய் மொழிக் கல்வியே சரியானது என்பதில் உறுதியாக இருந்தார். இதற்காக அறிவியல் நூல்களை உருது மொழியில் மொழியாக்கம் செய்ய ஊக்கமளித்தார்.
       முஸ்லிம் பல்கலைக்கழகத்திற்கென்று சில விதிமுறைகளையும் ஏற்படுத்தினார். சன்னி - ஷியா என்ற பாகுபாடு இல்லாமல் எல்லோரும் ஒரே இடத்தில் தொழுகை நடத்த வேண்டும்; சமய வேறுபாடின்றி அனைத்து மாணவர்களும் ஒரே விடுதியில்தான் தங்கியுள்ளனர். எல்லாத்துறையில் பயிலும் மாணவர்களுக்கும் உலக நாகரிக வரலாறு கட்டாயப்பாடமாக இருக்க வேண்டும் என்பது போன்ற நடை முறைகள் இப்போதும் பின்பற்றப்படுகின்றன.
       இந்தியாவிலேயே இருபத்து நான்கு மணிநேரமும் செயல்படும் ஒரே நூலகமாக விளங்குகிறது இங் குள்ள மௌலானா ஆசாத் நூலகம் என்பது வியப்புக்குரிய தகவல் அல்லவா?
     இந்தப் பல்கலைக்கழகத்தில் தமிழ்த்துறை தனியாக இயங்குவது சிறப்புக்குரியது.
      இஸ்லாமிய சமூகத்து இளைய தலைமுறையை நவீன காலத்துக் குத் தயார்படுத்த பல்கலைக் கழ கக்கனவுடன் கல்லூரியைத் தொடங்கிய சையது அகமது கான் 1898 ஆம் ஆண்டு மார்ச் 27 அன்று மறைந்தார்.
          அவர் செய்து முடிக்க எண்ணியப் பணிகள் ஏராளம், என்றாலும் எதார்த்தம் என்ன என்பதை அவர் உணர்ந்தே இருந்தார். “மறையும் சூரியனின் கதிர்களை இழுத்துப் பிடித்துப் பகலை நீட்டிக்கவும் காலையில் உதிக்கும் சூரியனின் கதிர்களைக் கட்டிப்போட்டு இரவை நீட்டிக்கவும் இயலாதவனாய் நான் உள்ளேன்” என்று வாழ்நாளின் போதாமையை அவர் நாசூக்காகத் தெரிவித்தார். காலம் அவரைத் தன்வயப்படுத்திக் கொண்டது.
      ஆனாலும் அவரது முயற்சியால் உருவாக்கப்பட்ட கல்லூரி என்பது பல்கலைக்கழகமாகி தற்போது 30 ஆயிரம் மாணவர்கள் 1700 ஆசிரியர்களுடன் (இவர்களில் 30 சதவீதம் பேர் முஸ்லிம் அல்லாதோர்) செயல் படுவது முயற்சிக்குக்கிடைத்த வெற்றியின் அடையாளம் எனலாம்.
     இது போன்று சர் சையத் அகமது கானின் வாழ்க்கை லட்சியங்கள் உள்ளிட்ட பல தகவல்களை டாக்டர். எஸ். சாந்தினி பீ எழுதி விடியல் பதிப்பகம் வெளியிட்டிருக்கும் சர் சையது அகமது கான் வாழ்க்கை வரலாறு நூல் பதிவு செய்துள்ளது.

நன்றி : தீக்கதிர்
Tuesday, 30 August 2011

உயிர் நமக்கு துச்சமில்லை தான் - ஆனால் உயிரை மாய்த்துக்கொள்வது தவறான செயல்..!


நேற்று முன்தினம் இருபது வயதே ஆன இளம்பெண் செங்கொடி ராஜீவ் கொலை குற்றவாளிகளின் தூக்கு தண்டனையை நீக்க வேண்டும் என்ற கோரிக்கை வைத்து, தானே தீயிட்டு தன உயிரை மாய்த்துக்கொண்ட நிகழ்ச்சி என்பது தமிழக மக்களின் நெஞ்சை உலுக்கியது.  இறந்து போன அந்த பெண் செங்கொடி, சமூகக் கொடுமைகளை வீதி நாடகங்கள் மூலம் இடித்துரைக்கும்  கலைக்குழுவைச் சார்ந்தவர். தப்பாட்டக் கலைஞர். நிச்சயமாக அவர் நெஞ்சுரமிக்க - வீரமிக்க பெண்ணாகத் தான் இருந்திருப்பார். அப்படிப் பட்ட பெண்ணே இப்படிப்பட்ட முடிவுக்கு வந்ததென்பது மிகவும் வருந்தத்தக்கது. இனஉணர்வு என்பதை அவருக்கு விஷமாக ஊட்டப்பட்டிருக்கிறது.  இன உணர்வுகளை - இன வெறியை  தூண்டிவிடும்...  தங்களை தமிழினத்தின் தலைவர்களாக காட்டிக்கொள்ளும் சீமான், வைகோ, திருமாவளவன், நெடுமாறன்  போன்றவர்கள் தான் இதற்கு காரணமானவர்கள். இவர்களே இந்த பெண்ணின் மரணத்திற்கு பொறுப்பானவர்கள்.  பேச்சுரிமை என்ற பெயரில் இவர்கள் ஆற்றும் உரைகளேல்லாம் இனவெறியை தூண்டும் அளவிற்கு இருக்கிறது.  இவர்களுக்கு இது தான் தொழில். இவர்களின் அரசியல் இலாபத்திற்காக, இது போன்று இனவெறியைத் தூண்டி,  இளைஞர்களை பலி கொடுத்து அதில் குளிர் காய்பவர்கள் தான் இவர்கள். இதே மூன்று கொலையாளிகளுக்காக இவர்கள் தீக்குளிப்பார்களா..?
                       இந்த  தேசத்தின்  விடுதலைக்காக பிரிட்டிஷ் படையோடு போர் செய்து போர்முனையில் உயிர்த் தியாகம் செய்தார்களே.. ஜான்சி ராணி லக்குமி பாய், திப்பு சுல்தான், வீரபாண்டிய கட்டபொம்மன் - இவர்களைப் பற்றி சீமான் - வைகோ போன்றவர்களெல்லாம் இன்றைய மாணவர்களுக்கு - இளைஞர்களுக்கு சொல்லிக் கொடுத்திருப்பார்களா...? தேசத்தின் விடுதலைக்காக ஏப்ரல் 13 , 1919 அன்று ஜாலியன்வாலாபாக்கில் உயிர்த் தியாகம் செய்தார்களே பெண்கள் - குழந்தைகள் உட்பட ஆயிரக்கணக்கான பேர் - அவர்களைப் பற்றி சொல்லிக்கொடுத்திருப்பர்களா இவர்கள்..? இந்த தேசத்தின் விடுதலைக்காக தூக்குமேடையை முத்தமிட்டார்களே - மாவீரர்கள் பகத் சிங், ராஜ குரு , சுபதேவ், உத்தம்சிங் போன்ற இளைஞர்களைப் பற்றி இந்த
தமிழினத்தலைவர்கள் - இன மானத்தலைவர்கள் இன்றைய இளைஞர்களுக்கும் மாணவர்களுக்கும் சொல்லிக்கொடுத்திருப்பார்களா..? அல்லது இன்றைய இளைஞர்கள் இவர்களைப் பற்றி நினைத்து தான் பார்த்ததுண்டா..?
          இப்படிப்பட்ட  சரியான வழிகாட்டுதல் இல்லாமல், இது போன்ற பொறுப்பில்லாத தலைவர்களின் பொறுப்பில்லாத உணர்ச்சிமிக்க வசனங்களை கேட்டு, உணர்ச்சிவசப்பட்டு இது போன்று   தங்கள் உயிரையே மாய்த்துக்கொள்ளும் முடிவை எடுப்பது என்பது அறிவுடமையாகாது. கண்மூடித்தனமாக அற்ப உணர்ச்சிகளுக்கு இடம்கொடுக்காதீர்கள். பகுத்தறிவோடு கலந்த நல்ல சிந்தனைகளே நமக்கு நல்ல வழிகாட்டும். இன்றைக்கு இளைஞர்களுக்கு நல்வழி காட்டக்கூடிய நல்ல அமைப்பு  தேவைப்படுகிறது. அதைத் தேடுங்கள்... அதில் உங்களை இணைத்துக்கொள்ளுங்கள்.. நீங்களும் ஜான்சி ராணி அளவிற்கு, கேப்டன் லக்ஷ்மி அளவிற்கு, தோழர் லீலாவதி அளவிற்கு நாளைய சரித்திரம் புகழும் படி வாழலாம்..
Sunday, 28 August 2011

காங்கிரஸ் கட்சித் தலைவர் சோனியா காந்தி எங்கே..? திரை மறைவில் நடக்கும் மர்மம் என்ன..?

         கடந்த ஒரு மாத காலமாக மத்தியில் ஆளும் ஐக்கிய முற்போக்கு கூட்டணி ஆட்சியின் தலைவர் திருமதி.சோனியா காந்தி அவர்கள் பற்றிய செய்தி என்பது கிணற்றில் போட்ட கல்லாக இருக்கிறது. அவர் வகிக்கும் பதவி என்பது பிரதமர் பதவிக்கு நிகரானது. மத்தியில் ஆளும் கூட்டணியின் தலைவர். பொதுவாக, பிரதமர் மற்றும் அமைச்சர்கள் போன்ற உயர் பதவியில் இருப்பவர்கள் யாராக இருந்தாலும், மருத்துவமனையில் சிகிச்சை பெறுகிறார்கள் என்றால் - அதுவும் அறுவை  சிகிச்சை செய்யப்பட்டால் அவரின் உடல்நிலை குறித்த மருத்துவ அறிக்கையை பாராளுமன்றத்தில் சமர்ப்பிக்க வேண்டும் என்பது கடந்த கால  மரபு.ஆனால் இதுவரை அவர் சிகிச்சை பற்றியோ உடல்நிலை பற்றியோ எந்த வித அறிக்கையையும் அரசு பாராளுமன்றத்திற்கு அளிக்கவில்லை. காங்கிரஸ் கட்சியை சேர்ந்தவர்களே கூட, பாராளுமன்றத்திலோ அல்லது வெளியிலோ சோனியா காந்தியைப் பற்றி பேசவில்லை. அதில் இருக்கும் மர்மம் தான் என்ன என்றும் நமக்கு புரியவில்லை. காங்கிரஸ் கட்சியும் கூட சோனியாவைப் பற்றி பேசாமல் வாய் மூடி இருக்கிறார்கள்  என்பதை பார்க்கும் பொது தான்  நமக்கு சந்தேகம் எழுகிறது.
                     அப்படி என்ன தான் அவரது அறுவை சிகிச்சையில் இரகசியம் அல்லது மர்மம் இருக்கிறது. பொதுவாகவே ஒருவரது நோயைப் வெளியே சொல்வது என்பது மருத்துவ தர்மம் ஆகாது என்றாலும், அதிலும்  ஒரு பெண்மணியின் உடல்நிலையை பற்றி  வெளியிடுவது என்பது  நாகரீகமாக இருக்காது என்றாலும் தன கட்சித் தலைவரின் உடல்நிலை குறித்து  அறிந்துகொள்ளும் அக்கறை என்பது அவர் கட்சியினற்கு இருக்க வேண்டுமே.
அது இல்லாதிருப்பது ஏன் என்பதில் தான் நமக்கு சந்தேகம் வருகிறது.                           மற்றொரு சந்தேகமும் இயற்கையாகவே எழுகிறது.. நம் நாட்டிலேயே சிறந்த மருத்துவம் மருத்துவமனைகளும் கிடைக்கும்  போது  சோனியா  காந்தி மட்டும் எதற்காக வெளிநாடு செல்லவேண்டும். கடந்த காலங்களில் இந்திய பிரதமர்களே - வாஜ்பேயி மற்றும் மன்மோகன் சிங் போன்றவர்களே உள்நாட்டில் தானே அறுவை சிகிச்சை செய்து கொண்டார்கள். வாஜ்பேயி மாற்று மூட்டு அறுவை சிகிச்சையை மும்பையில் தான் செய்துகொண்டார். ஐ. எம்.எப் -பென்ஷனரும் அமெரிக்க அடிமையுமான மன்மோகன் சிங் கூட தன் இதய அறுவை  சிகிச்சையை  அமெரிக்காவில் செய்துகொள்ளாமல் புதுடெல்லியில் தானே செய்துகொண்டார்.
              அப்படியே வெளிநாட்டில் தான் சிகிச்சை செய்து கொள்வேன் என்ற முடிவெடுத்து சென்றாலும், விமானத்தில் செல்லும் போது அவசர உதவிக்கும்,  அதேப்போல் வெளிநாட்டு மருத்துவ சிகிச்சையில் உதவி செய்யவும்,  வெளிநாட்டு மருத்துவர்களுக்கு இந்தியாவில் தாங்கள்  செய்த மருத்துவத்தைப் பற்றி விளக்கமளிக்கவும்,  தன் குடும்ப மருத்துவரையோ அல்லது வேறு உள்நாட்டு மருத்துவரையோ சோனியா காந்தி அழைத்துச் செல்லாமல், மகன், மகள் மற்றும் மருமகன் - இவர்களை மட்டுமே அழைத்துச் சென்றது ஏன்..? என்கிற சந்தேகமும் நமக்கு எழுகிறது.

அமெரிக்காவிலிருந்து வரும் தகவல்கள்..

                    அமெரிக்க பத்திரிக்கையாளர்களும், அமெரிக்காவில் வாழும் இந்தியர்களும் அமெரிக்காவில் சோனியா காந்தி எந்த  மருத்துவமனையில் சிகிச்சை  பெறுகிறார் என்பதை நேரில் கண்டறிய, சில முக்கிய மருத்துவமனைகளில் அலசி தேடியிருக்கிறார்கள். எங்குமே சோனியா காந்தி தங்கி சிகிச்சை பெறுவதற்கான அறிகுறியே இல்லை என்று தான் அவர்களும் சொல்கிறார்கள். பிரதமருக்கு இணையானவர் சிகிச்சை என்பதால், அமெரிக்காவில் இருக்கும் இந்திய தூதரகம்  பரபரப்பாக இருக்கவேண்டும். அவர்களும் மருத்துவமனையிலிருந்து மருத்துவ அறிக்கையை பெற்று வெளியிட்டிருக்க வேண்டும். ஆனால் அங்கிருக்கும் இந்திய தூதரகமும் அமைதியாக தானே இருக்கிறது.
                இப்படியாக சோனியா காந்தி  வெளிநாட்டுப் பயணம்  பற்றிய பல சந்தேகக் கேள்விகள் எழுகின்றன.
                இந்த சூழ்நிலையில் தான் சுப்பிரமணியம் சாமி சொல்வது சரியாக இருக்குமோ என்கிற சந்தேகமும் கூடவே எழுகிறது.
                வெளிநாட்டு வங்கிகளில் இந்திய மோசடிக் கூட்டத்தினர் போட்டிருக்கும் கருப்புப்பணம் பற்றிய விபரங்கள் வெளிவரத் தொடங்கிய சூழ்நிலையில் தான் சோனியா காந்தியின் இந்த பயணம் மேற்கொள்ளப்பட்டிருக்கிறது என்கிற சுப்பிரமணியம் சாமி தருகிற தகவல்களையும் நாம் ஒதுக்கிவிடுவதற்கில்லை.
               அன்னா அசாரேவின் பரப்பான உண்ணாவிரத நாடகத்தில் பாராளுமன்ற நிகழ்வுகளும், சோனியா காந்தியின் வெளிநாட்டுப் பயணமும், விலைவாசி உயர்வு, வேலையில்லா திண்டாட்டம், பள்ளி-கல்லூரிக் கட்டணக் கொள்ளை போன்ற மக்களின் அன்றாடப் பிரச்சனைகளும் ஓரங்கட்டபட்டுவிட்டன என்பதை இந்திய மக்கள் அனைவரும் கவனிக்க வேண்டும்.
Wednesday, 24 August 2011

புதிய மருத்துவமனை - மருத்துவக்கல்லூரிக்கு Dr. முத்துலட்சுமி ரெட்டி பெயரிடுங்கள்..

                 தற்போது ஓமந்தூரார் அரசினர் தோட்டத்தில், முந்தைய திமுக ஆட்சிக் காலத்தில் கட்டப்பட்டு பயன்படுத்தப்படாமல் கிடப்பில் போடப்பட்ட புதிய தலைமைச் செயலக கட்டிடத்திற்கு விடிவுக்காலம் வந்தாச்சு. தமிழகத்தில் உள்ள அனைத்துத் தரப்பு மக்களும் - குறிப்பாக ஏழை- எளிய மக்கள் அனைவரும் பல்வேறு நோய்களுக்கும் தரமான உயரிய சிகிச்சையினை இலவசமாக பெரும் வகையில் பலதுறை உயர் சிறப்பு மருத்துவமனை அமைக்கப்படும் என்கிற தமிழக அரசின் அறிவிப்பு வரவேற்கத் தக்கதே. இந்த மருத்துவமனை மூலம் ஏழை  - எளிய மக்களுக்கு இலவசமாய் மருத்துவம் கிடைப்பது மட்டுமல்லாது, மருத்துவம்  பயின்ற, மருத்துவம்  சார்ந்த கல்வி பயின்ற - வேலை தேடும் இளைஞர்கள்  ஆயிரக்கணக்கானோருக்கு    வேலைவாய்ப்பும் கிடைக்கும்.
தமிழக அரசுக்கு அன்பான ஆலோசனை :
                    அந்த புதியக் கட்டிடத்தில் உருவாகும் புதிய மருத்துவமனைக்கும் மருத்துவக்கல்லூரிக்கும் டாக்டர். முத்துலட்சுமி ரெட்டி அம்மையார் அவர்களின் பெயரை வைத்தால் மிகப் பொருத்தமாக இருக்கும். டாக்டர்.முத்துலட்சுமி ரெட்டி அவர்கள் பல பெருமைகளைச் சேர்த்த முதல் இந்தியப் பெண்மணி என்பதில் நமக்கெல்லாம் பெருமை சேர்க்கும் விஷயமாகும். அவரது வாழ்க்கை  வரலாறே இன்றையத் தலைமுறையினருக்கு  - குறிப்பாக பெண்களுக்கு ஒரு வழிகாட்டுதலாக இருக்கும். 
                     அவர் தன் மாணவப் பருவத்திலிருந்தே பல்வேறு முற்போக்கான செயல்களைச் செய்திருக்கிறார். இவர் அதுவரை ஆண்கள் மட்டுமே படித்து வந்த மருத்துவக்கல்லூரியில் இந்தியாவிலேயே  மருத்துவம் பயில சேர்ந்த முதல் பெண்மணி இவர் தான் என்பது மெய்சிலிர்ப்பாய் இருக்கிறது. அதுவரையில் இந்தியாவில் மருத்துவப் படிப்பென்றால் ஆண்கள் மட்டுமே சேர்ந்து படிக்கும் ஒருதலைப் பட்சமான சமூகத்தின் பழக்கத்தை தான் மருத்துவம் பயின்று  உடைத்தெறிந்தார். இந்தியாவிலேயே மருத்துவம் பயின்ற முதல் பெண்மணியும் இவர் தான்.
                           அது மட்டுமல்ல, பிரிட்டிஷ் இந்தியாவின் முதல் பெண் சட்டமன்ற உறுப்பினரும் இவர் தான் என்பது பெண்களுக்கெல்லாம் பெருமை சேர்க்கும் விஷயமாகும். தமிழக மேலவையின் முதல் பெண் துணைத் தலைவர்  என்கிறப் பெருமையும் இவரையே சாரும். இந்த காலத்தில் தான் எட்டாம் வகுப்பு வரை படிக்கும் பெண்குழந்தைகளுக்கு இலவச கல்வி திட்டத்தைக் கொண்டுவந்தார் என்பதும் ஒரு மறக்க முடியாத வரலாறு ஆகும். சென்னையில் உள்ள அடையாறு புற்று நோய் மருத்துவமனையினை தொடங்கி வைத்து நடத்தியவர் டாக்டர் முத்துலட்சுமி ரெட்டி அம்மையார் என்பது பலருக்கும் தெரியாத செய்தியாகும். பெண்ணுரிமை - பெண்விடுதலை ஆகியவற்றிற்கு ஓயாமல் போராடிய முற்போக்காளர். சுதந்திர போராட்ட வீரர்களான சரோஜினி நாயுடு அம்மையார், டாக்டர். அன்னி பெசன்ட் அம்மையார், காந்தி மற்றும் தந்தை பெரியார் போன்ற தலைவர்களோடு தொடர்பு வைத்திருந்தார். தந்தை பெரியார் அவர்களோடு இருந்த நட்பு தான் தேவதாசி முறை ஒழிப்புக்கு வழிகாட்டியது.
                          இப்படியாக பல்வேறு  பெருமைகளையும் திறமைகளையும் கொண்ட முத்துலட்சுமி ரெட்டி  அம்மையார் அவர்களின் 125 - ஆவது பிறந்தநாளை ( 30 ஜூலை 1886 ) கொண்டாடும் இந்த  நேரத்தில் அவரது பெயரை புதிய மருத்துவக்கல்லூரிக்கும், மருத்துவமனைக்கும் சூட்டுவது என்பது பொருத்தமாக இருக்கும். அவரது வாழ்க்கையே இன்றைய பெண் குழந்தைகளுக்கு வழிகாட்டுதலாக இருக்கும் என்பதில் மாற்றுக்கருத்து இருக்க முடியாது.
Monday, 22 August 2011

நீதித் துறைக்கு சீன அரசு கொடுத்து வரும் முக்கியத்துவம்:


23 வயதில் நீதிபதியாகி விட முடியும்:

சீனாவில் குற்ற வழக்குகள் 3 மாதங்களிலும் சிவில் வழக்குகள் 6 மாதங்களிலும், முடிக்கப்படுகின்றன.ஹைடெக் வசதிகள், சொகுசான நீதிமன்றக்கூடங்கள் என வியக்க வைக்கிறது சீனாவின் நீதித்துறை

சீனாவின் நீதித்துறை செயல்பாடு களை அறிந்து கொள்வதற்காக உச்ச நீதி மன்ற நீதிபதி வி.எஸ்.சிர்புர்கர் தலைமையிலான குழு ஒன்று சமீபத்தில் சீனாவுக்குச் சென்றது.

இந்திய பத்திரிகையாளர்கள் சிலரும் உடன் சென்றிருந்தனர். நீதித் துறைக்கு சீன அரசு கொடுத்து வரும் முக்கியத்து வங்கள் குறித்து அவர்கள் எழுதியுள்ள விஷயங்கள் வியப்பை அளிக்கின்றன.சீனாவில் ஒருவரால் 23 வயதில் நீதிபதியாகிவிட முடியும். தேசிய நீதித்துறை தேர்வில் (இந்திய ஆட்சிப்பணிக்கான தேர்வுக்கு ஒப்பானது) வெற்றி பெற்று , உரிய பயிற்சி களை முடித்துவிட்டால் 23 வயதில் ஒருவர் நீதிபதியாகி விடலாம். நீதிப தியாக ஆகவேண்டும் என்றால் வழக் கறிஞராக இருக்க வேண்டும் என்று அவசியமில்லை.தேசிய நீதித்துறை தேர்வு எழுத பட்டப்படிப்பை நிறைவு செய்தி ருக்க வேண்டும்.ஷாங்காய் மற்றும் பெய்ஜிங்கில் உள்ள நீதிமன்றங்களை இந்தியக் குழுவினர் பார்வையிட்டனர். நீதி மன்றங்களில் ஏற்படுத்தப்பட்டுள்ள அதிநவீன வசதிகளைக் கண்டு அவர் கள் அசந்து போயினர். நீதிமன்றக் கூடங்கள் ஒரு காப்பரேட் நிறுவன அலுவலகத்தைப் போல் காட்சியளிக்கிறதாம். அதி நவீனத் தொழில் வசதிகளுடன் கூடிய சொகுசான நீதிமன்றக் கூடங் களைக் கண்டு வியந்து நீதிபதி சிர் புர்கர், அதற்காக சீன நீதிபதிகளுக்கு பாராட்டு தெரிவித்தார்.சீனாவில் மொத்தம் 1,90,000 நீதி பதிகள் உள்ளனர். அவர்களில் 500 நீதி பதிகளும் ,200 உதவி நீதிபதிகளும் மக்கள் சீனத்தின் உச்சநீதிமன்றங்களில் உள்ளனர்.சீன நீதித்துறையின் ஒட்டு மொத் தப் பணியாளர்களின் எண்ணிக்கை 3,20,000.ஒரு வழக்கு விசாரணைக்கு எடுக்கப்பட்டவுடனேயே முறையிடுபவர் மற்றும் எதிரியின் பெயர்கள் அங்குள்ள திரையில் தெரியுமாம். வழக்கு கள் நடைபெறும் முறை மிகவும் நவீனமாக்கப்பட்டுள்ளது.

கிரிமினல் வழக்காக இருந்தால் குற்றம் சாட்டப்பட்டவர் குறித்த தகவல்கள், அவரது கைரேகை மற்றும் அவரிடம் இருந்து சம்பவ இடத்தில் கைப்பற்றப்பட்ட ஆயுதங்கள் ஆகி யவை திரையில் தெரியுமாம்.சாட்சிகள் அளித்த வாக்கு மூலங்களை எதிர்த் தரப்பு வழக்கறி ஞரோ, அரசுத் தரப்பு வழக்கறிஞரோ அல்லது நீதிபதியோ பார்க்கலாம். தேவைப்பட்டால் பதிவிறக்கமும் செய்து கொள்ளலாம்.கீழமை நீதிமன்றங்களில் மரண தண்டனை விதிக்கப்படுகிறது. அதை உச்சநீதிமன்றம் உறுதி செய்கிறது. ஆறு மாதக் காலத்திற்குள் ம ரண தண்டனை நிறைவேற்றப்படுகிறது.தண்டனை பெற்றவர் கருணை மனு செய்தால் மரண தண்டனை நிறைவேற்ற 2 ஆண்டுகள் ஆகிவிடும். அந்தத் தண்டனையில் மேல் நீதி மன்றங்கள் திருத்தம் செய்தால், அது ஆயுள் தண்டனையாக (20 ஆண்டு கள்) குறைக்கப்படும்.
சீனாவில் குற்றம் சாட்டப்பட்ட ஒருவர் மீது வழக்குப்பதிவு செய்யப் பட்டால், மூன்று மாதங்களுக்குள் விசாரணை நடத்தி முடிக்கப்ப டுகிறது.குற்றமற்றவராக இருந்தால் விடு தலை செய்யப்படுவார். குற்றம் நிரூ பிக்கப்பட்டால் மூன்று மாதங்களுக் குள் தண்டனை அளிக்கப்பட்டு சிறைக்கு அனுப்பப்படுவார். சிவில் வழக்குகளாக இருந்தால் ஆறு மாதத் திற்குள் தீர்ப்பு வழங்கப்பட்டு விடும்.கீழமை நீதிமன்றங்கள், உயர்நீதி மன்றம், உச்சநீதிமன்றம் என எந்த வித வித்தியாசமும் இல்லாமல் அனைத்து நீதிமன்றங்களுக்கும் சம மான முக்கியத்துவம் அளிக்கப்பட்டு கட்டமைப்பு வசதிகள் செய்து கொடுக்கப்பட்டுள்ளன.

இங்கு நிச்சயம் நீதி கிடைக்கும் என்ற நம்பிக்கையை மக்களுக்குத் தரும் வகையில் நீதிமன்றங்களின் சூழல் இருப்பதைக் கண்டு மகிழ்ச்சி அடைந்தனர் இந்தியக் குழுவினர்.இந்நேரத்தில் முக்கியச் சம்பவம் ஒன்று நம் நினைவுக்கு வருகிறது.                                                                                                                                                                                                                           
                      சில ஆண்டுகளுக்கு முன்பு சென்னை சேப்பாக்கத்தில் உண்ணா விரதம் இருந்தார் நீதிபதி ஒருவர். ஏன் தெரியுமா? அவர் பணியாற்றும் நீதி மன்றத்தின் கட்டிடம் படுமோச மாம்.நீதிபதி அமர்வதற்கு ஒழுங்கான நாற்காலிகூட அங்கு இல்லையாம்!

ஊழலை ஒழிப்பதற்கு அரசிடம் மந்திரக்கோல் இல்லை - பிரதமர் பதவிக்கே லாயக்கில்லாதவரின் பொறுப்பற்ற பேச்சு...!


            சுதந்திரம் பெற்று நேரு காலத்திலிருந்து இன்றைக்கு மன்மோகன் சிங் காலம் வரை காங்கிரஸ்காரன்களாக இருந்தாலும் சரி - பி.ஜே.பி- காரன்களாக இருந்தாலும் சரி ஒருவரையொருவர் ஊழலில் சளைத்தவர்கள் இல்லை என்பதை நாடே அறியும்.  நாடு சுதந்திரம் பெற்ற பிறகு,  1948 - லிருந்து  பல்வேறு ஊழல்களை இந்த நாடு  சந்தித்து வருகிறது என்பது தான் மறைக்க முடியாத உண்மை. 2009 - ஆம் ஆண்டு மன்மோகன் சிங்கின் இரண்டாவது ஐக்கிய முற்போக்கு கூட்டணி அரசு, உலக அரங்கில் இந்தியா தலை குனிந்து நிற்கும்படி, வகை வகையான ஊழல்களை அரங்கேற்றி வருவதை இந்த நாடே அறியும். 2 G ஸ்பெக்ட்ரம்  ஊழல்,  ஆதர்ஷ் வீடு கட்டுவதில் ஊழல், காமன்வெல்த் விளையாட்டில் ஊழல், பிரச்சார் பாரதியில் ஊழல் என புற்றிலிருந்து பாம்புகள் வெளியே வருவது போல் வந்துகொண்டிருக்கின்றன. பிரதமரும், அமைச்சர்களும், உயர் அதிகாரிகளும் அந்த ஊழலில் சம்பந்தப்பட்டிருக்கிறார்கள். பல்வேறு  காங்கிரஸ் - பா. ஜ. க. கட்சியினர் ஆட்சி செய்யும் மாநிலங்களில் முதலமைச்சர்களும் மாநில அமைச்சர்களும் ஊழல்  செய்து சிக்கி இருக்கிறார்கள். இவைகளை எல்லாம் பார்த்து   நாடே கொந்தளிப்பில் இருக்கிறது. 
                    ஆனால் பிரதமரோ எது நடந்தாலும் வாயையே திறக்கமாட்டேன் என்கிறார். அப்படியே திறந்தாலும் '' எனக்கு எதுவும் தெரியாது'' என்று சொல்வதற்கு மட்டும் வாயை திறக்கிறார். எதுவும் தெரியாமல் நமக்கு ஒரு பிரதமர் எதற்கு..? என்பது தான் நம்முடையக் கேள்வியாகும். ஊழல் செய்து கைதானவர்களேல்லாம், இந்த  ஊழல் பற்றி பிரதமருக்கும் தெரியும் என்று ஒரே மாதிரி பதிலைத் தான் சொல்கிறார்கள்.
                  அப்படியென்றால் பிரதமர் ஊழல் செய்யட்டும் என்று வேடிக்கைப் பார்த்திருந்தாரா..? என்பதும் நமது கேள்வியாகும். அதுமட்டுமல்ல ஒரு அமைச்சர் தவறு செய்கிறார் என்றால் பிரதமர் உள்ளிட்ட அமைச்சரவை தானே அந்த பொறுப்பை ஏற்கவேண்டும். பிரதமருக்கும் ''இணைந்த பொறுப்பு'' தானே( Joint responsibility ) உண்டு என்று தானே இந்திய அரசியல் சாசனமும் சொல்கிறது. எதுவும் தெரியாத பிரதமருக்கு இதுவும் தெரியாதா..? என்பது தான்
நமக்குத் தெரியவில்லை. 
                  இதற்கெல்லாம் பொறுப்பேற்று  பதவி விலகி வேண்டிய பிரதமர்,  மார்க்சிஸ்ட் கம்யூனிஸ்ட் கட்சி உள்ளிட்ட இடதுசாரி கட்சிகள் மற்றும் தொண்டு நிறுவனங்கள் என ஊழலுக்கெதிரான    பல்வேறு இயக்கங்கள் நாடு  முழுதும் நடைபெற்றுவரும் சூழ்நிலையில், நேற்று சுதந்திரதின விழாவில் மன்மோகன் சிங் பேசும் போது,   ''ஊழலை ஒழிப்பதற்கு  அரசிடம்       மந்திரக்கோல் இல்லை''    என்று திருவாய்  மலர்ந்திருக்கிறார். ஒரு பொறுப்பான பதவியிலிருப்பவரின் பொறுப்பான பேச்சா இது என்று சந்தேகமாய் இருக்கிறது.
                நாடு முழுதும் இவ்வளவு ஊழல்கள் நடந்த வண்ணம் இருக்கிறது.  அதை தடுப்பதற்கு எந்த முயற்சியும்  - நடவடிக்கையும் எடுக்காமல், ஊழலை ஒழிப்பதற்கு அரசிடம் மந்திரக்கோல் இல்லை என்று சொல்வது மன்மோகன் சிங்  பிரதமர் பதவிக்கே லாயக்கில்லாதவர் என்று  தான் பொருள்.    
               வெளிப்படையான அரசு நிர்வாகமும் - நிர்வாக நடவடிக்கைகளும் இருந்தால் போதும்  ஊழலை ஒழித்துவிட முடியும்... இதைச் செய்வாரா மன்மோகன் சிங்..? 
Friday, 19 August 2011

உலகை உலுக்கிய கவிதை: ........கறுப்பாக இருப்பது...


பிறக்கும்போது நான் கறுப்பாக இருக்கிறேன்

பின் வளரும் போதும் கறுப்பு

பனிக்காலத்திலும் கறுப்பு
வெயிலில் நடக்கையிலும் கறுப்பு

காய்ச்சலடித்துக் கிடக்கும் போதும் கறுப்பு

சாகும் தறுவாயிலும் நான் கறுப்பு தான்..

ஆனால் நீ

பிறக்கும்போது ரோஜா நிறத்தில் இருக்கிறாய்

வளர்கையில் வெள்ளை

பனிக்காலத்தில் நீலம்

வெயிலில் செல்கையில் சிவப்பு

காய்ச்சலில் பச்சை நிறம்

இறக்கும்போது நீ சாம்பல் நிறம்
இந்த லட்சணத்தில்

என்னைப் போய் 'நிறத்துக்காரன்' என்று

அழைக்கத் துணிய முடிகிறது உனக்கு!

மால்கம் எக்ஸ் அவர்களது மேற் கோளாகவும், யாரோ ஆப்பிரிக்கச் சிறுமி எழுதிய 2007-ம் ஆண்டின் சிறந்த கவிதை என்றும் விதவிதமாகச் சொல்லப்படும் மேற்படி கவிதை நிறவெறியின் வலியை - பல மணி நேர ஆவேச உரையோ, ஒரு நீண்ட நெடும் கட்டுரையோ சொல்லத் துடிக்கிற செய்தியை, காத்திரமாகச் சொல்லி விடுகிறது.

RTI:விடைத்தாள்களை ஆய்வு செய்யும் உரிமை மாணவர்களுக்கு உண்டு


நாட்டில் உள்ள சட்டங் களின்படி, தேர்வு எழுதும் மாணவர்களுக்கு தங்கள் விடைத்தாள்களை ஆய்வு செய்யும் உரிமை உண்டு என்று உச்சநீதிமன்றம் முக் கிய தீர்ப்பு அளித்துள்ளது.

மாணவர்களின் விடைத் தாள்களின் மீதான மதிப் பீடுகளைத் தெரிந்து கொள் ளும் உரிமை மாணவர் களுக்கு தகவல் அறியும் உரிமைச் சட்டத்தின் கீழ் உண்டு என்று உச்சநீதிமன்ற நீதிபதிகள் ஆர்.வி.ரவீந் திரன் மற்றும் ஏ.கே.பட் நாயக் ஆகியோரடங்கிய பெஞ்சு தெரிவித்துள்ளது.

‘‘விடைத்தாள்களை ஆய்வு செய்தலை நிராகரித் திருப்பதானது ஏற்கத்தக் கல்ல’’ என்று கொல்கத்தா உயர்நீதிமன்றம் அளித் திட்ட தீர்ப்பை உச்சநீதி மன்ற பெஞ்சு இப்போது பிறப்பித்துள்ள தீர்ப்பின் மூலம் உறுதி செய்துள்ளது.

கொல்கத்தா உயர்நீதி மன்ற உத்தரவுக்கு எதிராக மேற்கு வங்க இடைநிலைக் கல்வி வாரியம், கொல்கத்தா பல்கலைக் கழகம், இந்திய சார்டர்டு அக்கவுண்டண்ட் இன்ஸ்டிட்யூட், மேற்குவங்க மத்திய பள்ளித் தேர்வா ணையம் மற்றும் மத்திய இடைநிலைப் பள்ளிகள் வாரியம் ஆகியவை மேல் முறையீடுகள் தாக்கல் செய் திருந்தன. இதேபோல் தேர்வு எழுதும் மாணவர்களுக்கு திருத்தப்பட்ட விடைத் தாள்களைக் காண்பிப்ப தற்கு எதிர்ப்பு தெரிவித்து அசாம் அரசு பொதுத் தேர்வு ஆணையமும், பீகார் அரசு பொதுத் தேர்வு ஆணைய மும்கூட ஆட்சேபணைகள் தெரிவித்து மேல்முறையீடு கள் செய்திருந்தன. மேற்படி அமைப்புகள் அனைத்தும் கொல்கத்தா உயர்நீதிமன் றம் 2009 பிப்ரவரி 5 அன்று இது தொடர்பாக பிறப்பித் திருந்த தீர்ப்பை ஆட்சே பித்து இவ்வாறு மேல் முறை யீடுகள் செய்திருந்தன.

இவ்வாறு இவை தாக் கல் செய்திருந்த மேல்முறை யீடுகள் அனைத்தையும் உச்சநீதிமன்றம் தள்ளுபடி செய்துள்ளது.

எந்த ‘நம்பிக்கையின் அடிப்படையில்’ மட்டும் திருத்தப்பட்ட விடைத் தாள் களைத் தங்கள் வசமே வைத் திருக்கும் உரிமையைத் தேர்வு நடத்தும் அமைப்பு கள் வசம் ஒப்புவித்திடக் கூடாது என்கிற உயர்நீதி மன்றத்தின் முடிவுகளையும் உச்சநீதிமன்றம் ஏற்றுக் கொண்டுள்ளது.

விடைத்தாள்களின் மதிப்பெண்கள் அளித்தி ருப்பதை வெளிப்படுத்து வது என்பதும், அவற்றை மாணவர்கள் ஆய்வு செய் திட அனுமதிப்பது என்ப தும் தேர்வு முறையையே நிலைகுலையச் செய்து விடும் என்று இந்த அமைப் புகளின் சார்பில் முன்வைக் கப்பட்ட வாதங்களை உச்ச நீதிமன்றம் நிராகரித்துவிட் டது.

கொல்கத்தா உயர்நீதி மன்றமானது தன்னுடைய டிவிஷன் பெஞ்சு மூலம் அளித்திருந்த தீர்ப்பில், மேற்கு வங்க இடைநிலைக் கல்வி வாரியம், மத்திய இடைநிலைக் கல்வி வாரி யம் அல்லது பல்கலைக் கழ கங்கள் தாங்கள் நடத்தும் தேர்வுகளில் மாணவர் களின் விடைத்தாள்கள் எவ் வாறு மதிப்பீடு செய்யப் பட்டிருக்கின்றன என்று பரிசீலிக்கும் உரிமை, தகவல் அறியும் சட்டத்தின் வரை யறைப்படி மாணவர்க ளுக்கு உண்டு என்று தீர்ப் பளித்திருப்பதை உச்சநீதி மன்றம் அப்படியே ஒப்புக் கொண்டுள்ளது.

‘‘தாங்கள் எழுதிய விடைத் தாள்கள் மதிப்பீடு செய்யப் பட்டிருக்கும் விதத்தை மீண்டும் அந்த மாணவர்கள் பார்ப்பதென்பது அவர்கள் தங்கள் தரத்தை மேலும் முன்னேற்றிக்கொள்வதற்கு நிச்சயமாக உதவிடும். விடை களைத் திருத்துவதற்காக நியமனம் செய்யப்படும் ஆராய்வாளர்கள் விடை திருத்துவோர், அவ்வாறு நியமித்திடும் வாரியங்கள் அல்லது பல்கலைக்கழகங் களின் ஊழியர்கள் கிடை யாது. அவர்கள் அத்தகைய அமைப்புகளின் ஒழுங்கு முறை கட்டுப்பாடுகளுக்கு அப்பாற்பட்டவர்கள்’’ என் றும் உச்சநீதிமன்றம் தன் தீர்ப்பில் குறிப்பிட்டுள்ளது.

Social activist Killed in Uttar-Pradesh:


RTI போராளி ம.பி.யில் கொலை:

பெண் தகவல் உரிமையாளர் ஷேஹ்லா மசூத், கோஹ் - இ- பிசா பகுதி யில் உள்ள அவரது பங்க ளாவின் முன் அடையா ளம் தெரியாத நபர்களால் சுட்டுக் கொல்லப்பட்டார் என்று காவல்துறை மூத்த கண்காணிப்பாளர் ஆதர்ஷ் கட்டியார் கூறினார்.

காரில் அமர்ந்திருந்த போது ஷேஹ்லா சுட்டுக் கொல்லப்பட்டார் என் றும், குற்றவாளிகளைத் தேடும் பணி முடுக்கிவிடப் பட்டுள்ளது என்றும் அவர் கூறினார். ஹசாரேவுக்கு ஆதரவாக உண்ணாவிர தம் இருந்த ஷேஹ்லா பல் வேறு மேம்பாட்டுத் திட்டங்களில் தன்னை ஈடு படுத்தி வந்தார். மத்தி யப்பிரதேச வனவிலங்கு சரணாலயங்களில் புலிகள் மடிந்து வருவது குறித்தும் அவர் பிரச்சனைகளைக் கிளப்பி வந்தார்.
Thursday, 18 August 2011

கல்வி உரிமைப் போராட்டம் :

உச்சநீதிமன்றத்தின் தீர்ப்பால் ஒருவழி யாக பொதுப்பாடத் திட்டம் அமலுக்கு வந்துவிட் டது. புத்தகங்களும் கலைஞரின் குடும்ப புரா ணம், சுய காவியங்கள் அடித்து, கிழிந்து வந்து சேர்ந்துவிட்டது. மெட்ரிக் பாடத்திட்டம் ஓய்ந்து, பொதுப்பாடத்திட்டம் அமலுக்கு வந்துவிட்ட தாக அனைவரும் கொண்டாடிவருகின்றனர். சமச்சீர் கல்வி என்ற வார்த்தையை அறியாதவர் இன்று தமிழகத்தில் யாரும் இல்லை. ஆனால் மெட்ரிக் பள்ளிகள் எப்போது ஓயும்? கல்வியில் உள்ள ஏற்றத்தாழ்வுகள் எப்போது ஒழியும்? இக்கேள்விகளுக்கு யாரும் பதில் சொல்ல இயலாது. உச்சநீதிமன்ற தீர்ப்பு, தன் அரசின் முயற்சிக்கு கிடைத்த வெற்றி என புளகாங்கிதப் பட்டு அறிக்கை விட்டிருக்கிறார் முன்னாள் முதல்வர். கலைஞர் காலத்து கண்டுபிடிப்பு களில் முதன்மையானது சமச்சீர் கல்வியா? காப்பீட்டுத் திட்டமா? என புதிய பட்டிமன்ற தொடர்களை நடத்துவதற்கான ஆயத்தப்பணி களை கழகக் கண்மணிகள் தமிழகமெங்கும் துவக்கிவிட்டனர்.

ஆனால் சமச்சீர் கல்வி என்றால் என்ன? முனைவர் ச.முத்துக்குமரன் ஜூலை23ல் கொடுத்த பேட்டி இதோ- “நாட்டில் உள்ள அனைத்துக் குழந்தைகளுக்கும் கல்வி கிடைக்க வேண்டும். அப்போது தான், நாடு முன்னேறும்; நாட்டின் பொருளாதாரம் மேம்படும். அனை வருக்கும் கல்வி கிடைக்க வேண்டும் என்ப தில் யாருக்கும் மாற்றுக்கருத்து இருக்க முடி யாது. அனைவருக்கும் கல்வி என்ற கருத்தில், அனைவருக்கும் தரமான கல்வி என்ற கருத்தும் இருக்கிறது.அனைவருக்கும் தரமான கல்வி கிடைக்க வேண்டுமெனில், முதலில் அனைத் துப் பள்ளிகளும் தரமானவையாக இருக்க வேண்டும். அப்படி ஒரு நிலையை உருவாக்கி னால், மக்கள் தங்கள் வசிப்பிடத்திற்கு அரு காமையில் உள்ள பள்ளிகளில் குழந்தைகளை சேர்ப்பார்கள்.

இதை பொதுப்பள்ளி முறை என்றும், அண் மைப்பள்ளி முறை என்றும் அழைக்கலாம். இது, அனைவருக்கும் தரமான கல்வி என்ற கருத்துக் குள் அடங்குகிறது. இந்த நிலையைத் தான் சமச்சீர் கல்வி என்கிறோம்.

சமச்சீர் கல்வி திட்டத்தைப் பற்றி மக்கள் முழுமையாக புரிந்துகொள்வதற்கு தற்போதைய சூழ்நிலை ஒரு வாய்ப்பாக அமைந்துவிட்டது. இத்திட்டத்தில், மக்களின் பங்கு அதிகம் என் றும், அதன் அவசியத்தைப் பற்றியும் எனது பரிந் துரை அறிக்கையில் விரிவாக கூறியுள்ளேன். 109பரிந்துரைகள் அடங்கிய அறிக்கை அப்போ தைய அரசிடம் வழங்கப்பட்டது. அதில், எத் தனை பரிந்துரைகளை அப்போதைய அரசு ஏற் றது; எத்தனை பரிந்துரைகளை ஏற்கவில்லை என்பது அனைவருக்குமே தெரிந்தது தான்.

நான் அளித்த அறிக்கையைப் பார்த்து அமல் படுத்தும் பொறுப்பை ஐ.ஏ.எஸ்., அதிகாரி விஜய குமாரிடம் அப்போதைய அரசு அளித்தது. அவர், அவருடைய பொறுப்பை முழுமையாக செய்ய வில்லை என்பதை, பத்திரிகைகளில் வெளிவந்த செய்திகளைப் பார்த்து நான் தெரிந்துகொண் டேன். சமச்சீர் கல்வி திட்டம் என்பது திடீரென வந்துவிடவில்லை. இதை ஏதோ பிச்சை போடு வது போல் நினைக்கக் கூடாது. 1950களிலேயே கூறப்பட்டுவிட்டது. அனைவருக்கும் தரமான கல்வி என்பது அரசியல் சாசனத்தில் கூறப்பட் டுள்ளது. அதை இப்போது தான் அமல்படுத்த முயற்சி செய்து கொண்டிருக்கிறோம். கல்வித் திட்டங்களை அமல்படுத்த, தன்னாட்சி அதிகா ரம் கொண்ட அமைப்பை ஏற்படுத்த வேண்டும். அப்படி ஒரு அமைப்பை ஏற்படுத்தியபின்,அதன் அன்றாட செயல்பாடுகளில் அரசு தலையிடக் கூடாது. ஆனால், எதற்கெடுத்தாலும் அரசு மூக்கை நுழைப்பது இங்கே நடக்கிறது. இதுதான் பிரச்சனைகளுக்கு காரணம்.”

சும்மா வந்த சட்டமல்ல என்பது முனைவர் முத்துக்குமரன் வார்த்தைகளில் தெளிவாகத் தெரிகிறது.ஆனால், நான் தான் கொண்டு வந் தேன் என்றும்,அவர் கொஞ்சம் மட்டுமே கொண்டு வந்தார், நான் முழுக்க கொண்டு வருவேன் எனவும் பேசியவர்கள் சமச்சீர் கல் வியை சந்தியில் நிறுத்தினார்களேயொழிய, முழு வதும் அமல்படுத்த முயற்சிப்பதாகத் தெரியவில் லை. ஆனால் இந்நிலைக்கு தமிழகத்தை கொண்டுவந்த அவர்கள் பதில் சொல்ல வேண்டிய கேள்விகள் ஏராளம்.

தனியார் பள்ளிகளின் முதலாளிகளுக்கு ஆதரவாகவே செயல்படுவோம் என தேர்தல் வாக்குறுதியில் யாரும் அறிவிப்பதில்லை. ஆனால், நடைமுறையில்...? நான்கு ஆண்டுகளாக சமச் சீர் சமச்சீர் என குழு மேல் குழு அமைத்து வீராப்பு காட்டிய திமுக ஆட்சி, முனைவர் முத்துக்குமரன் கூறியதில் நான்கை மட்டும் அமல்படுத்திவிட்டு, மற்ற பரிந்துரைகளை மக்களுக்கே சொல்லாமல் மறைத்தது.

தாய்மொழி வழியிலான கல்வி என்பது சமச்சீர் கல்விக்குழுவின் முக்கிய பரிந்துரைக ளில் ஒன்று. ஆனால், ஆங்கில வழிக்கல்வியும் தொடரும் என்று அறிவித்தார் கலைஞர். நியாய மாகப் பார்த்தால், செம்மொழி தமிழ்மொழியில் தான் தமிழக மாணவர்கள் கற்க வேண்டும் என இவர் உத்தரவு போட்டிருக்க வேண்டும். ஆனால், தமிழுக்கு ஒரு கவிதையை மட்டும் காணிக்கை யாக்கிவிட்டு, ஆங்கிலத்துக்கோ தமிழகக் கல்வியையே காணிக்கையாக்கியவர் கலைஞர் தான். இந்தியாவிலேயே மெட்ரிக் கல்வி என் பதும், தாய் மொழி மறுப்புக்கல்வி என்பதும் எந்த மாநிலத்தில் இல்லாத போதும், தமிழகத்தில் மட்டும் ஆங்கில வழிக்கல்வி எப்படி கோலோச் சுகிறது? அதை ஒழிப்பதற்கான ஒரு வரலாற்று வாய்ப்பு கிட்டியபோது, சமச்சீர் கல்விக்கான கல்வியாளர் குழு அதை பரிந்துரைத்த போது, மறுக்க மனம் எப்படி வந்தது? கல்வியாளர் கருத் தை ஆட்சியாளர்கள் மறுப்பதில் உள்ள அரசி யல் நோக்கமும், தனியார் கல்வி முதலாளிகளின் பொருளாதார நலனும் திமுகவின் திட்டத்தில் இருப்பதால்தானே. ஆனால், இன்று கல்வியாளர் களின் கருத்துக்களைக்கொண்டு மேற்கோள் காட்டிப் பேசுகிறார். கருணாநிதி தலைமையி லான திமுக அரசு மறுத்தது இவைகளை மட்டு மல்ல. அவையனைத்தையும் மக்கள் முன் பட் டியலிட்டால் தான், துரோக வரலாற்றை மக்கள் முழுமையாக புரிந்து கொள்வார்கள்.

1. நான்கு கல்வி வாரியங்களை கலைத்து விட்டு, கல்வியாளர் தலைமையில் தமிழ்நாடு மாநில பள்ளிக்(சமச்சீர்)கல்வி வாரியம் அமைக்கவேண்டும்.

2. அனைவருக்கும் கல்வித்திட்டம் வெற்றி பெறும்வகையில் மழலையர் கல்வியை முழு மையாக அரசுச் செலவில் வழங்கிட வேண்டும்.

3. ஆசிரியர், மாணவர் விகிதாச்சாரம் 1:30 க்கு மிகாமல் இருக்க வேண்டும்.

4. அருகமைப்பள்ளி உரிமையை அடிப் படை உரிமையாக்க வேண்டும்.

5. அறிவியல் பூர்வமான, தாய்மொழி வழியி லான கல்வியை வழங்குவதோடு, ஆங்கிலத் தையும் தரமாக கற்றுத்தர வேண்டும்.

6. முரண்பாடுகள் மிக்க தமிழக பள்ளிக் கல்விச் சட்டங்களை ஒருங்கிணைத்து, தேவை யான மாற்றம் செய்து, தமிழ்நாடு பள்ளிக்கல்விச் சட்டம் என ஒரே சட்டமாக்குதல். அதன் மூலம் கல்வி வியாபாரத்தை ஒழித்தல்.

7. அரசுப்பள்ளிகளின் அடிப்படைக் கட்ட மைப்பு வசதிகளை அனைத்து வகையிலும் உயர்த்தி, அனைத்து மாணவர்களுக்கும் ஒரே விதமான ஏற்றத்தாழ்வற்ற கல்வி வாய்ப்பு என்பதை உறுதி செய்தல்.

இப்படியான பல கோரிக்கைகள் வலுவாக கல்வியாளர்கள் மத்தியில் எழுந்தபோதும், முனைவர். முத்துக்குமரன் பரிந்துரைகளில் வெளிப்பட்டபோதும் அதை ஏற்றுக்கொள்ளா மல் முழுமையாக புறக்கணித்தது கடந்த கால அரசு தான் என கல்வியாளர்களும் மறுக்க மாட் டார்கள்.

அதிமுக ஆட்சியும் முழுமையாக முழுமை யாக எனக்கூறி காலத்தை கடத்த மக்கள் அனுமதிக்கக்கூடாது. சுயமரியாதையை புகட் டும் கல்வியை மறுத்துவிட்டு, காசுள்ளவனுக்கு மட்டும் தரமான கல்வி கொடுத்துவிட்டு மக்களை திசை திருப்பக்கூடாது.

“சமச்சீர் கல்வித் திட்டம் மிக அவசரமாகச் செயல்படுத்தக்கூடியது அல்ல. அனைவருக் கும் தரமான கல்வி வழங்கப்படவேண்டு மெனில் முனைவர் முத்துக்குமரன் அறிக்கை யில் குறிப்பிடப்பட்டுள்ள பல்வேறு நடவடிக்கை கள் எடுக்கப்படவேண்டும் ” என சட்டசபை யில் தமிழக முதல்வர் 2011, ஜூலை 6 அன்று அறிவித்த உறுதிமொழி எந்த ஆண்டு அமலுக்கு வரும்? ஆளுநர் உரையிலும் அறிவிக்கவில் லை. பட்ஜெட்டிலும் அறிவிக்கவில்லை. நிதி யும் ஒதுக்கவில்லை. உச்சநீதிமன்றத்தில் கொடுத்த வாக்குறுதியை எப்போது நிறைவேற் றும் அதிமுக அரசு?

சமச்சீர் கல்விச் சட்டம், தனியார் பள்ளிகள் கல்விக்கட்டணம் ஒழுங்குபடுத்தும் சட்டம், இலவசக்கல்வி மத்திய சட்டம் என்ற மூன்று சட்டங்கள் இக்காலத்தில் வந்துள்ளன. பொது வுடைமைக்கொள்கையை கொண்ட இயக்கங் கள் அகில இந்திய அளவிலும், தமிழக அளவி லும் நீண்ட காலமாக நடத்திவரும் போராட்டங் களின் விளைவாக கொண்டு வரப்பட்டுள்ள இச்சட்டங்கள் கானல்நீராக மாறக்கூடாதெனில் வலுவான மக்கள் போராட்டங்கள் அவசியம். கல்வியால் நெருக்கடிக்குள்ளான சாதாரண மக் கள், நடுத்தர மக்கள் இடதுசாரி இயக்கங்களின் கல்விப்போராட்டங்களில் திரண்டுவிடக் கூடாது என்ற அரசு எண்ணமே சட்டங்களின் பின்னணி. ஆனால், அரசின் திட்டம் பொய்யாகி யுள்ளது. மக்கள் கிளர்ந்தெழுந்துவிட்டதை அரசு உணர வேண்டும். கல்வி என்பது ஒரு சமூக, பொருளாதாரப்பிரச்சனை என்று மட்டுமல்ல, அரசியல் பிரச்சனை எனவும் உணரத்துவங்கிய மக்களின் போராட்டத்தை, இடதுசாரி இயக்கங் களால் மட்டுமே மாற்றத்தை நோக்கி உயர்த்திச் செல்ல முடியும்.

போராட்டத்தால் விளைந்த சமச்சீர் கல்வி சமூகம் முழுமைக்கும் கிடைக்காமல் ஒயக் கூடாது போராட்டங்கள். 2011-2012 முதல் முழு மையான சமச்சீர் கல்வி அனைவரும் பெறும் வகையில் கல்விக்கு நிதி ஒதுக்கீடு செய்து, பள் ளிக்கல்வி மானியக்கோரிக்கையில் அறிவிக்க வேண்டும் என புதிய போர்க்குரல்கள் ஒலிக்க வேண்டும். முழுமையான சமச்சீர் கல்வி வழங்குவோம் என்று மட்டுமல்ல, அரசின் உத்த ரவுகளை மதிக்காத தனியார் பள்ளிகளை அரசே ஏற்று நடத்தவேண்டும் எனவும் கடந்தாண்டில் எதிர்க்கட்சி வரிசையில் இருந்தபோது பேசிய அதிமுக இன்று என்ன செய்யப்போகிறது?

ராஜீவ் கொலை குற்றவாளிகளின் மரணதண்டனையை ரத்து செய்யக்கோரி:


அரசால் செய்யப்படும் உயிர் கொலையே மரண தண்டனை..!

                     சென்ற ஒரு வாரமாக இப்போது வரை  தமிழகத்தில் ஒரே பரபரப்பு... கடந்த 1991 - ஆம் ஆண்டு  முன்னாள் பிரதமர் ராஜீவ் காந்தி கொலை குற்றவாளி என்று குற்றம் சாட்டப்பட்டு, சாட்சிகள் மற்றும் சாட்சியங்கள் அடிப்படையில்  சிறப்பு நீதிமன்றத்தால் மரணதண்டனை அளிக்கப்பட்டு, பிறகு உச்சநீதிமன்றம் வரை மேல்முறையீடு செய்து, உச்சநீதிமன்றமும் மரணதண்டனையை உறுதி செய்து பின் மத்திய அரசுக்கு கருணை மனு அளிக்கப்பட்டு அதுவும் நிராகரிக்கப்பட்ட நிலையில், இறுதியாக தங்கள் கருணை மனுவை தாயுள்ளத்துடன் கவனித்து, தங்கள் மீது இறக்கம் காட்டி மரணதண்டனையை ரத்து செய்வார்கள் என்று நம்பிக்கையோடு எதிர் பார்த்திருந்த சூழ்நிலையில் இந்திய குடியரசுத் தலைவர் அம்மா பிரதீபா பாட்டில் அவர்களும் அந்த கருணை மனுவை நிராகரித்து மரணதண்டனையை உறுதி செய்தது என்பது குற்றவாளிகள் என்று குற்றம் சாட்டப்பட்ட பேரறிவாளன், முருகன், சாந்தன் ஆகிய மூன்று பேருக்கு மட்டுமல்ல தமிழக மக்களுக்கு மட்டுமல்லாமல் மனித நேயம் கொண்டோர்க்கும், மனித உரிமைகள்  மீது அக்கறை உள்ளவர்களுக்கும் அது ஒரு பேரதிர்ச்சியாக தான் இருந்தது என்று சொன்னால் அது மிகையாகாது.
.                     பொதுவாகவே, இன்றைக்கு மரணதண்டனையை எதிர்த்தும்  மரணதண்டனையை ரத்து செய்யக்கோரியும்  நாட்டின் பல பகுதியில் உள்ள மனிதநேயமிக்கவர்கள் - மனித உரிமை ஆர்வலர்கள் என பலர்   உரத்த குரல் எழுப்பி வருகிறார்கள். பல ஆண்டுகளாகவே இந்த கோரிக்கை என்பது எழுப்பப் பட்டு தான் வருகிறது. இன்று ராஜீவ் கொலையாளிகள் என்று சொல்லப்படுகிற மேலே சொன்ன மூன்று பேரையும் தூக்குக்கயிறு நெருங்கி வரும் போது, தங்களை தமிழினத் தலைவர்களாக பிரகடனப்படுத்திக்கொள்பவர்கள் எல்லாம் அவர்கள் மூவரையும் காப்பாற்றுவதற்கு போராடி வருகிறார்கள் 

 ராஜீவ் கொலை குற்றவாளிகளை கருணை அடிப்படையில் காக்க வேண்டி உச்சநீதி மன்ற முன்னாள் நீதிபதி நீதியரசர் வி. ஆர். கிருஷ்ண அய்யர் தமிழக முதல்வருக்கு எழுதிய கடிதம் கீழே கொடுக்கப்பட்டுள்ளது...


ஆகத்து 14, 2011
மாண்புமிகு முதல்வர் செல்வி ஜெயலலிதா அவர்களுக்கு,

இந்தியாவின் தலைமை நீதிமன்றத்தால் கொலைக்குற்றம் சாட்டப்பட்ட முருகன், சாந்தன், பேரறிவாளன் ஆகிய மூன்று இளைஞர்களும் தூக்கிலிடப்படப் போவதை அறிந்து மிகவும் மன வருந்தம் அடைந்தேன். அநியாயமாகக் கொல்லப்பட்ட திரு.இராசிவ்காந்தி அவர்களின் மனைவி சோனியா அவர்களும் இவர்களைக் கருணை அடிப்படையில் விடுதலை செய்ய உடன்படுவதாகக் கூறினார். இவர்களின் உயிரைக் காக்க நான் மேற்கொண்ட அனைத்து முறையீடுகளும் நிராகரிக்கப்பட்டன.

அன்புள்ளம் கொண்ட அம்மையார் அவர்களே, இவர்களின் உயிரைக் காக்க தண்டனைக் குறைப்பு நடவடிக்கை எடுக்கத் தங்களை வேண்டுகிறேன். தங்களின் பரந்த மனத்தோடு, மனிதநேய அடிப்படையிலும் கருணை அடிப்படையிலும் இம்மூவர் உயிர் காக்க வேண்டுகிறேன். இந்த மனிதநேயச் செயலுக்கு வையம் முழுதும் பரவிக்கிடக்கும் தமிழர்கள் அனைவரும் தங்களுக்கு நன்றிக்கடன் பட்டவர்களாக இருப்பர்.  தங்களின் நல்லாட்சி சிறக்கவும் தங்களின் புகழ் பரவவும் அந்தக் கடவுள் உங்களுக்கு அருள்வாராக !

தங்கள் உண்மையுள்ள,

(வி.ஆர். கிருஷ்ண அய்யர்)

மாண்புமிகு முதல்வர் செல்வி ஜெயலலிதா
முதல் அமைச்சர், தமிழ்நாடு
போயஸ் தோட்டம்
Wednesday, 10 August 2011

சமச்சீர் கல்வியை அமல்படுத்தக்கோரி உச்சநீதிமன்றம் தீர்ப்பு - மாணவர் போராட்டத்திற்கு கிடைத்த மகத்தான வெற்றி : எஸ்எப்ஐ



தமிழக அரசு, உச்சநீதிமன்றம் வழங்கிய தீர்ப்பினை ஏற்று சமச்சீர் கல்விக்கான பாடப் புத்தகங்களை பள்ளிகளுக்கு உடனடியாக விநி யோகிக்க வேண்டும் என்று இந்திய மாணவர் சங்க தமிழ்மாநிலத் தலைவர் கே.எஸ். கனகராஜ் வேண்டுகோள் விடுத்தார்.

இதுகுறித்து சென்னையில் செய்தியாளர்களை சந்தித்த அவர் “எல்லோருக்கும் சமமான, தரமான பள்ளிக் கல்வி வழங்கப்பட வேண் டும். அதற்கு சமச்சீர் கல்வியை அமல்படுத்த வேண்டும் என கடந்த 10 ஆண்டுகளுக்கு மேலாக இந்திய மாணவர் சங்கம் போராடி வருகிறது. எனவே இந்தத் தீர்ப்பு இந்திய மாணவர் சங்கத்தின் போராட்டத்திற்குக் கிடைத்த ஒரு வெற்றியாகும்” என்றார்.

புதுச்சேரி ஆக 10
சமச்சீர் கல்வியை அமல்படுத்தக்கோரி உச்சநீதிமன்றம் தீர்ப்பு வழங்கியதை வரவேற்று புதுச்சேரியில் மாணவர்கள் மேலதாலத்துடன் பட்டாசு வெடித்து இனிப்பு வழங்கி கொண்டாடினார்கள்.
புதுச்சேரி வ.ஊ.சி அரசு பள்ளி எதிரே நடந்த இந்த நிகழ்சியில் இந்திய மாணவர் சங்கத்தின் பிரதேச செயலாளர் ஆனந்து,துணைத்தலைவர் ரஞ்சித்,இந்திய ஜனநாயக வாலிபர் சங்கத்தின் பிரதேச தலைவர் சந்துரு, மற்றும் நகரகமிட்டி தலைவர் சரவணன்,உழவர்கரை கமிட்டி செயலாளர் பாஸ்கர், சிஜடியு ஆட்டோ சங்க நிர்வாகி மது,நடைபாதை வியாபாரிகள் சங்க நிர்வாகி பாலாஜி உள்ளிட்ட திரளான மாணவர்கள் உச்சநீதி மன்றத்தீர்ப்பை வரவேற்று மாணவர்களுக்கு இனிப்பு வழங்கி கொண்டாடினார்கள். முன்னதாக மேலதாலத்துடன் பட்டாசுகள் வெடித்து மகிழ்ந்தனர்.
இதேப்போல் இலாஸ்பேட்டை மோதிலால் நேரு பாலிடெக்னிக்,உள்ளிட்ட புதுச்சேரி முழுவதும் உள்ள கல்லுரிகளிலும்,கல்வி நிலையங்களிலும் மாணவர்சங்கத்தினர் இனிப்புகள் வழங்கி கொண்டாடினார்கள்.


வேகவேகமான தனியார்மயமே ஊழலை ஊதிப் பெருக்குகிறது..

           நவீன தாராளமயக் கொள்கை கோலோச்சும் சூழலில், ஊழல்கள் மேலும் மேலும் பெருகுவதைத் தடுக்க, ஒரு தீர்மானகரமான மக்கள் இயக்கத்தின் பின்னணி கொண்ட ஊழல் தடுப்புச் சட்டம் அவசியம் என்று பிரபல பொருளாதார அறிஞர் பேராசிரியர் பிரபாத்    
பட்நாயக் கூறினார்.                       
             சென்னையில் வெள்ளியன்று நடைபெற்ற தோழர் உ.ரா.வரதராசன் நினைவு சொற்பொழிவில் பங்கேற்று “நவீன தாராளமயமும், ஊழலும்” என்ற பொருளில் அவர் உரையாற்றினார். இந்திய சமூக விஞ்ஞானக் கழகம், இந்த சொற்பொழிவு நிகழ்ச்சிக்கு ஏற்பாடு செய்திருந்தது.
            நவீன தாராளமயக் கொள்கைகள் அமலானால், ஊழல்களில் இருந்து விடுதலை கிடைத்துவிடும் என்று நம்பிக்கை தெரிவித்தனர். ஆனால், ஊழலுக்கான களம் விரிவடைந்துள்ளது என்பதே உண்மை. பொதுச்சொத்துக்கள் எல்லாம் தீவிரமாக தனியார்மயமாக்கப்பட்டு வரும் நிலையில், லஞ்சம் - ஊழலுக்கான வாய்ப் புகள் அதிகரிக்கப்பட்டுள்ளன. எனவே, இந்தப் பிரச்சனையைத் தீர்க்க வெறுமனே சட்டம் இயற்றுவது மட்டும் போதுமானதல்ல என்று பிர பாத் பட்நாயக் தனது உரையின்போது குறிப்பிட்டார்.
            பொதுச் சொத்துக்களை வேகவேகமாக தனியார்மயமாக்கும் தன்மை கொண்ட நவீன தாராளமயம், சொத்துடைமை உறவுகளில் குறிப்பிடத்தக்க மாற்றங்களை ஏற்படுத்துகிறது. பெருமளவிற்கு மூலதனக் குவிப்பை தூண்டி விடுகிறது, இதன் மூலம் மிக மோசமான ஊழல்களுக்கு காரணியாகிறது என்று அவர் சுட்டிக்காட்டினார்.
              2ஜி ஸ்பெக்ட்ரம் ஊழல், சுரங்க ஊழல் போன்ற பெரும் கொள்ளை நடந்த ஊழல்களில், லஞ்சம் என்பது நேரடியாக பணம் கொடுத்தது அல்ல; மாறாக திட்டமிட்ட முறையில் நிதியாதாரங்களை மடைமாற்றி, தனியார் மூலதனக் குவிப்பை அதிகப்படுத்தி, மக்களுக்கு இழப்பு ஏற்படச் செய்ததாகும். அரசின் கருவூலத்திற்கு பதிலாக குறிப்பிட்ட தனிநபர்கள் பலன் அடைந்ததாகும் என்று பிர பாத் பட்நாயக் விளக்கினார்.
             “பெருங்கொள்ளை நடந்த இந்த ஊழல்களில் சிக்கியுள்ள அரசியல் வர்க்கமானது, ஜனநாயகத்திற்கு முற்றிலும் ஆபத் தானது” என்றும் அவர் எச்சரித்தார்.
            எனவே, ஊழலுக்கு எதிரான சட்டமானது, மாறு பட்ட தன்மை கொண்டது மட்டுமின்றி, கோபாவேச மிக்க மக்கள் இயக்கத்தின் ஆதரவினையும் பெற்றதாக இருக்க வேண்டும் என்றும் அவர் கூறினார்.
          மேற்கூறியதைப் போலவே பொதுச் சொத்துக்களை தனியார்மயம் ஆக்கக் கூடாது என் பது மற்றொரு முக்கிய அம்சம் ஆகும் என்று குறிப்பிட்ட அவர், விரைவில் தீர்ந்து போகக் கூடிய வளங்கள் அனைத்தும் அரசுக்கே சொந்தமானதாகவும், அரசாலேயே இயக்கப் படக் கூடியதாகவும் இருக்க வேண்டும் என்றும், நிலம் போன்ற பற்றாக்குறை வளங் களைக் கையாள்வதில் அரசுக்கே முதன்மை உரிமை இருக்க வேண்டும் என்றும் கூறினார். அப்போதுதான், இந்த வளங்களை, ஊக வணிகத்தில் ஈடுபடுத்துவதைத் தடுக்க முடியும் என்றும் கூறினார்.
              ஊழலுக்கு எதிரான போராட்டத்தில் மக்களுக்கு மையமான பங்கு இருப்பதை இடதுசாரிகளாலேயே உறுதிப்படுத்த முடியும் என்று கூறிய அவர், நடுத்தர வர்க்க மக்கள் ஊழலைக் கண்டுகொள்ளாமல் இருக்கும் மனப்போக்கு உருவாக்கப்படுகிறது என சுட்டிக் காட்டினார். நடுத்தர வர்க்க மக்களை தனிமைப்படுத்துவதன் மூலம், ஊழலுக்கு எதிரான போராட்டத்தை ஜனநாயகத்திற்கு எதிரான போராட டமாக சித்தரிக்க முயற்சி நடக் கிறது என்றும் அவர் எச்சரித்தார்.

தள்ளாடும் அமெரிக்க பொருளாதாரம் - இந்தியாவையும் பற்றிக்கொள்ளும் அபாயம் ..!

 மமதையில் அலையும்  அமெரிக்காவுக்கு  மீண்டும் பொருளாதார (நெருக்) அடி - இது இந்தியாவையும் பாதிக்கும்.     
          பொருளாதாரக்கொள்கைகளை மதிப்பீடு செய்து தரச்சான்றிதழ் வழங்கும் ஸ்டாண்டர்டு & பூவர்ஸ்  எனும் நிறுவனம், அமெரிக்க அரசின் சமீபத்திய கடன் கொள்கைகளை ஆய்வு செய்து அறிக்கை ஒன்றை வெளியிட்டுள்ளது. அதில் தர வரிசையில் அமெரிக்காவுக்கு குறைந்த மதிப்பீட்டை அளித்துள்ளது.    
                       இந்தப்பின்னணியில் சர்வதேச கடன் தர வரிசையில் அமெரிக்காவுக்கு முதல் முறையாக குறைவான ரேட்டிங் மதிப்பீடு வழங்கப்பட்டுள்ளதை  தொடர்ந்து ,  அமெரிக்கப் பொருளாதாரத்தின் மீது அந்நாட்டிலுள்ள முதலீட்டாளர்கள் மட்டுமின்றி, உலகம் முழுவதிலுமுள்ள முதலீட்டாளர்கள் நம்பிக்கையை இழக்கத் துவங்கியுள்ளனர். அதனால் அதிபர் ஒபாமாவுக்கு நெருக்கடியை கொடுத்துள்ளது.
                  முதன்முதலாக தரவரிசைப் பட்டியலில் அமெரிக்கப் பொருளாதாரம் சரிவைச் சந்தித்திருப்பது பெரும் பரபரப்பை ஏற்படுத்தியுள்ளது. உலகம் முழுவதிலுமுள்ள பங்குச்சந்தைகளில் அமெரிக்க நிறுவனங்களின் பங்குகள் மளமளவென சரிந்து வருகின்றன. இது முதலீட்டாளர்கள் மத்தியில் பெரும் பீதியை ஏற்படுத்தியுள்ளது. இதனால் அமெரிக்கப் பொருளாதாரம் மிக ஆழமான நெருக்கடிக்குள் வேகமாக பயணித்துக்கொண்டிருக்கிறது என்பது தான் உண்மை.
                   இந்தப்பின்னணியில் மீண்டுமொரு கடும் நெருக்கடியை சந்திக்க வேண்டிய ஆபத்து அமெரிக்காவுக்கு ஏற்பட்டுள்ளது. இதை தவிர்க்க நாடாளுமன்றத்தில் குடியரசுக்கட்சியும் ஜனநாய கக்கட்சியும் இணைந்து, அமெரிக்கப்பொருளாதாரத்தில் பொதுச்செலவினங்களை கடுமையாக குறைப்பதன்மூலம் நெருக்கடியிலிருந்து தப்பித்துக்கொள்ள தீர்மானித்தன. இதுதொடர்பாக சில நாட்களுக்கு முன்பு சட்டமும் நிறைவேற்றப்பட்டது. இதன் பொருள், கல்வி, சுகாதாரம் உள்ளிட்ட பொதுச்செலவினங்களுக்கு ஒதுக்கப்படும் நிதியை கடுமையாக வெட்டிக்குறைத்து, பெரும் நிறுவனங்களின் இழப்பை ஈடுகட்டுவது என்பதே அந்த சட்டத்தின் அம்சமாகும்.

 மார்க்சிஸ்ட் கம்யூனிஸ்ட் கட்சியின் எச்சரிக்கை :                              
                அமெரிக்காவில் ஏற்பட்டுள்ள சறுக்கல் உலகளாவிய பொருளாதார மந்தத்தை நோக்கி மேலும் தீவிரமாக செல்லும் என்றும், இது இந்தியாவையும் கடுமையாக தாக்கக்கூடும் என்றும் மார்க்சிஸ்ட் கம்யூனிஸ்ட்கட்சி எச்சரிக்கை விடுத்துள்ளது.அமெரிக்காவுக்கு ஏற்பட்டுள்ள கடன் நெருக்கடி காரணமாக உலக அளவில் மீண்டும் பொருளாதார தேக்கநிலை ஏற்படும் அதனால் இந்தியாவும் கடுமையான பாதிப்புக்கு உள்ளாகும் என்றும் மார்க்சிஸ்ட் கட்சி கூறியுள்ளது.
                 அமெரிக்காவில் பொருளாதார மீட்சி எதிர்பார்த்த அளவுக்கு ஏற்படவில்லை. வேலையில்லா திண்டாட்டம் அதிகரித்து வருகிறது. தொழில் நிறுவனங்களில் உற்பத்தி குறைந்து வருகிறது. மக்களிடையே பணப்புழக்கம் குறைந்து வருகிறது. இதை எப்படிச் சமாளிப்பது என்பதில் அமெரிக்க ஆட்சியாளர்களிடையே கருத்தொற்றுமை இல்லை.  இந்திய அரசு சர்வதேசச் செலாவணி நிதியம், பன்னாட்டு வங்கிகளின் யோசனைகளையே காது கொடுத்து கேட்டு வருகிறது. தன்னுடைய பொருளாதார நடவடிக்கைகளையும் அமெரிக்க அரசின் கண்ணசைவுக்கு ஏற்ப மாற்றி வருகிறது. இந்த நிலையில் அமெரிக்காவுக்கு ஏற்படும் பாதிப்பு இந்தியாவையும் பற்றும் வாய்ப்பு இருப்பதாகவே மார்க்சிஸ்ட் கட்சி அச்சம் தெரிவித்துள்ளது.
அமெரிக்க பத்திரிக்கைகளின் கணிப்பு:

               அமெரிக்காவின் சரிவு, உலக நிதிக்கட்டமைப்பில் கடும் அதிர்வை ஏற்படுத்தும் என்று அந்நாட்டின் பிரபலமான பொருளாதார ஏடான ‘தி வால் ஸ்ட்ரீட் ஜர்னல்’ குறிப்பிட்டுள்ளது.
              அமெரிக்கப்பொருளாதாரத்தின் தரக்குறைவு, உலக நிதிச்சந்தைகளை திக்குத் தெரியாத எல்லையில் கொண்டுபோய் நிறுத்தும் என்றும், ஏற்கெனவே நீடிக்கும் பொருளாதார நெருக்கடி மற்றும் ஐரோப்பிய நெருக்கடியால் தற்போதைய நிலைமை மேலும் மோசமடையும் என்றும் ‘வாஷிங் டன் போஸ்ட்’ ஏடு எழுதியுள்ளது. 
Tuesday, 9 August 2011

அடுக்கடுக்கான ஊழல்கள் - காங்கிரஸ் கட்சியும், பா ஜ க-வும் தேசத்தின் அவமானச் சின்னங்கள்.

  நாடே வெட்கித்  தலைகுனிகிறது..   
                  சுதந்திரம் பெற்ற நாளிலிருந்தே மத்தியிலும் மாநிலங்களிலும் ஆட்சியில் இருக்கும் காங்கிரஸ் கட்சியும், பாரதீய ஜனதா  கட்சியும் தயங்காமல் ஊழல் செய்யும் கட்சிகள் என்பது தான் இந்த தேசத்தின் கடந்த கால வரலாறு. ஊழல் செய்வதில் இந்த இரு கட்சிகளும் சளைத்தவர்கள் அல்ல.
                  சமீபத்தில் தான் பாரதீய ஜனதா கட்சி ஆட்சி செய்யும் கர்நாடக மாநிலத்தில் அந்தக் கட்சியுடைய முதலமைச்சர் ஊழல் குற்றச்சாட்டுகளுக்கு ஆளாகி வெளியேற்றப்பட்டார். அந்த சாக்கடை ஈரமே காயவில்லை, அதற்குள் இன்னொரு ஊழல் சாக்கடை நாற்றமெடுக்க ஆரப்பித்துள்ளது.  காங்கிரஸ் ஆட்சி செய்யும் டெல்லி முதலமைச்சர் ஷீலா தீட்சித் இப்போது மிகப்பெரிய ஊழல் வலையில் சிக்கியுள்ளார். வழக்கம் போல், நம் ''ஒரு மண்ணாங்கட்டியும்  தெரியாத'' பிரதமருக்கும் இந்த ஊழலில் பங்கிருப்பதாக ஊடகங்கள் ஏற்கனவே சொல்லி வருகின்றன.  
              2010 ஆம் ஆண்டு புதுதில்லியில் காமன்வெல்த் விளையாட்டுப் போட்டிகள் நடத்தப் பட்டன. போட்டிகள் நடைபெற்றுக்கொண்டிருக்கும் போதே,  மிகப் பெரிய அளவில் முறைகேடுகள் நடத்தப்பட்டிருப்பதாக    புகார்கள்  எழுந்தன. இதையடுத்து காமன்வெல்த் விளையாட்டுப் போட்டிகளின் ஒருங்கிணைப்புக் குழுத் தலைவர் சுரேஷ் கல்மாடி பல நூறு கோடிகளை விழுங்கியிருக்கிறார் என்ற குற்றத்திற்காக  கைது செய்யப்பட்டு சிறையில் அடைக்கப்பட்டிருக்கிறார்.
              இந்த  சூழ்நிலையில், இந்த முறைகேடுகள் குறித்து ஆய்வு நடத்திய மத்திய தலைமைக் கணக்குத் தணிக்கையாளரின் அறிக்கை வெள்ளிக்கிழமை நாடாளுமன்றத்தில் தாக்கல் செய்யப்பட்டது.  போட்டி ஏற்பாடுகளில் மிகப் பெரிய அளவில் முறை கேடுகளும், வீண் செலவுகளும் செய்யப்பட்டுள்ளதுடன், ஒப்பந்தங்கள் வழங்குவதில் வேண்டப்பட்டவர்களுக்கு சலுகைகளும் காட்டப்பட்டுள்ளதாகவும்  சுமார் 743 பக்க அறிக்கையில் குறிப்பிடப்பட்டிருப்பது என்பது ஒரு அதிர்ச்சி தரும் தகவலாகும். 
அதே போல் அறிக்கையில் இடம் பெற்றுள்ள சில முக்கிய விவரங்கள் : 

பிரதமருக்கும் மிகப்பெரிய பங்கு : அப்போதைய மத்திய விளையாட்டுத் துறை அமைச்சர் சுனில்  தத்தின் கடும் எதிர்ப்புகளையும், ஆட்சேபணைகளையும் மீறி காமன்வெல்த் போட்டி ஒருங்கிணைப்புக் குழுத் தலைவராக சுரேஷ் கல்மாடி நியமிக்கப்பட்டார். பல நூறு கோடி மக்கள் பணத்தை விழுங்கிவிட்டு, தண்டனையிலிருந்து தப்பிப்பதற்காக தனக்கு மறதி நோய்  இருப்பதாக கூசாமல் பொய் சொல்லும் இந்த கயவனை,  பிரதமர் அலுவலகப் பரிந்துரையின் பேரிலேயே 2004 ஆம் ஆண்டு  இப்பதவிக்கு நியமித்திருக்கிறார்கள். அவர் ஒருங்கிணைப்புக் குழுத் தலைவராக நியமனம் செய்யப்பட்டதற்கு பிரதமர் அலுவலகம்தான் பொறுப்பு என்பது இப்போது வெட்ட வெளிச்சம் ஆகிறது.    
ஷீலா தீட்சித்தின் தேவையற்ற செலவுகள் : காமன்வெல்த் விளையாட்டுப் போட்டிகளுக்காக, தெரு விளக்குகள் அமைக்கப்பட்டதில் சுமார் ரூ.101 கோடி அளவுக்கு வீண் செலவுகள் செய்யப்பட்டுள்ளது.  ஒப்பந்தங்கள் தவறானவர்களுக்கு அளிக்கப்பட்டிருக்கிறது.  ரூ.5000க்கு தரமற்ற விளக்குகள் பொருத்தப்பட்டிருக்கின்றன. ஒரு விளக்கிற்கு ரூ.25,000 வீதம் அரசுப் பணம் முறைகேடாக செலவிடப்பட்டுள்ளது. விளையாட்டு அரங்கு பகுதிகளில் உள்ள சாலைகளை அழகுபடுத்துவது, உள்கட்டமைப்பு வசதிகள், போன்றவற்றிற்கான ஒப்பந்தங்கள் தவறானவர்களுக்கு அளிக்கப்பட்டுள்ளது. தாழ்தள பேருந்துகள் வாங்கியது, காமன்வெல்த் நகரம், உணவு, நாற்காலி பெறப்பட்டது வரை அனைத்திலும் முறைகேடுகள் நடந்துள்ளன. இவற்றுக்கு எல்லாம் தில்லி முதல்வர் ஷீலா தீட்சித்தே பொறுப்பு என்கிறது அறிக்கை.
இந்தியாவிலேயே சிறந்த முதல்வர் என்கிற முகமூடியுடன் உலாவரும் ஷீலா தீட்சித் நியாயமான முறையில் பதவி விலகவேண்டும் என்பதையே நாடு எதிர்பார்க்கிறது.  
Thursday, 4 August 2011

சமச்சீர் கல்விப் போராட்டம் 90 சதவீத மக்களின் போராட்டம்-முனைவர் வசந்திதேவி பேச்சு


மதுரை, ஆக.3-

சமச்சீர்கல்விக்கான போராட்டம் இரண்டு அர சியல் கட்சிகளுக்கு இடை யிலான போர்க்களம் அல்ல. 90 சதவீத மக்கள் மற்றும் அவர்களின் குழந்தைகள் சார்ந்த போராட்டம் என முனைவர் வே.வசந்தி தேவி கூறினார்.மதுரையில் புதனன்று கல்விக்களத்தில் தமிழக அரசு செய்யவேண்டியது என்ன? என்பது குறித்தான சென்னைப் பிரகடனம் மற்றும் ஆவணத் திரைப் படம் வெளியிடப்பட்டது.

இந்நிகழ்ச்சியில் கலந்து கொண்டு முனைவர் வே.வசந்திதேவி பேசிய தாவது:

சுதந்திரம் பெற்று 60 ஆண்டுகளுக்குப் பின் 2009ஆம் ஆண்டில் தான் கல்வி உரிமைச்சட்டம் நிறைவேறியிருக்கிறது. 2010ல் அது நடைமுறைக்கு வந்திருக்கிறது. ஆனால் தமிழ்நாட்டில் அத்தகைய சட்டம் இயங்குவதற்கான அறிகுறியே இல்லை. எனவே இச்சட்டம் முழுமையாக உடனடியாக நிறைவேற் றப்பட வேண்டும். கல்வி கற்பிப்பதற்கு கட்டணம் என்பது வந்துவிட்டால், அது வர்க்கத்திற்கான கல் வியாகத்தான் இருக்கும். கல்வி வியாபாரம் இங்கு நடப்பது போல் வேறெங் கும் கிடையாது. தேசிய குழந்தைகள் உரிமை ஆணையம் தமிழ கத்தில் சிவகங்கை, வேலூர், ஈரோட்டின் ஒரு பகுதியில் ஒரு ஆய்வை நடத்தியது. அந்த ஆய்வு தமிழகப் பள் ளிகளின் வெட்கக் கேடான நிலையை வெளிச்சம் போட்டுக்காட்டியுள்ளது. கழிப்பறை கூட கட்டிக் கொடுக்க முடியாத நிலை உள்ளது.தமிழகம் கல்வியில் முன் னணியில் இருக்கிறது என்ற மாயை பரப்பப்பட்டு வரு கிறது. இந்த மாயை எனும் முகமூடியை நாம் கிழித் தெறிய வேண்டும். 2005ம் ஆண்டு தேசிய அளவில் நடத்தப்பட்ட ஆய்வு, 5ம் வகுப்பு படித்த 65 சதவீத மாணவர்கள் 2ம் வகுப்பு பாடப்புத்தகத்தை படிக்க முடியவில்லை எனத் தெரி விக்கிறது.

கியூபா நாட்டில் கல் விக்கு 11 சதவீதம் ஒதுக்கப் படுகிறது. இன்றைக்கு கியூபா எழுத்தறிவின்மை இல்லாத நாடாக மாறி நிற் கிறது. ஆனால் இந்தியா வில் 3 சதவீதம் முதல் 3.5 சதவீத நிதியே கல்விக்காக ஒதுக் கப்படுகிறது. கல்விக்கு நிதி யை கூடுதலாக ஒதுக்க வேண்டும். அரசுப்பள்ளி கள் கல்வித்துறை அதிகாரி களின் கையில் உள்ளது. இந்த அதிகாரத்தை பள்ளி-நிர்வாகக் குழு என்ற அமைப் பிடம் அளிக்கவேண்டும். பள்ளி தொடர்பான அனைத்து அதிகாரங்களும் அக்குழுவிற்கு அளிக்கப்பட வேண்டும். கல்வியில் சமத்துவம் கிடைத்தால் தான் அனைத் துத் துறைகளிலும் நாம் முன்னேற முடியும். சமச்சீர் கல்வி என்ற விஷயம் இன் றைக்கு அனைவரும் விவா திக்கக் கூடிய ஒரு பொரு ளாக மாறி நிற்கிறது.சமச்சீர்கல்விக்கான போராட்டம் இரண்டு அர சியல் கட்சிகளுக்கு இடை யிலான போர்க்களம் அல்ல. 90 சதவீத மக்கள் அவர் களின் குழந்தைகள் சார்ந்த போராட்டம் ஆகும்.இவ்வாறு அவர் கூறி னார்.மனித உரிமைக் கல்வி நிறுவனம் ஏற்பாடு செய்தி ருந்த இந் நிகழ்ச்சிக்கு மூட்டா முன்னாள் பொதுச்செயலா ளர் பேரா. ப.விஜயகுமார் தலைமை வகித்தார். முன் னாள் சட்டமன்ற உறுப் பினர் என்.நன்மாறன், ஜன தாதளம் பொதுச்செயலா ளர் க.ஜான்மோசஸ், பிம்லா சந்திரசேகர், ஜிம் ஜேசு தாஸ், தமிழ்நாடு ஆரம்பப் பள்ளி ஆசிரியர் கூட்டணி முன்னாள் தலைவர் கே.ஏ. தேவராஜன், மூட்டா தலை வர் பேரா. விவேகானந்தன், தேசிய குழந்தை உரிமைகள் பாதுகாப்பு ஆணைய சிறப் புப் பிரதிநிதி ஹென்றி திபேன், மனித உரிமைக் கல்வி நிறுவன இயக்குநர் இ.தேவசகாயம், இந்திய மாணவர் சங்க மதுரை புறநகர் மாவட்டச் செயலா ளர் கண்ணன், பேரா. இராஜ மாணிக்கம், முதுகலை பட் டதாரி ஆசிரியர் சங்கத்தைச் சேர்ந்த கே.பி.ஒ. சுரேஷ் ஆகி யோர் கருத்துரையாற்றினர்.ஆவணப்பட இயக்குநர் பாரதி கிருஷ்ணகுமார் ஏற் புரை நிகழ்த்தினார்.

பொருளாதாரச் சீர்திருத்தம் தொடங்கி இருபது ஆண்டுகள்: சாதித்தது என்ன?

நவீன தாராளமயக் கொள்கைக்கு வக் காலத்து வாங்கும் தலைவர்கள் இன்னமும் மகிழ்ச்சியுடன் அவற்றைத் தாங்கிப் பிடிப்பது உண்மையிலேயே மிகவும் வியப்பாக இருக் கிறது. தங்கள் சொந்த அனுபவங்களிலிருந்து கூட அவர்கள் பாடம் கற்றுக்கொள்ள மறுக் கிறார்கள். 1991 ஜூலை 24 அன்று அன்றைய நிதி அமைச்சரும் இன்றைய பிரதமருமான டாக்டர் மன்மோகன் சிங், நவீன தாராளமயப் பொருளாதாரக் கொள்கைகளின் அடிப்படை யில் தாக்கல் செய்த முதல் பட்ஜெட்டைக் கொண்டாடும் விதத்தில் சீர்திருத்தங்களை, அதிலும் குறிப்பாக நிதித்துறையில் தாராள மயத்தை மேலும் விரிவாகக் கொண்டு செல்ல வேண்டும் என்று கொக்கரித்துக் கொண்டி ருக்கிறார்கள். ஓய்வூதிய நிதியைத் தனியாரி டம் தாரை வார்த்திட அரசு மேற்கொண்ட முயற் சிகள், காப்பீட்டுத் துறையில் அந்நிய நேரடி முதலீட்டை அதிகரிப்பதற்கான முயற்சிகள், அந்நிய நாட்டு வங்கிகளுக்கு அதிக அளவி லான பங்கினை அனுமதிக்கக்கூடிய விதத் தில் கொண்டு வரப்பட்ட வங்கிச் சீர்திருத்தங் கள் முதலானவற்றை ஐ.மு.கூட்டணி-1 ஆட் சிக் காலத்தின்போது அதற்கு வெளியிலிருந்து ஆதரவு அளித்து வந்த இடதுசாரிக் கட்சிகள் மட்டும் தடுத்து நிறுத்தியிருக்காவிட்டால், சமீபத்தில் ஏற்பட்ட உலகப் பொருளாதார நெருக்கடியாலும் பொருளாதார மந்தத்தாலும் இந்தியாவும் கடுமையான முறையில் பேரழி விற்குள்ளாகி இருக்கும் என்பதை அவர்கள் மறந்ததுபோல் தோன்றுகிறது. சரியாகச் சொல்வதென்றால் வேண்டுமென்றே கண்டு கொள்ள மறுக்கிறார்கள்.

மிகவும் தம்பட்டம் அடிக்கப்படும் அன் றைய பட்ஜெட் உரைக்கு வருவோம். நவீன தாராளமயப் பொருளாதாரக் கொள்கையைப் பறைசாற்றக்கூடிய வகையில் பட்ஜெட் மட் டும் அமைந்திடவில்லை. பட்ஜெட் சமர்ப்பிக் கப்படுவதற்கு முன் இரு முறை ரூபாய் மதிப்பு குறைக்கப்பட்டது. இந்தியாவை 21ஆம் நூற்றாண்டுக்குக் கொண்டு செல்கிறேன் என்று ராஜீவ்காந்தி விடுத்த அறைகூவலுக் கிணங்க மிகவும் வரம்புமீறிய வகையில் இறக்குமதிகளை அனுமதித்ததானது, அந்நி யச் செலாவணி சேமிப்பு நெருக்கடி (கடிசநபைn நஒஉாயபேந சநளநசஎந உசளைளை)யைக் கொண்டு வந்தது. இவ்வாறு பொருளாதாரச் சீர்திருத்தங் கள் கொண்டு வந்த பின் அடுத்த நான்காண்டு களிலேயே - 1985 முதல் 1989 காலத்திற் குள்ளேயே -வெளிநாடுகளுக்கு ஏற்றுமதி செய்வதற்காக அனுமதி வாங்கியிருந்த 350க் கும் மேற்பட்ட இந்திய கார்ப்பரேட் நிறுவனங் கள் அந்நியச் செலாவணியில் 5,751 கோடி ரூபாய் அளவிற்கு இழப்பினைப் பதிவு செய் திருந்தன. இறக்குமதியில் திடீர் பாய்ச்ச லானது அந்நியக் கடனில் கூர்மையான உயர் விற்கு இட்டுச் சென்றது. 1984க்கும் 1991க்கும் இடையே, நாட்டின் அந்நியக் கடன் 28 ஆயிரம் கோடி ரூபாயிலிருந்து, 1 லட்சத்து 425 (1,00,425) கோடி ரூபாயாக உயர்ந்தது.

ஆட்சியாளர்கள் நவீன தாராளமயக் கொள்கையை கடைப்பிடிக்கத் தொடங்கி இரு பதாண்டுகள் கழித்து ஒரு விஷயம் மிகவும் தெளிவாகிவிட்டது. இரு வித இந்தியாவை உருவாக்குவதில் வெற்றி பெற்றுள்ளனர். நாட்டு மக்களிடையே கடுமையான முறையில் ஏற் றத்தாழ்வு உருவாகி இருப்பதைக் காண முடி கிறது. ஒருசிலருக்கு வருமானம் அதிகரித் திருந்த போதிலும், மிக விரிவான அளவில் விவசாய நெருக்கடி, விவசாயிகள் தற்கொலை கள், உணவு தானியங்கள் மற்றும் பருப்பு வகைகள் விளைச்சல் குறைந்திருப்பது - ஆகிய அனைத்தும் நாட்டு மக்களில் சில பிரி வினரை முழுமையாக வறுமையில் தள்ளி யிருப்பதைக் காட்டுகிறது. ஒரு பக்கம் ‘ஒளி ரும் இந்தியா’ உருவாகி இருக்கும் அதே சம யத்தில், அவ்வாறு உருவாவதற்கு ‘அவதிக் குள்ளாகி இருக்கும் இந்தியா’வும் நேரடிக் காரணமாக அமைந்திருக்கிறது.

தாராளமயக் கொள்கைகளுக்கு வக்கா லத்து வாங்குபவர்கள் ஒன்றைக் குறித்துக் கொள்ள வேண்டும். நவீன தாராளமயக் கொள்கைகளின் சர்வதேச ஏஜெண்டாக விளங்கும் சர்வதேச நிதியம் (ஐஆகு), இந்தியா குறித்து 2010இல் ஓர் ஆய்வினை மேற்கொண் டது. அந்த ஆய்வில் அது, இந்தியாவில் மக் களுக்கு இடையேயான ஏற்றத்தாழ்வு கடுமை யாக அதிகரித்திருக்கிறது என்பதை புள்ளி விவரங்கள் மூலமாகத் தெரிவித்திருக்கிறது. குறிப்பாக நகர்ப்புறங்களில் ஏற்றத்தாழ்வின் இடைவெளி மிகவும் அதிகமான அளவிற்கு உயர்ந்திருப்பதாக அது சுட்டிக்காட்டியிருக் கிறது. ஆட்சியாளர்கள் மீது இதைவிடக் கடு மையான குற்றச்சாட்டு வேறெதுவும் இருக்க முடியாது.

நவீன தாராளமயக் கொள்கைகளைக் கொண்டுவந்ததற்காக டாக்டர் மன்மோகன் சிங் பாராட்டப்படுவது தொடர்ந்தபோதிலும், இதனை முதலில் கொண்டுவந்தபோது நிதி அமைச்சராக இருந்தவர் அன்றைய பிரதமர் பி.வி. நரசிம்மராவ் அவர்கள்தான். உண்மை யில் அதே நரசிம்மராவ் அரசாங்கம் முடிவுக்கு வந்த கடைசி ஆண்டில், “சீர்திருத்த நட வடிக்கைகள் மக்களுக்கு உணவு, வேலை, குடியிருப்புவசதி, கல்வி, சுகாதாரம் மற்றும் தகவல் அளிக்கும் உரிமைகள் எதையும் உத்தரவாதப்படுத்தவில்லை” என்பதை வெளிப்படையாகவே ஒப்புக்கொண்டார். 1995 மார்ச் மாதத்தில் கோபன்ஹேகனில் நடை பெற்ற சமூக வளர்ச்சிக்கான உலக உச்சி மாநாட்டில் (றுடிசடன ளுரஅஅவை கடிச ளுடிஉயைட னுநஎநடடியீஅநவே) அவர் பேசுகையில், ‘‘நாங்கள் மேற் கொண்ட வளர்ச்சித் திட்டங்கள் சிலவற்றில் நாங்கள் இன்னும் வெற்றி பெறவில்லை. எனவே நாங்கள் மற்றொரு பக்கத்திற்கு - சந்தைப் பொருளாதாரத்திற்கு தாவிக் கொண் டிருக்கிறோம். இது தொடர்பாக நாடுகளின் மத்தியில் உத்வேகம் ஏற்பட்டிருக்கும் அதே சமயத்தில், சந்தையின் ஏற்ற இறக்கத்திற் கேற்ப ஏழை மற்றும் நலிவடைந்தவர்கள் கடு மையாக ஓரங்கட்டப்படுவதைத் தவிர்த்திட ஏதாவது செய்தாக வேண்டும்” என்று கூறி னார்.

மேலும், வறுமையை ஒழிப்பு மற்றும் சமூக மேம்பாடு ஆகிய அடிப்படைப் பிரச்சனை களும் போதுமான வள ஆதாரங்களின்றி தீர்வு கண்டிட முடியாது என்றும் அன்றைய பிரதமர் கூறியிருக்கிறார்.

மக்களுக்கு இத்தகையதொரு பொருளா தார மற்றும் சமூக முன்னேற்றத்தைத் தற் போதைய நவீன தாராளமயக் கொள்கைகள் மூலம் எய்துவது என்பது சாத்தியம்தானா?

இவற்றை அடைந்திட வேண்டுமானால் அனைவருக்கும் உணவுப் பாதுகாப்பு, சுகா தாரம் மற்றும் கல்வி அளிக்கக்கூடிய வகை யில் புதிய சீர்திருத்தங்கள் தேவைப்படுகின் றன. மேலும் நாடு முழுவதும் நிலம் கையகப் படுத்தல் காரணமாக மக்கள் தங்கள் நிலங் களிலிருந்து வெளியேற்றப்படுவது போன்ற நிலைமைகளிலிருந்தும் மக்களுக்கு பாது காப்பு அளிக்கப்பட வேண்டிய நிலை உருவாகி யிருக்கிறது. நவீன தாராளமயத்தின் முத்திரை களில் ஒன்று, கொள்ளை லாபம் ஈட்டுவதற் காக விவசாயிகளிடமிருந்து அடிமாட்டு விலைக்கு நிலங்களைக் கையகப் படுத்து வதாகும். இவ்வாறு “விவசாயிகளிடமிருந்த நிலங்களைக் கையகப்படுத்தி மூலதனக் குவி யலை ஏற்படுத்துவதென்பது” ஓர் அமெரிக்க அறிவுஜீவி வரையறுப்பதைப்போல, முதலா ளித்துவ வளர்ச்சி வரலாற்றில் புதிதொன்றும் இல்லை. 19ஆம் நூற்றாண்டில் தொழிற் புரட்சி ஏற்பட்ட சமயத்தில் ஐந்து கோடிக்கும் மேற் பட்ட மக்கள் தங்கள் நிலங்களை இழந்து ஐரோப்பாவிலிருந்து அன்றைக்கு சுதந்திர உலகமாக (`கசநந றடிசடன’) இருந்த அமெரிக்கா வுக்கும் ஆஸ்திரேலியாவுக்கும் புலம் பெயர்ந் ததை நினைவுகூர்க. ஆனால் இன்றைய தினம் அவ்வாறு நிலங்களை விட்டு வெளி யேற்றப்படுபவர்களுக்கு அத்தகைய வாய்ப்பு கள் இல்லாததால், அவர்கள் வறுமைக் குழிக் குள் தள்ளப்படும் கொடுமை நடைபெறுகிறது. தற்போது நாட்டில் நடைமுறையில் உள்ள 1894ஆம் ஆண்டு நிலம் கையகப்படுத்தல் சட்டமானது மாற்றப்பட வேண்டும் என்று இடதுசாரிகள் கோரி வருகிறார்கள். நாம் முன்வைக்கும் புதிய சட்டத்தின்படி, நிலங் களை இழப்பவர்களுக்குப் போதிய அளவு இழப்பீடு மற்றும் வேலைவாய்ப்பு அளிப்ப தோடு, கையகப்படுத்தப்பட்ட நிலத்தின் மதிப்பு உயரும்போது, முந்தைய உரிமையாள ருக்கும் அதில் உரிய பங்கு அளித்திட வேண் டும். மேலும், நில முதலைகள் மற்றும் ரியல் எஸ்டேட் மாபியா கும்பலின் பிடியிலிருந்து விடுவிக்கக்கூடிய வகையில் மக்களைப் பாதுகாக்கக்கூடிய விதத்திலும் புதிய சட்டம் அமைந்திட வேண்டும்.

உணவுப் பாதுகாப்புச் சட்டத்தையும், கல்வி உரிமைச் சட்டத்தையும் கொண்டுவர போதுமான வளஆதாரங்கள் இல்லை என்று அரசுத்தரப்பில் தொடர்ந்து கூறப்பட்டு வருகிறது. இவ்வாறு கூறுவது அபத்தம் மட்டுமல்ல, நவீன தாராளமயக் கொள்கைகள் வசதி செய்து கொடுத்திருப்பதை அடுத்து, கோடி கோடியாய் கொள்ளையடிக்கக்கூடிய அளவில் மெகா ஊழல்கள் நடைபெற்றுக் கொண்டிருக்கக்கூடிய காலத்தில் இது மோசடியான ஒன்றுமாகும். என்ன வளம் இல் லை இந்தத் திருநாட்டில்? இவ்வளங்களைக் கொள்ளையடித்துவரும் ஊழல்கறைபடிந்த அரசியல்வாதிகள்-அதிகாரவர்க்கம்-வர்த்தகப்பேர்வழிகள்-கார்ப்பரேட் ஊடகங் களுக்கு இடையேயான பிணைப்பின் காரண மாக இவற்றை நிறைவேற்றக்கூடிய அரசியல் உறுதிதான் நாட்டில் இல்லை.

நவீன தாராளமயக் கொள்கைகள் நாட்டு மக்களுக்கு துன்ப துயரங்களைத்தான் கொண்டுவந்திருக்கின்றன. இப்போது ஆட்சி யாளர்கள் சில்லரை வர்த்தகத்திலும் நூறு விழுக்காடு அந்நிய முதலீட்டைக் கொண்டு வர அனுமதிக்கப் போவதாகக் கூறிக்கொண்டி ருக்கிறார்கள். இது சில்லரை வர்த்தகத்தில் ஈடுபட்டுள்ள கோடிக்கணக்கான மக்களின் வாழ்வைச் சூறையாடிவிடும். மக்களுக்குத் தற்போதுள்ள சமூகப் பொருளாதார வாழ்வையும் பறித்து அவர்களை மேலும் மிகப் பெரிய அளவில் துன்பத்திற்குள்ளாக்கிவிடும்.

எனவே இப்போது செய்ய வேண்டியது என்னவெனில், ஐ.மு.கூட்டணி-2 அரசாங்க மானது இத்தகைய நவீன தாராளமயக் கொள் கைகளைக் கடைப்பிடிப்பதிலிருந்து முறி வினை ஏற்படுத்திக் கொள்ளக்கூடிய விதத் தில் மக்கள்இயக்கங்கள் மூலமாக நிர்ப்பந் தத்தை ஏற்படுத்திட வேண்டும். நாட்டின் வளங்கள் மேலும் கொள்ளை போகாது தடுப் பதற்கும், நாட்டு மக்கள் மத்தியில் ஏற்பட் டுள்ள ஏற்றத்தாழ்வைக் குறைப்பதற்கும் இது மிகவும் அவசியமாகும்.

தமிழில்: ச.வீரமணி
அராசு பள்ளிகளின் தரத்தை உயர்த்த புதுவையில் கிழக்கு கடற்கரை சாலையில் மறியல் :
கடந்த வருடம் டிசம்பர் 23 -12 -2010  அன்று மதியம் சென்னை -புதுவை லாஸ்பேட்டை E.C.R. அருகே  நாவலர்நெடுஞ்செழியன் பள்ளி மாணவர்கள் வகுப்புகளை புறக்கணித்து புதுவையில் எந்த ஒரு அரசியல் கட்சியும் ,மாணவர் அமைப்பும் ஒரு மணி நேரத்திற்கும் மேல் மறியல் செய்த பெருமை இந்திய மாணவர் சங்கத்தை மட்டுமே சேரும். இப்போராட்டத்திற்கு    தலைமை தாங்கிய இந்திய மாணவர் சங்க பிரதேச செயலாளர் ஆனந்த் , ரஞ்சித் ,உழவர்கரை இடைகமிட்டி செயலாளர் பாஸ்கர் உட்பட மூன்று பேர் மீது வழக்கு பதிவு செய்யபட்டது.

"டிஜிடல் பேனர்" போதையில் கூச்சமில்லாமல் திரியும் முதலமைச்சர்..!


வியாழன், 4 ஆகஸ்ட், 2011.

  குப்பைத்தொட்டி போல் அருவருக்கும் புதுச்சேரி..                            

            இன்று ஆகஸ்ட் 4 - ஆம் தேதி புதுச்சேரி முதலமைச்சர் என். ரங்கசாமிக்கு பிறந்தநாள். இதயங்கனிந்த பிறந்தநாள் வாழ்த்துகள்.  புதுச்சேரியே அல்லல்லோபடுகிறது. குப்பைத்தொட்டி போல் நாறுகிறது.  சுமார் இரண்டு கோடிக்கும் மேல் செலவு செய்து, ஊர் முழுதும் 25,000 க்கும் மேற்பட்ட டிஜிடல் பேனர்கள். விதவித மான கெட்டப்பில் பல அவதாரங்களை எடுத்து ரங்கசாமி ஆங்காங்கே காட்சியளிக்கிறார். சிவாஜி கணேசனும், கமல்ஹாசனும் தோற்று போய்விடுவார்கள். பல தமிழ் - ஆங்கில திரைப்பட நடிகர்கள் வேஷம் கட்டி நடித்த ஸ்டில்களில் அவர்களின் தலையை எடுத்துவிட்டு இவரது தலையை ஒட்டிவைத்து, இந்த பேனர்கள் சாலையின் இருப்பக்கங்களிலும் நிறுத்த பட்டிருக்கும். அதைப்பார்ப்பவர்களுக்கு வாந்தியே வந்துவிடும். அவ்வளவு அருவருப்பு. அவ்வளவு கோமாளித்தனம். இதைப்பார்க்கும் பொது 23 - ஆம் புலிகேசி திரைப்படம் தான் ஞாபகத்திற்கு வரும். நாளைய தலைமுறையினர் இந்த பேனர்களின் புகைப்படங்களைப் பார்த்தால் புதுச்சேரி முதலமைச்சர் பொழுது போகாமல் இப்படியெல்லாம் அலங்காரம் செய்து கொண்டு திரிந்திருக்கிறார் என்று நினைக்கக்கூடும்.     இதில் இவருக்கு சின்ன காமராசர் என்ற பட்டபேரு. இப்படி பேனர் வைத்து அவரை போற்றுவதை அவர் விரும்புகிறார். ஆனால் மக்கள் வசைபாடுகிறார்கள் என்பதை அவர் உணரவில்லை. இவரே இரவில் தன் நண்பர்களோடு சேர்ந்து நகர்வலம் வந்து இந்த பேனர்களை ரசிக்கிறார்.
               டிஜிடல் பேனர்கள் சுற்றுசூழலை பாதிக்கும் என்ற அடிப்படை அறிவு கூட இல்லாத ஒரு மாநில முதலமைச்சருக்கும் அவரைச் சார்ந்தவர்களுக்கும் இல்லையே என்பது தான் வேதனையாக இருக்கிறது.

கடல்வளமும், நிலவளமும் கார்பரேட் கைகளில்?

Posted by நட்புடன் ரமேஷ் Tuesday, August 2, 2011 , , ,

கடந்த திமுக அட்சியின் போது கடலூர் மாவட்டம் துவங்கி நாகை மாவட்ட எல்லைவரை உள்ள கடற்கரை பகுதிகளை மொத்தமாக இந்திய பெரு முதலாளிகளிடமும், பன்னாட்டு நிறுவனங்களிடமும் விற்பனை செய்த அவலம் நடந்தது. இந்த பகுதிகளில் பல்வேறு நிறுவனங்களை தங்களது கடுமான பணிகளை துவங்கி உள்ளனர். விவசாய நிலங்களும், கடற்கரையும் இந்த நிறுவனங்களால் ஆக்ரமிக்கபட்டன. குறிப்பாக கடலூரில் இந்த ஆக்ரமிப்பு அதிகம் நடத்தது. கிட்டதட்ட 7000 ஏக்கர் மேல் நிலங்கள் பல நிறுவனங்களால் வாங்கப்பட்டது. அடிமாட்டு விலைக்கு வாங்கப்பட்ட இந்த நிலங்கள் ஏதோ எதற்கும் பயன்படாத நிலங்கள் அல்ல. சவுக்கை, முந்திரி, மணிலா, நெல் என பல வகை சாகுபடிகள் நடந்த இடங்களாகும் 

மற்றொரு பார்வையில் இது விவசாயிகளுக்கும் நிறுவனங்களுக்குமான வியாபாரம் மட்டுமல்ல. இந்த நிலங்களை நம்பி வாழ்ந்த பல்லாயிரக்கணக்கான விவசாய கூலித்தொழிலாளிகள், மீனவர்கள் வாழ்வாதாரம் சம்பந்தப்பட்டதும் ஆகும். ஆனால் இதுபற்றியெல்லாம் கவலைப்படாமல் நிலங்கள் வாங்கப்பட்டுள்ளன. கடலூரில் இரவு 12 மணிவரை பத்திர பதிவு அலுவலகங்கள் இயங்கிய அவலம் நடந்தது. தங்கள் தாய்மடியான நிலத்தை கொடுக்க மறுத்த விவசாயிகள் காவல்துறை மிரட்டலுடன் அடக்கப்பட்டனர், அவர்களுக்கும் அடங்காதவர்கள் மாவட்ட ஆட்சித்தலைவர் மூலம் மிரட்டப்பட்டனர். இன்று கடலூர் மாவட்ட கடற்கரையோரம் நாளைய வாழ்க்கையை தொலைத்து பல்லாயிரக்கணக்கான மக்கள் என்று விரட்டப்படுவோம் என தெரியாமல் அலைந்து வருகின்றனர்.

வரும் நிறுவனங்கள்

1270 ஏக்கர் பரப்பளவில் கடலூர் பவர் கார்பரேஷன் லிமிட்டெட் என்கிற அனல் மின்நிலையம் தியாகவெளி, நொச்சிகாடு, நடுதிட்டு, சித்திரப்பேட்டை ஆகிய கிராமங்களை உள்ளடக்கி வருகிறது. 1380 ஏக்கர் பரப்பளவில் எஸ்.ஆர்.எம் அனல் மின்நிலையம் பூவாலை, பால்வாத்துன்னான், வேலங்கிப்பட்டு, அலமேலுமங்காபுரம், மணிக்கொள்ளை ஆகிய கிராமங்களை உள்ளடக்கி வருகிறது. 1210 ஏக்கர் பரப்பளவில் நாகார்ஜுனா எண்ணெய் சுத்திகரிப்பு ஆலை பெரியகுப்பம், பேட்டை நகர், அய்யம்பேட்டை ஆகிய கிராமங்களை உள்ளடக்கி வருகிறது. 730 ஏக்கர் பரப்பளவில் குட் எர்த் கப்பல் கட்டும் தொழிற்சாலை வேலங்கிராயன் பேட்டை, புதுக்குப்பம், கரிகுப்பம் ஆகிய கிராமங்களை உள்ளடக்கி வருகிறது. 400 ஏக்கர் பரப்பளவில் சைமா டெக்ஸ்டைல் பார்க் கோபாலபுரத்தருகில் வருகிறது. 1181 ஏக்கர் பரப்பளவில் ஐ.எல் & எப்.எல் அனல்மின் நிலையம் கொத்தட்டை, அரியகோஷ்டி, வில்லியநல்லூர், பரங்கிப்பேட்டை ஆகிய பஞ்சாயத்துகளில் பல கிராமங்களை உள்ளடக்கி வருகிறது. 

ஏற்கனவே கடலூர் முதுநகர் துறைமுகத்தினை தொடர்ந்து சிப்காட் 1 இல் கிட்டதட்ட 600 ஏக்கரில் 25 மருந்து மற்றும் இரசாயன கம்பெனிகள் இயங்கி வருகின்றன. இதுவல்லாமல் கியூஸெக்ஸ், கிளாரியண்ட், பயோனியர், பாண்டியன் கெமிகல்ஸ், பாயர், ஆரோகிமா நிறுவனங்களும், சிப்காட் 2 இல் 200 ஏக்கர் பரப்பளவில் கெப்ம்ளாஸ்ட் கெமிக்கல் கம்பெனியும் இயங்கி வருகின்றன. இதுவல்லாமல் 100 ஏக்கர் பரபளவில் ஈ.ஐ.டி பாரி கம்பெனி நிலத்தை வளைத்துள்ளது.

ஆக மொத்தத்தில் இரசாயணம், மருந்துவகைகள், எண்ணெய் சுத்திகரிப்பு நிலையம், அனல் மின்நிலையம் ஆகியவைகள் கடலும் கடல் சார்ந்த விவசாய நிலங்களையும் கைகளில் வைத்துள்ளன. கடலூர் முதுநகரிலிருந்து பரங்கிப்பேட்டை வரை உள்ள 100 சதுர கிலோமீட்டர் இவர்களது ஆளுகைக்குள் வந்துள்ளது அல்லது வரப்போகிறது. அதாவது கிட்டதட்ட 75 கிராமங்கள் அடியோடு விரட்டப்படும் நிலை விரைவில் உருவாகும்.

வேலை வாய்ப்பு உருவாகிறது?
பல்லாயிரம் கோடி முதலீட்டில் இங்கு துவக்கபடும் கம்பெனிகளால் இம்மாவட்டத்தில் உள்ள இளைஞர்களுக்கு வேலைவாய்ப்பு பெருகும் என கடந்த ஆட்சி தம்பட்டம் அடித்தது. மாவட்ட முழுவதும் உள்ள இளைஞர்களுக்கு கூட வேண்டாம், அப்பகுதியில் நிலங்களை கொடுத்த, நிலங்களில் வேலை செய்து வாழ்ந்து வந்த உழைபாளிகளுக்காவது வேலை கிடைத்திருக்கிறதா? அல்லது மிக விரைவில் கடற்கரையிலிருந்து விரட்டப்பட உள்ள மீனவர்களுக்காவது வேலை வாய்ப்பு உருவாகி உள்ளதா? இந்த கேள்விகள் மிகவும் முக்கியமானது. இந்த பகாசூர தொழிற்சாலைகள் நிலங்களை கொள்ளை கொண்டது மட்டுமல்ல தங்களது நிறுவனங்களை உருவாக்க கொடூரமான உழைப்புச் சுரண்டலையும் செய்து வருகின்றனர். நிறுவனங்களின் கட்டுமான பணிகளில் வட மாநில இளைஞர்களே எங்கும் வியாபித்துள்ளனர். மிகவும் சொச்சமான பணிகளிலே தமிழக இளைஞர்கள் ஒட்டிக்கொண்டிருக்கின்றனர். வடமாநில இளைஞர்கள் வேண்டாம் என்பதல்ல இப்பகுதி இளைஞர்களின் கோரிக்கை. அவர்களை அடிமை போல நடத்துவதும். சமவேலைக்கு சமகூலி கொடுக்காமல் சுரண்டுவதும் தங்களை பாதிக்கிறது என்கிறார்கள். 
அதாவது தமிழக இளைஞர்களுக்கு ஒரு நாள் கூலி 300 எனில் வடமாநில இளைஞர்கள் ஒரு நாளைக்கு 100 ரூபாய்தான் பெருகின்றனர். குறைந்த கூலிக்கு வட மாநில இளைஞர்களை புரோக்கர்கள் பிடித்து வருவதால் இப்பகுதி இளைஞர்களுக்கு அதுக்கூலி வேலைக்கூட கிடைப்பதில்லை. ஆயிரக்கணக்கில் கடலூரின் கடற்கரையோர கிராமங்களில் வடமாநில இளைஞர்கள் தங்கி உள்ளனர். இந்த உழைப்புச் சுரண்டல் கடுமையான சமூக முரண்பாடுகளை கடலூர் மாவட்டத்தில் உருவாக்குகிறது. மொத்த கம்பெனிகளும் பல்லாயிரம் மக்களை விரட்டிவிட்டு, நிலங்களை எடுத்து வேலை கொடுப்பது மிகவும் சிலருக்கே. கேட்டால் திறமை உள்ளவர்களுக்கு மட்டுமே வேலை கொடுக்கமுடியும் என்ற வாதம் அறிவுஜீவிகளால் முன்வைக்கப்படுகிறது. அவர்களிடம் உள்ள மீன்பிடிக்கும் திறமையும், விவசாய சாகுபடி திறமையும் கட்டாயமாக பிடுங்கப்படுவது ஏன் கணக்கில் கொள்ளப்படுவது இல்லை. சராசரியாக ஒரு ஏக்கர் விவசாய நிலத்தில் பத்து பேருக்கு வேலை கிடைக்கும் என்றால் இப்பகுதியில் பிடுங்கபட்டுள்ள நிலங்களில் எவ்வுளவு மக்கள் பிழித்திருப்பார்கள் என்பதையும், 20 க்கும் மேற்பட்ட மீனவ கிராமங்களில் எவ்வுளவு பேர் வேலையிழக்கப் போகிறார்கள் என்பதையும், இப்படி வேலை இழப்பவர்கள் மாவட்டத்தின் நகர்புறங்களை நோக்கி புலம்பெயரும் போது ஏற்படும் சமூக மாற்றங்களும் மிகவும் சிக்கலை உருவாக்கும் தன்மை சார்ந்தவை.  

விவசாயிகளுக்கு இழப்பீடு!

கடந்த ஐந்து ஆண்டுகளாக அப்பகுதியில் நிலங்கள் பல புரோக்கர்கள் மூலம் எதற்கு நிலம் வாங்கப்படுகிறது என்று சொல்லாமலே வாங்கப்பட்டது. அடிமாட்டு விலைக்கு வாங்கப்பட்ட நிலங்கள் கம்பெனிகள் வேலையை துவங்கிய உடன் விலையேறத் துவங்கியது. குறிப்பாக நாகார்ஜுனா எண்ணெய் சுத்திகரிப்பு நிறுவனம் ஒருபுறம் அரசாங்கத்தின் மூலம் விவசாயிகளிடமிருந்து நிலங்களை வாங்கியது. மற்றொரு பக்கம் நேரடியாக புரோக்கர்கள் மூலம் நிலங்களை வாங்கியது. இப்படி வாங்கியதுதான் அதிகம். இன்றைய சந்தை நிலவரத்தில் விலை நிர்ணயம் செய்ய வேண்டும் என்று விவசாயிகள் வழக்கு போட்டதும் அரசு வாங்கிக்கொடுத்த நிலங்களுக்கு விலையேற்றப்பட்டது. ஆனால் அவர்கள் நேரடியாக வாங்கிய நிலங்களின் விவசாயிகள் ஏமாற்றப்பட்டார்கள். 
ஆரம்பத்தில் மிகக்குறைந்த விலைக்கு விற்பனை செய்த விவசாயிகள் பல சங்கங்களை அமைத்து போராடத்துவங்கினர். இதில் பல கருத்துக்கள் உள்ள அமைப்புகள் உள்ளது. சில அமைப்புகளின் நோக்கம் கூடுதல் பணம். சில அமைப்புகள் விவசாயத்திற்கு என்று வாங்கப்பட்ட நிலங்களில் கம்பெனியை அனுமத்திக்க முடியாது என்று கூறுகின்றனர். கடந்த சில ஆண்டுகளாக விவசாயிகள் அவர்கள் சார்ந்த பிரச்சனையாக மட்டுமே இப்பிரச்சனை அணுகப்பட்டது. ஆனால் இந்த நிலங்களை நம்பி வாழ்ந்த நிலமற்ற தொழிலாளிகள், குத்தகை விவசாயிகள் அவர்களது குடும்பங்கள், கடலோரத்தில் வாழும் மீனவ மக்களின் வாழ்வாதாரம் போன்றவை பொது வெளியில் விவாதத்திற்கு வரவில்லை. அவை தற்போதுதான் பேசப்படுகிறது.
தமிழநாடு விவசாயிகள் சங்கம், விவசாய தொழிலாளர் சங்கம், இந்திய தொழிற் சங்க மையம், வாலிபர், மாதர், போன்ற அமைப்புகள் அங்கம் வகிக்கக்கூடிய "கடற்கரையோர மக்கள் வாழ்வுரிமை இயக்கம்" என்ற அமைப்பின் சார்பில் இப்பகுதி மக்களின் வாழ்வாதாரத்தினை பாதுகாக்க முயற்சிகள் மேற்கொளபடுகிறது.  

தொழில்மயமும் சுற்றுசூழலும்..

தொழிற்சாலைகள் வருவதை யாரும் வரவேற்கவே செய்வார்கள். ஆனால் அது என்ன தொழிசாலை, எவ்வுளவு பேருக்கு வேலை கொடுக்கும், என்ன உற்பத்தி செய்யும், எத்துனை பேரின் வாழ்வை அழிக்கும், சுற்றுசூழலை எப்படி பாதிக்கும் போன்ற பக்க விளைவுகளை பார்க்காமல் தொழிற்சாலை வந்தால் வேலைவாய்ப்பு பெருகும் என்று கூறுவதால் எந்த பயனும் இல்லை. உலகமயம் மூலதனம் லாப வேட்டைக்காக எந்த கொடூர செயலுக்கும் தயாராக இருக்கும். ஒருப்பக்கம் அத்துகூலிகளாக தொழிலாளிகளின் உழைப்பைச் சுரண்டி மற்றொரு பக்கம் எந்திரங்களை புகுத்தி முடிந்த அளவு ஆட்களை குறைக்கும். இயற்கை வளங்களின் மீது எந்தவித அக்கரையும் இல்லாமல் சுரண்டுவார்கள். 

கடலூர் கடற்கரையோரம் இரசாயணம், மருந்து, எண்ணெய், நிலக்கரியை பயன்படுத்தும் அனல் மின்நிலையம், கப்பல்கட்டும் தொழிற்சாலை போன்றவை வரிசையாக வருவதால் இனி கடலூர் கடற்கரை மீன்பிடிக்க இயலாமல் போகும். மேற்கண்ட அத்துனை கம்பெனிகளின் கழிவுகளும் கடலில்தான் கலக்கும். அனல் மின்நிலையங்களின் கொதிநீர் கடலில் கலந்துக் கொண்டே இருக்கும். மற்றொரு பக்கம் மக்கள் நெருக்கமாக வாழும் 75 கிராமங்களுக்குள் அருகருகில் மூன்று அனல் மின்நிலையங்கள் வருவதால் அவைகளின் சாம்பம் மற்றும் மாசு கிராமங்களை போர்வை போல பரட்ந்து போர்த்தும். இராட்சச ஆழ்துளை குழாய்கள் மூலம் நிலத்தடி நீர் உரிஞ்சு எடுக்கப்படுவதால் கடல்நீர் விவசாய விளைநிலங்களை நோக்கி ஈர்க்கப்படும்.

ஆக மீன்வளம், நீர்வளம், நிலவளம், மனிதவளம் இவைகள் மொத்தமாக புறக்கணிக்கப்படும் தொழில்மயம் யாருக்காக? முலதனம் மேலும் மூலதனத்தை பெருக்க மக்களை சுரண்டுகிறது. வளர்ச்சி என்ற பெயரில் இதை ஆதரிப்பதா அல்லது உற்பத்தி சாதனங்களை இழந்த மக்களின் வாழ்வாதரத்தை பாதுகாக்க அவர்கள் பக்கம் நிற்பதா? நீங்கள் மூலதனத்தின் பக்கமா அல்லது உழைக்கும் மக்கள் பக்கமா? என்ற முரண்பாடு முற்றி வருகிறது.
SFI - Students Federation of India - Puducherry Pradesh Committee © 2011 & Main Blogger. Powered by