Related Posts Plugin for WordPress, Blogger...

ShareThis

 
Saturday, 30 July 2011

காவல்துறையை கண்டித்து ஆர்ப்பாட்டம்!!!

0 comments
சமச்சீர் கல்வி பாடபுத்தகங்களை உடனே வழங்க கோரி புதுச்சேரி வில்லியனூரில் அருகே உள்ள கரிக்கலாம்பாக்கம் அரசு மேல்நிலை 
 பள்ளி மற்றும்  கோர்காடு அரசு மேல்நிலை பள்ளி மாணவர்களும்
 வகுப்பு புறக்கணிப்பு போராட்டத்தில் ஈடுபட்டனர். இப்போராட்டத்தை தடுக்கும் விதமாக புதுவை காவல்  துறை மாணவர்களை மிரட்டி பள்ளியினுள் அனுப்ப முயன்றனர்.ஆனால் பொது தேர்வு எழுத உள்ள பத்தாம் வகுப்பு மாணவர்கள் தொடர்ந்து பள்ளி வளாகத்தில் SFI தோழர்களுடன்  ஆர்பாட்டத்தில் ஈடுபட்டனர்.கோர்காடு பள்ளியில்  இருந்து பேரணியாக  கரிகலாம்பாக்கம் நோக்கி வந்த மாணவர்களையும் SFI  து .தலைவர் ரஞ்சித் ,தலைவர் க.ஹரிஹரன் ,நிர்வாகிகள் நந்தா ,வினோத் ஆகியோரை மிரட்டி மாணவர்களை கலைக்க முயன்றனர் .அதற்குள் SFI புதுவை பிரதேச செயலாளர் அ.ஆனந்த்,விஜயரங்கம் மற்றும் DYFI  நிர்வாகிகள்  காவல்துறையினருடன் வாக்குவாதத்தில் ஈடுபட்டு பேரணியை கரிகலாம்பாக்கம் அரசு பள்ளி வளாகத்திற்கு வந்தனர். இருபள்ளி மாணவர்களும் சேர்ந்ததால் காவல்துறையினரால் மாணவர்களை கட்டுபடுத்த முடியாமல் தடுமாறினர்.ஒரு கட்டத்தில் மாணவர்களை மிரட்டி பள்ளியினுள் அனுப்ப முயன்ற காவல்துறையின் முயற்சி தோல்வியடைந்தது.காவல்துறையின் நடவடிக்கையால் கோபமடைந்த மாணவர்கள் சாலை மறியலிலும் ஈடுபட்டனர். இதனிடையே இந்திய மாணவர் சங்க நிர்வாகிகளுக்கும் காவல்துறைக்கும் தள்ளு - முள்ளு ஏற்பட்டது.பின்னர் SFI  தோழர்கள் காவல்துறைக்கு எதிராகவும் தமிழகம் மற்றும் புதுவை அரசை கண்டித்து ஆர்பாட்டம் செய்து களைந்து சென்றனர்.   
Read more...
Friday, 29 July 2011

கருணாநிதியின் மற்றுமொரு நாடகம் - வெட்கமாக இல்லை..?

0 comments
        தமிழக மாணவ - மாணவியர்களின் எதிர்காலத்தின் மீது அக்கறை கொண்டு,  சமச்சீர் கல்வியை இந்த ஆண்டே நடைமுறைப்படுத்திட வேண்டும் என்றும், உச்சநீதிமன்ற உத்தரவை ஏற்று சமச்சீர் பாடப்புத்தக விநியோகத்தை உடனே துவக்கிட வேண்டும் என்றும் கோரிக்கையை வலியுறுத்தி  தமிழகம் முழுவதும் ஜூலை 26 அன்று வகுப்புகளை புறக்கணித்து போராட்டம் நடத்துமாறு இந்திய மாணவர் சங்கம் அறைகூவல் விடுத்திருந்தது. அந்த அறைகூவலை  ஏற்று தமிழகம் முழுவதும் சென்ற ஜூலை 26 அன்று சென்னை துவங்கி கன்னியாகுமரி வரை பள்ளி - கல்லூரி மாணவர்கள் பெருமளவில் வகுப்புகளைப் புறக்கணித்துப் போராட்டத்தை வெற்றிகரமாக  நடத்தினர்.
                இதைப் பார்த்து பொறுத்துக்கொள்ள   முடியாத திமுக தலைவர் கருணாநிதி இப்பிரச்சனையை அரசியலாக்கி தேர்தல் வியாபாரத்தில் பயன்படுத்திக் கொள்ளலாம் என்ற நோக்கத்தில்,    சமச்சீர் கல்வியை பாதுகாக்க வரும் ஜூலை 29 - ஆம் தேதி திமுக மாணவரணி என்ற பெயரில், மாநிலம் முழுவதும் வகுப்பு புறக்கணிப்பு போராட்டம் நடத்தப்போவதாகவும், பல்வேறு அமைப்புகள் நடத்தி வரும் போராட்டத்திற்கு வலுச்சேர்ப்பதற்காக தான் இந்தப் போராட்டம் எனவும், மாணவர்கள், ஆசிரியர்கள் மற்றும் பெற்றோர்கள் ஆதரவு தரவேண்டும் எனவும் திமுக தலைவர் கருணாநிதி வழக்கமான உருக்கத்துடன்  வேண்டுகோள் விடுத்தார்.
                அதன்படி திமுக-வினர் இன்று வகுப்புப் புறக்கணிப்புக்கு அனைத்து மாவட்டங்களிலும் ஏற்பாடுகள் செய்திருந்தார்கள். ஆனால் அவர்கள் எதிர்பார்த்தது போல் மாணவ - மாணவியர்களிடையே ஆதரவு கிடைக்கவில்லை. சென்னை, வேலூர், திருநெல்வேலி, திண்டுக்கல் உள்ளிட்ட 8 மாவட்டங்களில் மட்டும்  ஒருசில மாணவர்களே  பள்ளிகளை புறக்கணித்தனர். அதுவும் திமுக கட்சிக்காரர்களும் - குண்டர்களும் தங்களுக்கு வேண்டியப் பிள்ளைகளை தங்களுடன் சேர்த்துக்கொண்டு அரசுப் பள்ளிகளின் வாசல்களில் கோஷங்களை எழுப்பி இருக்கின்றனர்.
                மாணவர்கள் மீது அக்கறையோடு போராட்டம் நடத்திய திமுக மாணவரணி என்று  ஒன்று இதுவரை இருந்ததா..? அப்படி இருந்திருந்தால், இன்றுவரை எங்கே போனது..?  அதுமட்டுமல்லாமல், திமுக மாணவரணி சமச்சீர் கல்விக்காக இதுவரை போராட்டம் நடத்தாதது ஏன்?
               ‘பல்வேறு அமைப்புகளின் போராட்டத்திற்கு வலுச்சேர்க்கவே இந்தப் போராட்டம்’ என்றால், அறிவிப்பு வெளியானவுடன், கலைஞர்  தொலைக்காட்சியில், அது வரை காட்டப்பட்ட இந்திய மாணவர் சங்கத்தின் போராட்டங்கள் இருட்டடிப்பு செய்யப்பட்டு, ஏதோ மாணவர் திரள் தன்னெழுச்சியாய் போராட்டம் நடத்தியது போல் காட்டப்பட்டதே... அதற்கு என்ன பொருள்..?
                அரசியல் காழ்ப்புணர்ச்சியின் காரணமாக  சமச்சீர் கல்வி தள்ளி வைக்கப்பட்டுள்ளது என்று திமுக கூறுகின்றது. இப்பிரச்சனையின் தொடக்கத்திலிருந்தே இந்திய மாணவர் சங்கத்திற்கு இக்கூற்றில் உடன்பாடில்லை. தனியார்மயத்திற்கு ஆதரவான நிலைபாடே இதற்குக் காரணம் என்பது தான் வெளிப்படையான உண்மை. பல தனியார் பள்ளி நிர்வாகங்களின் நிர்ப்பந்தமே இதற்கு காரணம் என்றும்  இந்திய மாணவர் சங்கம் கருதுகிறது.
             சமச்சீர்கல்வி அமலானால் தங்கள் வியாபாரம் பாதிக்கப்படும் என்பதை  தனியார் கல்வி நிறுவன உரிமையாளர்கள்  உறுதியாக நம்புகிறார்கள். அதனால் பாகுபாடுகள் தொடர வேண்டும் என்பதே அவர்கள் விருப்பம்.
ஆட்சியிலே இருந்தபோது, தனியார் கல்வி நிறுவன உரிமையாளர்களுக்கு ஆதரவான இதே  நிலைப்பாட்டைத்தான் திமுகவும் எடுத்தது என்பதை தமிழக மக்கள் மறந்திருக்க முடியாது. இன்றைய சமச்சீர்கல்வி பிரச்சனைக ளுக்கு அடித்தளம் இட்டது திமுக ஆட்சி தான் என்பதும் குறிப்பிடத்தக்கது.
              இப்போது சமச்சீர் கல்விக்காக நாடகமாடும் திமுக தலைவர் கருணாநிதி தான் ஆட்சி செய்த காலத்தில், கடந்த 2009 - ஆம் ஆண்டு ஜூன் 5 - ஆம் தேதி இதே சமச்சீர் கல்விக்காக அமைதியான பேரணி நடத்திய இந்திய மாணவர் சங்கத்தினர் மீது தடியடி நடத்தி, கடுந்தாக்குதலுக்கு உள்ளாக்கி, பொய் வழக்கை போட்டதை இன்று வசதியாக மறந்திருப்பார். அதுமட்டுமல்லாமல், சட்டமன்றத்தில் அன்றைய முதல்வர் கருணாநிதி, ‘சமச்சீர் கல்விக்காக அவசரப்படக்கூடாது. அதனால், சிலர் பாதிக்கப்படுவார்கள். யாரும் பாதிக்காமல் அதை நிறைவேற்ற காலதாமதம் ஆகும்’ என்று நா கூசாமல் கூறினார் என்பதை தமிழக  மக்கள் மறந்திருக்க மாட்டார்கள்.
                இப்படியாக, தான் ஆட்சியிலிருந்த  போது, கல்வி வியாபாரத்திற்கு சாமரம் வீசிவிட்டு, இப்போது, சமச்சீர் கல்வி கேட்டு போராட வாருங்கள் என அழைக்கும் திமுக தலைவர் கருணாநிதியின்  நாடகத்தை தமிழக மாணவர்கள் நன்கு அறிவார்கள்.     1967-இல் திமுக ஆட்சியமைக்க மாணவர்கள் போராட்டம் உதவியதைப்போல் இப்போதும் உதவும் என்று 
கனவு காண்கிறார் போலும். மீண்டும் மீண்டும் தமிழக மாணவர்கள் ஏமாறமாட்டார்கள் என்பதை அவர் மறந்துவிடக்கூடாது.   
Read more...

காற்று, இப்போது மாறி வீசுகிறது...

0 comments
-கே.எஸ்.கனகராஜ்
சமச்சீர் கல்வியை இந்த ஆண்டே நடை முறைப்படுத்திட வேண்டும். உச்சநீதிமன்ற உத்தரவை ஏற்று சமச்சீர் பாடப்புத்தக விநி யோகத்தை உடனே துவக்கிட வேண்டும் என்ற கோரிக்கையை முன்வைத்து தமிழகம்  மற்றும்  புதுவையில் முழுவதும் ஜூலை 26 அன்று வகுப்புகளை புறக்கணித்து போராட்டம் நடத்துமாறு இந்திய மாணவர் சங்கம் அறைகூவல் விடுத் திருந்தது. அதை ஏற்று தமிழகம் முழுவதும் (ஜூலை 26) அன்று சென்னை துவங்கி கன் னியாகுமரி வரை பள்ளி, கல்லூரி மாணவர் கள் பெருமளவில் வகுப்புகளைப் புறக் கணித்துப் போராட்டம் நடத்தினர்.

ஒவ்வொரு மாவட்டத்திலிருந்தும் வகுப்பு புறக்கணிப்பு பற்றிய செய்திகள் வந்தவண் ணம் இருந்தபோது, திமுக தலைமைக் கழ கம் தனது போராட்ட அறிவிப்பை வெளியிட் டது. சமச்சீர் கல்வியை பாதுகாக்க வரும் ஜூலை 29ல் மாநிலம் முழுவதும் வகுப்பு புறக்கணிப்பு போராட்டம் நடத்தப்போவதாக வும், பல்வேறு அமைப்புகள் நடத்தி வரும் போராட்டத்திற்கு வலுச்சேர்ப்பதற்காக இந்தப் போராட்டம் எனவும், மாணவர்கள், ஆசிரியர் கள் மற்றும் பெற்றோர்கள் ஆதரவு தரவேண் டும் எனவும் திமுக தலைவர் வேண்டுகோள் விடுத்துள்ளார்.

இந்த அறிவிப்பையொட்டி சில கேள்வி கள் எழுகின்றன?

இதுவரை திமுக மாணவரணி சமச்சீர் கல்விக்காக போராட்டம் நடத்தாதது ஏன்?

‘பல்வேறு அமைப்புகளின் போராட்டத் திற்கு வலுச்சேர்க்கவே இந்தப் போராட்டம்’ என்றால், அறிவிப்பு வெளியானவுடன், கலை ஞர் செய்திகள் தொலைக்காட்சியில், அது வரை காட்டப்பட்ட இந்திய மாணவர் சங்கத் தின் போராட்டங்கள் இருட்டடிப்பு செய்யப் பட்டு, ஏதோ மாணவர் திரள் தன்னெழுச் சியாய் போராட்டம் நடத்தியதுபோல் காட்டப் பட்டதே ஏன்?

இந்த கேள்விகளுக்கான பதில்களை அவர்களே வைத்துக்கொள்ளட்டும்.

அரசியல் காழ்ப்புணர்ச்சிக்காக சமச்சீர் கல்வி தள்ளிவைக்கப்பட்டுள்ளது என்று திமுக கூறுகின்றது. இப்பிரச்சனையின் தொடக்கத்திலிருந்தே இந்திய மாணவர் சங்கத்திற்கு இக்கூற்றில் உடன்பாடில்லை. தனியார்மயத்திற்கு ஆதரவான நிலைபாடே இதற்குக் காரணம். பல தனியார் பள்ளி நிர்வா கங்களின் நிர்ப்பந்தமே இதற்கு காரணம் என இந்திய மாணவர் சங்கம் கருதுகிறது.

சமச்சீர்கல்வி அமலானால் தங்கள் வியாபாரம் பாதிக்கப்படும் என, அவர்கள் உறுதியாக நம்புகிறார்கள். பாகுபாடுகள் தொடர வேண்டும் என்பதே அவர்கள் விருப்பம்.

ஆட்சியிலே இருந்தபோது திமுகவும், இதே நிலைப்பாட்டைத்தான் எடுத்தது.

இன்றைய சமச்சீர்கல்வி பிரச்சனைக ளுக்கு அடித்தளம் இட்டது திமுக ஆட்சி தான். மாநிலம் முழுவதும் பயணம் செய்து, விரி வான ஆய்வு நடத்தி, ஏற்றத்தாழ்வான தமிழ கத்தின் பள்ளிக்கல்வி முறையை சீரமைக்க சமச்சீர் பள்ளிக்கல்வி முறை பற்றிய தனது அறிக்கையை 2007 மார்ச்சிலேயே தமிழக அரசுக்குக் கொடுத்தது முனைவர் முத்துக் குமரன் குழு.

முனைவர் முத்துக்குமரன் குழுவின் 109 பரிந்துரைகள் பற்றியும், அதில் தமிழக அரசு ஏற்று செயல்படுத்துவன எவை? நிராகரிப் பவை எவை? என்பது குறித்தெல்லாம் விரி வான அளவில் தனிசட்டமன்ற கூட்டத் தொடரில் விவாதிக்க வேண்டுமென கோரிக் கை வைத்தது இந்திய மாணவர் சங்கம். திமுக அரசு அதைக் காதில்கூட வாங்க வில்லை.

2007 செப்டம்பரில், சென்னையில், முனைவர் முத்துக்குமரன் குழுவின் பரிந் துரைகளில் ஏற்றுக்கொள்ளத்தக்கவை எவை? நிராகரிக்க வேண்டியவை எவை? என்பது குறித்த கருத்தரங்கை இந்திய மாண வர் சங்கம் நடத்தியது. அதில் தமிழகத்தின் சிறந்த கல்வியாளர்கள், ஆசிரியர் இயக்கத் தினர், அறிவியல் இயக்கத்தினர் கலந்து கொண்டனர். கருத்தரங்க தீர்மானம் விரிவான அளவில் அவ்வாய்வறிக்கையை ஆய்வு செய்து நிறைவேற்றப்பட்டது. தமிழக அரசுக் கும் அனுப்பிவைக்கப்பட்டது.

அதற்கு பிறகும் சட்டமன்றத்தில் விவா திக்கவில்லை. மாறாக, விஜயகுமார் ஐ.ஏ.எஸ். தலைமையில் ஒரு குழு அமைக்கப்பட்டு, சமச்சீர் குழுவின் அறிக்கை ஆய்வு செய்யப் பட்டது. அதன்பிறகு பிற மாநிலங்களில் பள் ளிக்கல்வி குறித்து ஆராய மீண்டும் விஜய குமார் ஐ.ஏ.எஸ். தலைமையில் குழு அமைக் கப்பட்டது. ஒரே நேரத்தில், இந்நோக்கங் களுக்கான குழுக்களை அமைத்திருக்கலாம். ஆனால், காலதாமதப்படுத்தும் நோக்கமே அதில் விஞ்சி நின்றது.

அடுத்தடுத்த இரு குழுக்களும் 2008ல் அறிக்கையை தந்துவிட, அதன்பின் கிணற் றில் போட்ட கல்லானது முத்துக்குமரன் குழுவின் அறிக்கை. 2009, ஜூன் மாதம் 5ம் தேதி சமச்சீர்கல்வி கேட்டு பள்ளிக் கல்வி இயக்குநரகத்தை முற்றுகையிட்டது மாணவர் சங்கம். ஜூன் 7ல் தமிழகம் முழுவதும் போராட்டம் நடத்தப்பட்டது. அதன்பின்னும் கேளாக் காதினராய் திமுக அரசு இருந்த தால்தான் 2009, ஜூலை 14ல் சட்டமன்றம் நோக்கி பேரணி நடத்தப்பட்டது.

அமைதியான பேரணி மீது கடுந்தாக் குதலை ஏவிவிட்ட திமுக அரசு, ஏதோ ஆயுதந் தாங்கி சட்டமன்றத்தில் நுழைந்து தாக்குதல் நடத்த திட்டமிட்டதாய் பொய்யைப் புனைந்தது.

மாணவர் சங்க தலைவர்களின் மண்டை யை உடைத்து, கை கால்களை முறித்தது மட்டுமல்லாது, பல்வேறு பிரிவுகளில் பொய் வழக்குகளை புனைந்தது. சட்டமன்றத்தில் திமுக தலைவரும் முதல்வருமான கலைஞர் ‘சமச்சீர் கல்விக்காக அவசரப்படக்கூடாது. அதனால், சிலர் பாதிக்கப்படுவார்கள். யாரும் பாதிக்காமல் அதை நிறைவேற்ற காலதாமதம் ஆகும்’ என்று நா கூசாமல் சொன்னார்.

சீரான, சமமான மற்றும் தரமான கல்வி முறை கொண்டுவந்தால் பாதிக்கப்படப்போ வது யார்? இதர மாநிலங்களில் பள்ளிக்கல்வி முறை அப்படித்தானே இருக்கிறது. தமிழகத் தில் மட்டும் யார் பாதிக்கப்படுவார்கள்? இந்த கேள்விக்கு விடை சொன்னதே இல்லை திமுக.

தேச வளர்ச்சிக்கான அடித்தளத்தை உருவாக்குவதில் மிக முக்கியமான ஒன்றான பள்ளிக்கல்வியை மிக மோசமான வியாபாரமாக ஆக்கியிருக்கின்ற கல்வி வியாபாரிகள்தான் பாதிக்கப்படுவார்கள். அவர்கள் மீதான கரிச னத்தாலேயே, சமச்சீர் கல்வியை எவ்வளவு முடியுமோ, அவ்வளவு காலம் தள்ளிப் போட்டது திமுக அரசு.

2009ல் சமச்சீர் பள்ளிக் கல்விக்கான அவசரச்சட்டம் கொண்டுவரப்பட்டபோதும், சமநிலையை குலைத்துவந்த நான்குவித வாரியங்கள் கலைக்கப்படவில்லை. மெட்ரிக் பள்ளி வாரியத்திற்கான அதிகாரங்கள் அப் படியே தொடர்ந்தன.

ஒருங்கிணைந்த பள்ளிக்கல்வி சட்டம் கொண்டுவர முயற்சி எடுக்கப்படவில்லை. பள்ளிக் கல்விக்கென, பல்கலைக்கழக துணைவேந்தர் அந்தஸ்தில் ஒரு தலை வரைக்கொண்ட தன்னாட்சிக்குழு அமைக் கப்பட வேண்டுமென்ற குழுவின் பரிந்துரை கண்டுகொள்ளப்படவே இல்லை. இவற்றை யெல்லாம்விட அரசு பள்ளிகளில் அடிப்படை வசதிகள் மேம்பாடு, காலி ஆசிரியர் பணியி டம் நிரப்புவது, மாணவர் எண்ணிக்கைக் கேற்ப புதிய ஆசிரியர் பணியிடங்கள் உரு வாக்குதல் போன்ற அடிப்படை பிரச்சனைக்கு திமுகவின் சமச்சீர்கல்வி சட்டம் முகம் கொடுக்க மறுத்தது.

2009, சமச்சீர் கல்விக்கான அவசர சட் டப்படி அமைக்கப்படப் போவதாக சொன்ன கண்காணிப்புக்குழுவின் 13 உறுப்பினர்களில் அரசு பள்ளி ஆசிரியர்களுக்கு பிரதிநிதித் துவமே இல்லை. 7 அரசு அதிகாரிகள், 3 நியமன கல்வியாளர்கள், 3ஆசிரியர்கள் அதில் மெட்ரிக் பள்ளி, ஆங்கிலோ இந்தியன், ஓரி யண்டல் பள்ளிக்கு என தலா ஒரு ஆசிரியர் என குழு அமைப்படும் என்று சட்டம் சொன் னது. தமிழகத்தின் 80 சதவிகித மாணவர் களை பயிற்றுவிக்கும் அரசுப் பள்ளி ஆசிரியர் களுக்கு அதில் இடமில்லை. கிட்டத்தட்ட அதிமுக அரசு அமைத்த நிபுணர்குழு போலவே.

அதே நேரத்தில் பொதுப்பாடத்திட்டம், ஒரே தேர்வு முறையும் வரவேற்கத்தக்கன. அது சமச்சீர் கல்வியின் முதல்படி என மாண வர் சங்கம் குறிப்பிட்டது. ஆனால், முதல்படி யிலேயே அமர்ந்துகொண்டது அரசு. அடுத் தடுத்த படிகளில் கால்வைக்க முயற்சி எடுக்க வில்லை. காரணம், சகவாச தோஷம், ஐக்கிய முற்போக்கு கூட்டணியில் இணைந்தது முதல் மத்திய காங்கிரஸ் அரசின் பொருளா தாரக் கொள்கைகளையே தனது கொள்கை களாய் தமிழகத்தில் நடைமுறைப்படுத்தியது திமுக.

தாராளமயக் கொள்கைகளின் தாக்குத லான கல்வி வியாபாரத்திலிருந்து தமிழக மக் களை பாதுகாக்க தேவையான நடவடிக்கை களை எடுக்க திமுக அரசு தவறியது. அதனால் தான் சமச்சீர் பள்ளிக் கல்வியை நடை முறைப்படுத்த உறுதியான நடவடிக்கை களை எடுக்காமல், கல்வி வியாபாரிகளின் நிர்ப்பந்தத்திற்கு ஆளாகி தயங்கி நின்றது.

கல்வித்துறை மட்டுமல்லாது தமிழகத் தின் விவசாயம், தொழில்துறை, சுகாதாரம் என சகலதுறைகளும் நெருக்கடியில் சிக்கி வீழ் வதற்கு தாராளமயம் காரணமாக இருந்தது. ஊழல்களும், நில அபகரிப்பும் தாராளமயத் தின் குழந்தைகளே. திமுகவின் செயற்குழு விற்கும், பொதுக் குழுவிற்கும் இந்த உண்மை இன்னமும் புலப்படவில்லை.

தமிழகத்தின் பள்ளிக்கல்வி மட்டுமல்ல, உயர்கல்வியும் தாராளமயக் கொள்கைகளால் தடம்புரண்டு நிற்கின்றது. ஆட்சியிலிருக்கும் போது, கல்வி வியாபாரத்திற்கு சாமரம் வீசிவிட்டு, இப்போது, சமச்சீர் கல்வி கேட்டு போராட வாருங்கள் என அழைக்கும் திமுகவின் நாடகத்தை தமிழக மாணவர்கள் நன்கு அறிவார்கள்.

1967ல் திமுக ஆட்சியமைக்க மாணவர் போராட்டங்களும் குறிப்பிடத்தக்க பங்கு வகித்தன. தனது வீழ்ச்சியை தடுக்கவும், அத்தகைய போராட்டங்கள் உதவும் என திமுக நினைக்கிறதுபோலும். காற்று இப்போது மாறி வீசுகின்றது.
Read more...
Thursday, 28 July 2011

நீலம் சாயம் வெளுத்துப் போச்சி - உத்தமர்கள் போல் வேஷம் போடும் பா.ஜ.க.

1 comments
             உங்களுக்கு நினைவிருக்கிறதா...கர்நாடகா மாநிலத்தில்  கடந்த 3 ஆண்டுகளுக்கு முன்னர் முதல்முறையாக  பாரதிய ஜனதா கட்சி  ஆட்சியை பிடித்தபோது “தென்னிந்தியாவில் தாமரை மலரத் துவங்கிவிட்டது; இனி பாஜகவுக்கு ஏறுமுகம் தான்” என்று பல பாஜக தலைவர்கள் பீற்றிக்கொண்டார்கள். இந்த முதல் பாஜக அரசின் பதவிக்காலம் இன்னும் முடியவில்லை. அதற்குள்  அந்த அரசு இன்று தனக்குத் தானே சேற்றை வாரிப் பூசிக்கொண்டு,  மக்கள் மத்தியில் களங்கப்பட்டு - அசிங்கப்பட்டு நிற்கிறது என்பது தான் உண்மை.    
          
            அம்மாநில அமைச்சரவையில் செல்வாக்கு மிகுந்த நபர்களாக விளங்கும் ரெட்டி சகோதரர்கள் ( அங்கும் ஒரு களவாணி சகோதரர்கள் ) ஆசைக்கு இன்று பாஜக அரசே பலியாகப் போவதை அந்த மாநிலம் மட்டுமன்றி இந்த நாடே பார்க்கப்போகிறது. கர்நாடக மாநிலத்தின் பெல்லாரி மற்றும் ஆந்திராவின் எல்லைப் பகுதியில் சட்ட விரோத இரும்பு சுரங்கங்களை அமைத்து, கோடி கோடியாக கொள்ளை அடித்துவரும் ஒரு  களவாணிக் கூட்டம்தான் ரெட்டி சகோதரர்கள் கூட்டம். கடந்த  
சட்டப்பேரவைத் தேர்தலில் கர்நாடகாவில் பாஜக ஆட்சிக்கு வரப்போகிறது என்றவுடன் பல ஆயிரம் கோடி ரூபாயை அக்கட்சிக்கு வாரி வழங்கி னார்கள் என்பது குறிப்பிடத்தக்கது..
              
                இதையெல்லாம் அவர்கள் சும்மா செய்யவில்லை. பாஜக ஆட்சி அமைந்தவுடன் வட்டியும் முதலுமாக அதை அறுவடை செய்வதற்கு தான்  மிகவும் திட்டமிட்டு நடவடிக்கைகளில் ஈடுபட்டனர்.  அதன் பிரதிபலனாகத் தான் இன்றுவரை  தொடர்ந்து அறுவடை செய்தும் வருகிறார்கள். ஆனால் இவை அனைத்தும் சட்ட விரோதமான செயல்கள் என்பதுதான் முக்கியமானதாகும். இந்த சட்ட விரோத சுரங்கங்கள் மூலம் நாள்தோறும் டன் டன்களாக இரும்புத் தாதுவை வெட்டி எடுத்து வெளிநாடுகளுக்கு ஏற்றுமதி செய்து கோடி கோடியாக சம்பாதித்தனர். இந்தக் கொள்ளையை தடுக்கவேண்டிய மாநில அரசே அதற்கு துணை போயிருக்கிறது என்பதுதான் கொடுமையிலும் கொடுமையான விஷயமாகும்.

             இந்த கொள்ளையில் கர்நாடக மாநில முதலமைச்சர் எடியூரப்பாவுக்கும் தொடர்பு இருக்கிறது என்றும்  அதற்கான  உறுதியான ஆதாரங்கள்  உள்ளன  என்றும்  மாநில மக்கள் நீதிமன்றம் (லோக் அயுக்தா) கூறியிருப்பதுதான் இன்றைய புதிய செய்தி. நீதி மன்றம் கூறியது வேண்டுமானால் புதிய செய்தியாக இருக்கலாம். ஆனால் கர்நாடக மக்களுக்கு - இந்திய மக்களுக்கு இது பழைய செய்தியாகும். கர்நாடகாவில் சட்ட விரோத சுரங்கங்கள் தொடர்பாக மார்ச் 2009 முதல் 2010 மே மாதம் வரை என்ன நடந்தது என்பது குறித்து நீதிபதி சந்தோஷ் ஹெக்டே தலைமையிலான மக்கள் நீதிமன்றம் நடத்திய விசாரணையில்தான் இது தெரியவந்தது. விசாரணை நடைபெற்ற 14 மாதங்களில் மட்டும் சட்டவிரோத சுரங்கங்களால் கர்நாடக மாநில அரசுக்கு ஏற்பட்ட இழப்பு ஒரு கோடியோ அல்லது இரண்டு கோடியோ அல்ல, 1800 கோடி ரூபாய். ஒராண்டு கொள்ளையே இவ்வளவு தொகை என்றால் 5 ஆண்டுகள் எவ்வளவு என்பதை சொல்லத் தேவையில்லை.

             இந்த பகல் கொள்ளையால் ரெட்டி சகோதரர்கள் கிட்டத்தட்ட அனைத்து சுரங்கங்களையும் தங்களது சாம்ராஜ்யத்தின்கீழ் கொண்டுவந்துள்ளனர். இந்த அறிக்கையால் கடந்த இரண்டு நாட்களாக கர்நாடக அரசியலில் மீண்டும் புயல் வீசத் துவங்கியுள்ளது. மக்கள் நீதிமன்ற நீதிபதியே முதலமைச்சருக்கு எதிராக ஆதாரப்பூர்வமாக குற்றம் சாட்டியுள்ளதால் முதலமைச்சர் பதவியில் இருந்து எடியூரப்பா விலக வேண்டும் என்று எதிர்க்கட்சிகள் கோரியுள்ளன.

              இதில் என்னவேடிக்கை என்றால், இந்த அறிக்கையில் எடியூரப்பா பெயர் இருக்கிறது என்பதை முன்கூட்டியே அறிந்து கொண்ட பாஜக அமைச்சர்கள் சிலர், எடியூரப்பா பெயரை அறிக்கையில் இருந்து நீக்கவேண்டும் என்று நீதிபதியை நிர்பந்தப்படுத்தியுள்ளனர். அறிக்கை வரும் வரை உத்தமர் போல் நடித்தார்கள். அறிக்கை வந்தவுடன் அதை அமுக்க என்ன செய்ய முடியுமே அதை செய்யப்பார்க்கிறார்கள்.
          
             கொள்ளையைப் பொருத்தவரை இந்த காவிச்சட்டைக்  கொள்ளைக்காரர்களுக்கும் கதர்ச்சட்டைக் கொள்ளைக்காரர்களுக்கும் வித்தியாசம் ஒன்றும் இல்லை. அவர்கள் மத்திய அளவில் என்றால் இவர்கள் மாநில அளவில் என்பதே இருவருக்கும் உள்ள ஒரே வித்தியாசம் ஆகும். மத்தியிலும் தாமரை மலர்ந்தால் என்ன நடக்கும் என்பதற்கு கர்நாடகா ஒரு சின்ன உதாரணம் என்பதை நாட்டு மக்கள் மறந்துவிடக்கூடாது.     
Read more...
Tuesday, 26 July 2011

புதுவை முழுவதும் மாணவர்கள் வகுப்பு புறக்கணிப்பு போராட்டம்

0 comments
சமச்சீர் கல்வியை நடைமுறைப்படுத்துக!  தமிழகம் முழுவதும் மாணவர்கள் கிளர்ச்சி
சென்னை, ஜூலை 26-

உச்சநீதிமன்ற உத்தரவை ஏற்று சமச்சீர் பாடப்புத்தகங்களை உடனே பள்ளிகளுக்கு வழங்க வேண்டும். சமச் சீர் பள்ளிக் கல்வியை நடப்பு கல்வி யாண்டிலேயே நடைமுறைப்படுத்த வேண்டும். அரசுப்பள்ளிகளில் காலி யாக உள்ள ஆசிரியர் பணியிடங்களை உடனே நிரப்பவேண்டும். இலவச மற்றும் கட்டாயக்கல்வி உரிமை சட்டத் திற்கான வழிகாட்டுதல் நெறிமுறை களை வகுக்க வேண்டும் என்ற கோரிக் கைகளை முன் வைத்து ஜூலை 26 அன்று தமிழகம் முழுவதும் வகுப்பு புறக்கணிப்பு போராட்டம் நடத்த இந்திய மாணவர் சங்கம் அறைகூவல் விடுத் திருந்தது.

அதையேற்று செவ்வாயன்று தமிழ கம் முழுவதும் அனைத்து மாவட்டங் களிலும் மாணவ-மாணவியர்கள் வகுப் புகளை புறக்கணித்து எழுச்சிமிகு போராட்டங்களை நடத்தியுள்ளனர். சென்னை, பெரம்பூர் சென்னை மேல் நிலைப்பள்ளி மாணவர்கள் வகுப்பு களை புறக்கணித்தனர். சென்னை பச் சையப்பன் கல்லூரி மாணவர்கள் வகுப்புகளை புறக்கணித்து ஆர்ப்பாட் டத்தில் ஈடுபட்டனர். ஆர்ப்பாட்டத் தில் மாநிலச் செயலாளர் ராஜ்மோகன். மாவட்டச் செயலாளர் ராஜ்குமார் உள் ளிட்டோர் கலந்து கொண்டனர். சென் னை மாநிலக் கல்லூரி மாணவர்கள் மாநிலத் துணைத்தலைவர் ஸ்டாலின் தலைமையில் வகுப்புகளை புறக்கணித்து ஆர்ப்பாட்டத்தில் ஈடுபட்டனர். கந்த சாமி நாயுடு கல்லூரி மாணவர்கள் மாவட்டச் செயற்குழு உறுப்பினர் ராம் குமார் தலைமையில் போராட்டம் நடத் தினர். வட சென்னை தியாகராய கல் லூரியில் வகுப்புகளை புறக்கணிக்க திட்டமிட்டிருந்தனர். அதையொட்டி நிர்வாகம் கல்லூரிக்கு விடுமுறை அறிவித்துவிட்டது.

கடலூர் மாவட்டத்தில் கடலூர் பெரியார் கலைக்கல்லூரி மாணவர்கள் வகுப்புகளை புறக்கணித்து மாவட்ட ஆட்சியர் அலுவலகம் நோக்கி பேரணி-ஆர்ப்பாட்டம் நடத்தினர்.

நாகப்பட்டினம் மாவட்டத்தில் 12க்கும் மேற்பட்ட பள்ளிகளில் மாணவர்கள் வகுப்புகளை புறக்கணித்து போராட்டத் தில் ஈடுபட்டனர். கீழையூர், திருக்குவ ளை, மணக்குடி, திருக்கடையூர், மயிலா டுதுறை, கிட்டப்பா நகராட்சி மேல் நிலைப்பள்ளி, தியாகி நாராயணசாமி அரசு மேல்நிலைப்பள்ளி, சங்கரன்பந் தல் அரசுப் பள்ளி உள்ளிட்ட பல்வேறு பள்ளிகளில் வகுப்பு புறக்கணிப்பு போராட்டம் நடைபெற்றது.

தஞ்சாவூர் மாவட்டத்தில் சரபோஜி அரசு கலைக்கல்லூரி, கும்பகோணம் அரசு ஆடவர் கலைக்கல்லூரி, குடந் தை அரசு மகளிர் கலைக் கல்லூரி, சோழபுரம், திருக்காட்டுப்பள்ளி ஆகிய அரசு மேல்நிலைப்பள்ளிகளில் வகுப்பு புறக்கணிப்பு போராட்டம் நடைபெற்றது.

புதுக்கோட்டை மன்னர் கல்லூரி மாணவர்கள் வகுப்புகளை புறக்கணித்து பெரும் ஆர்ப்பாட்டத்தில் ஈடுபட்டனர்.

திருவாரூர் மாவட்டத்தில் திருவாரூர் திரு.வி.க. கலைக் கல்லூரி மாணவர்கள் வகுப்பு களை புறக்கணித்து ஆர்ப்பாட் டத்தில் ஈடுபட்டனர். குளிக் கரை, அம்மையப்பன், கொர டாச்சேரி ஆகிய அரசு மேல் நிலைப்பள்ளி மாணவர்கள் வகுப்புகளை புறக்கணித்து போராட்டம் நடத்தினர்.

திருச்சி அரசு சட்டக்கல் லூரி மாணவர்கள் வகுப்பு களை புறக்கணித்து சாலை மறியலில் ஈடுபட்டு போராட் டம் நடத்தினர்.

நாமக்கல் மாவட்டத்தில் அறிஞர் அண்ணா அரசு கலைக் கல்லூரி, ராசிபுரம் திருவள்ளு வர் அரசு கலைக் கல்லூரி மாணவர்கள் வகுப்புகளை புறக்கணித்து ஆர்ப்பாட்டம் நடத்தினர். நாமக்கல் மாவட்ட ஆட்சியர் அலுவலகம் முன்பு 200க்கும் மேற்பட்ட மாணவர் கள் ஆர்ப்பாட்டத்தில் ஈடுபட் டனர்.

ஈரோடு மாவட்டத்தில் ஈரோடு கலைக்கல்லூரி மாண வர்கள் 700 பேர் வகுப்புகளை புறக்கணித்து ஆர்ப்பாட்டத் தில் ஈடுப்பட்டனர். முன்ன தாக ஜனநாயகப்பூர்வமான போராட்டத்தில் ஈடுபட தயா ரான மாணவர்களை கல்லூரி முதல்வர் மிரட்டியபடி கல் லூரி கதவுகளை பூட்டினார். மாணவர்களின் போராட்டத் தால் கதவுகள் திறக்கப்பட் டன.

திண்டுக்கல் மாவட்டத் தில் பழனியாண்டவர் கலைக் கல்லூரி மாணவர்கள் வகுப்பு களை புறக்கணித்து போராட் டத்தில் ஈடுபட்டனர். பழனி நகராட்சி மேல்நிலைப்பள்ளி மாணவர்களின் போராட்டத் திற்கு தலைமையேற்க சென்ற திண்டுக்கல் மாவட்டச் செய லாளர் முருகேஷ், மாவட்டக் குழு உறுப்பினர் தனசேகரன் ஆகியோரை காவல்துறை யினர் கைது செய்தனர்.

மதுரை மாநகரில் மதுரை காமராஜர் பல்கலைக்கழக கல் லூரி மாணவர்கள் வகுப்பு களை புறக்கணித்து சாலை மறியலில் ஈடுபட்டனர்.

மதுரை மேலூர் அரசு கலைக்கல்லூரி மாணவர்கள் வகுப்புகளை புறக்கணித்து 500க்கும் மேற்பட்டோர் ஆர்ப் பாட்டம் நடத்தினர். சமயநல் லூர் அரசு ஆண்கள் மேல் நிலைப்பள்ளி மாணவர்கள் வகுப்புகளை புறக்கணித்து போராட்டங்களை நடத்தினர்.

சேலம் சவன் ஆர்ட்ஸ் கல் லூரி மாணவர்கள் ஆயிரக்க ணக்கானோர் வகுப்புகளை புறக்கணித்து போராட்டம் நடத்தினர். இராமநாதபுரம் மாவட்டம் பரமக்குடி அரசு ஆண்கள் மேல் நிலைப்பள்ளி மற்றும் பாலிடெக்னிக் கல்லூரி மாணவர்கள் வகுப்புகளை புறக்கணித்து போராட்டம் நடத் தினர். வட்டாட்சியர் அலுவல கம் முன்பு நடைபெற்ற போராட் டத்தில் 200 பேர் கைது செய் யப்பட்டனர்.

பாண்டிச்சேரியில் 14 பள் ளிகளில் மாணவர்கள் வகுப் புகளை புறக்கணித்து போரா ட்டம் நடத்தினர்.

தாகூர் கலைக்கல்லூரி, சமுதாயக் கல்லூரி, அரசு தொழில்நுட்பக் கல்லூரி மாண வர்கள் என 15 ஆயிரத்திற்கும் மேற்பட்ட மாணவர்கள் வகுப்பு களை புறக்கணித்து போராட் டம் நடத்தினர்.

விருதுநகர் மாவட்டத்தில் விருதுநகர் அரசு கேட்டரிங் கல்லூரி மாணவர்கள் வகுப்பு களை புறக்கணித்து பேரணி யும், ஆர்ப்பாட்டமும் நடத்தி னர். ராஜபாளையம் ராஜீவ் கல் லூரி மாணவர்கள் வகுப்பு களை புறக்கணித்து சமச்சீர் கல்வி கேட்டு சாலை மறிய லில் ஈடுபட்டனர். 150 மாண வர்கள் கைது செய்யப்பட்டனர்.

திருநெல்வேலி மாவட்டத் தில், சங்கரன்கோவில் கோமதி அம்மாள் அரசு மேல்நிலைப் பள்ளி மாணவர்கள் வகுப்பு களை புறக்கணித்து 500 பேர் ஆர்ப்பாட்டத்தில் ஈடுபட்டனர்.

நெல்லை ம.தி.தா இந்து கல்லூரியில் வகுப்புகளை 1700 மாணவ-மாணவிகள் புறக்கணித்து போராட்டத்தில் ஈடுபட்டனர். பாபநாசம் திரு வள்ளுவர் கல்லூரி, சங்கரன் கோவில் மனோ கல்லூரி, ஜான்ஸ் கல்லூரி மற்றும் நெல்லை அரசு சட்டக்கல்லூரிகளிலும் வகுப்புகளை புறக்கணித்து மாணவர்கள் ஆர்ப்பாட்டத்தில் ஈடுபட்டனர்.

கன்னியாகுமரி மாவட்டத் தில் இலட்சுமிபுரம் கலைக் கல்லூரி மாணவர்கள் வகுப்பு களை புறக்கணித்தனர். மூர்க் கன் மேல்நிலைப்பள்ளி, குல சேகரம் அரசுமேல்நிலைப் பள்ளி, நடுநிலைப்பள்ளி உள் ளிட்ட பத்துக்கும் மேற்பட்ட பள்ளி மாணவர்கள் வகுப்பு களை புறக்கணித்தனர். குமரி மாவட்டத்தின் பல பள்ளி களில் வகுப்புகளை புறக்க ணித்த மாணவர்களை மிரட்டி காவல்துறையினர் திரும்பவும் பள்ளிகளுக்குள் அனுப்பினர்.

விழுப்புரம் மாவட்டத்தில் விழுப்புரம் அரசு கலைக்கல் லூரி, திண்டிவனம் அரசு கலைக்கல்லூரி மாணவர்கள் வகுப்புகளை புறக்கணித்தனர். வேலூர் மாவட்டத்தில் குடி யாத்தம் அரசு கலைக்கல்லூரி மாணவர்-மாணவிகள் வகுப்புகளை புறக்கணித்தனர்.

திருவண்ணாமலை மாவட்டத்தில் அரசு கலைக் கல்லூரி மாணவர்கள் வகுப்பு களை புறக்கணித்து ஆர்ப்பாட் டத்தில் ஈடுபட்டனர். தென்னா மூர் அரசு கல்லூரி மாணவர் களும் வகுப்புகளை புறக்க ணித்தனர்.

வேலூர் மாவட்டத்தில் உள்ள குடியாத்தம் நகரிலுள்ள அனைத்து பள்ளிகளிலும் வகுப் புகளை புறக்கணித்து மாண வர்கள் போராட்டம் நடத்தினர். குடியாத்தம் நகராட்சி மேல் நிலைப்பள்ளி, நகராட்சி உயர் நிலைப்பள்ளி, நெல்லூரி பேட்டை அரசு ஆண்கள் மேல்நிலைப் பள்ளி, மகளிர் உயர்நிலைப் பள்ளி, ஜோதி உயர்நிலைப் பள்ளி, வள்ளலார் உயர்நிலைப் பள்ளி, அரசு மகளிர் மேல் நிலைப்பள்ளி, நேஷனல் மேல்நிலைப் பள்ளி, திருவள் ளுவர் மேல்நிலைப்பள்ளி, தட் டாம்பாறை மேல்நிலைப்பள்ளி உள்ளிட்ட பள்ளிகளில் 15 ஆயிரத்திற்கும் மேற்பட்ட மாண வர்கள் வகுப்புகளை புறக்க ணித்து போராட்டத்தில் ஈடு பட்டனர். குடியாத்தம் அரசு கலைக் கல்லூரி மாணவர்களும் வகுப்புகளை புறக்க ணித்தனர்.

இந்திய மாணவர் சங்கத் தின் மாநில அளவிலான அறை கூவலை அடுத்து, தமிழகம் முழுவதும் பள்ளி, கல்லூரிகள் முன்பு பலத்த காவல் போடப் பட்டிருந்தது. பல கல்விநிலை யங்களில் மாணவர்கள் வகுப்பு களை புறக்கணித்த போதும் காவல்துறையினர் மாணவர் களை மிரட்டி கல்வி நிலை யத்திற்குள் அனுப்பி கதவு களை பூட்டியுள்ளனர்.

உச்சநீதிமன்றத்தின் உத் தரவை நடைமுறைப்படுத்திட வலியுறுத்தியும், இரண்டு மாத மாக பாடங்கள் நடத்தாததைக் கண்டித்தும், நடந்த போராட் டத்தில் ஜனநாயகப்பூர்வமாக அணிதிரண்ட மாணவர்களை காவல்துறை மிரட்டி தடுத் துள்ள மோசமான செயலை இந்திய மாணவர் சங்கத்தின் மாநிலக்குழு வன்மையாக கண்டிக்கிறது. காவல்துறையி னரின் ஜனநாயக விரோத அடக்குமுறையையும் மீறி, தமிழகத்திலும், பாண்டிச் சேரி யிலும் லட்சக்கணக்கான மாணவர்கள் வகுப்புகளை புறக்கணித்துள்ளனர்.

இந்திய மாணவர் சங்கத் தின் அறை கூவலை ஏற்று போராட்டத்தில் ஈடுபட்ட அனைத்து மாணவர்களுக்கும் மாநிலக் குழுவின் சார்பாக வாழ்த்துக்களை தெரிவித்துக் கொள்கி றோம் என்று மாணவர் சங்கம் விடுத்துள்ள செய்திக் குறிப்பில் தெரிவித்துள்ளது.
சமச்சீர் கல்வியை அமுல்படுத்த கோரி புதுவை முழுவதும் மாணவர்கள் வகுப்பு புறக்கணிப்பு போராட்டம் குறித்து
ஏறக்குறைய 6000க்கும் மேற்பட்ட பள்ளி , கல்லூரி மாணவர்கள் கிராமப்புறம் மற்றும் நகர்புறத்தில் வகுப்புகளை
புறக்கணித்து மாணவர்கள் இந்திய மாணவர் சங்கத்தின் போராட்டத்திற்கு ஆதரவளித்தனர் . 
Read more...

பத்திரிகையாளர்கள் சந்திப்பு கூட்டம்:சமச்சீர் கல்வி

0 comments
சமச்சீர் கல்வியை அமுல்படுத்த கோரி புதுவை முழுவதும் மாணவர்கள் வகுப்பு புறக்கணிப்பு போராட்டம் குறித்து 23 -07 -2011  அன்று பத்திரிகையாளர்கள் சந்திப்பு கூட்டம்.
Read more...
Monday, 25 July 2011

HAND POSTER

0 comments


Read more...
Saturday, 23 July 2011

நீதிமன்ற உத்தரவுகளை ஏற்று சமச்சீர் கல்வியை நடைமுறைப்படுத்துக! ஜூலை 26 மாணவர்கள் கிளர்ச்சி

0 comments

நீதிமன்ற உத்தரவுகளை ஏற்று தமிழக அரசு சமச்சீர் கல் வியை நடைமுறைப்படுத்த வலி யுறுத்தி ஜூலை 26ல் பள்ளி - கல்லூரி மாணவர்கள் கிளர்ச்சி யில் ஈடுபடுமாறு இந்திய மாண வர் சங்கம் அழைப்பு விடுத்துள்ளது.

இதுதொடர்பாக சங்கத்தின் மாநிலத் தலைவர் கே.எஸ். கனகராஜ், செயலாளர் ஜோ. ராஜ்மோகன் ஆகியோர் விடுத் துள்ள அறிக்கை வருமாறு:

நடப்பு கல்வியாண்டிலேயே சமச்சீர் கல்வியை நடைமுறைப் படுத்த வேண்டும். சமச்சீர் கல் விக்கான பொதுப்பாட நூல் களை ஜூலை 22ம்தேதிக்குள் மாணவர்களுக்கு வழங்கிட வேண்டும். சமச்சீர் கல்வியை நடப்பாண்டில் நிறுத்தி வைக் கும் வகையிலான சட்டத் திருத் தத்திற்கு தடைவிதித்தும், மேலும் நிபுணர் குழு அமைக்கப்பட்டு மூன்று மாதங்களுக்குள் பாட நூல்களில் உள்ள குறைபாடு களை களைந்திட அரசு முயற் சிக்கலாம் என உயர்நீதிமன்றம் உத்தரவிட்டது.

ஏற்கெனவே, ஒன்றரை மாத காலமாக எந்த பாடநூல்களை யும் படிக்காமல் மாணவர்கள் குழம்பியுள்ள நிலையில், தங்க ளது குழந்தைகளின் நிலைமை களை பார்த்து மன உளைச்ச லில் இருக்கும் பெற்றோர்கள், கல்வியாளர்கள், பொதுமக்கள் அனைவரும் உயர்நீதிமன்ற தீர்ப்பால் பிரச்சனைகளுக்கு தீர்வு கிடைத்தது என நினைத்த இவர்களை அதிர்ச்சிக்கு உள் ளாக்கும் விதமாக தமிழக அரசு, உயர்நீதிமன்றத் தீர்ப்பை நடை முறைப்படுத்தாமல் உச்சநீதிமன் றத்தில் மேல்முறையீடு செய்து மாணவர்களின் நலனை பின் னுக்குத் தள்ளியது.

இவ்வழக்கினை விசாரித்த உச்சநீதிமன்றம், உயர்நீதிமன்ற உத்தரவுக்கு தடைவிதிக்க மறுத்துவிட்டதோடு, வரும் ஆகஸ்ட் 2ம் தேதிக்குள் 1 முதல் 10ம் வகுப்பு வரை அனைத்து மாணவர்களுக்கும் சமச்சீர் கல்விக்கான பாடநூல்களை வழங்கிட வேண்டுமென உத்தர விட்டுள்ளது. இறுதி விசா ரணை ஜூலை 26க்கு ஒத்திவைக் கப்பட்டுள்ளது.

முழுமையான சமச்சீர் கல் வியை நடை முறைப்படுத்திட வலியுறுத்தி தமிழ்நாட்டில் பல்லாயிரக்கணக்கான பள்ளி, கல்லூரி மாணவர்கள் ஜூலை 26ல் வகுப்புகளை புறக்கணித்து, பேரணியாக மாவட்ட ஆட்சி யரகம் முற்றுகை, ஆர்ப்பாட் டங்கள் என கிளர்ச்சி நடவடிக் கைகளில் பங்கேற்க வேண்டு மென இந்திய மாணவர் சங்கத் தின் தமிழ்நாடு மாநிலக் குழு அறைகூவல் விடுக்கிறது.போராட்டம்
Read more...
Friday, 22 July 2011

சமச்சீர் - கல்வி வரலாற்று முக்கியத்துவம் வாய்ந்த நிகழ்வு

1 comments
கல்வியாளர் ஜே. கிருஷ்ணமூர்த்தியுடன் நேர்காணல் 



ஜே. கிருஷ்ணமூர்த்தி இந்திய அளவிலான கல்வி ஆளுமைகளுள் குறிப்பிடத்தக்கவர். 1953-ல் புதுவையில் பிறந்தவர். புதுவை பெத்தித் செமினார் பள்ளியில் 10ம் வகுப்புவரையும், தாகூர் கல்லூரியில் புதுமுக வகுப்பு மற்றும் பட்டப்படிப்பும், சிதம்பரம் அண்ணாமலை பல்கலைக்கழகத்தில் பி.எட் படிப்பும் முடித்தவர். 1976ல் பெத்துசெட்டிபேட்டையில் உள்ள அரசு நடுநிலைப் பள்ளியில் ஆசிரியர் பணியில் இணைந்தார். 2003 வரை பட்டதாரி ஆசிரியர் பணி. 2003 நவம்பரில் பூரணாங்குப்பம் நடுநிலைப் பள்ளியில் தலைமை ஆசிரியராகப் பொறுப்பு. 2006-ல் துவங்கி இன்றுவரை ஆலங்குப்பம் உயர்நிலைப் பள்ளி தலைமை ஆசிரியர்.

புதுச்சேரி நகரத்தினுள் வேலைசெய்ய அழைப்பு வந்தும், அதை நிராகரித்து ஆரோவில் பகுதியில் உள்ள ஆலங்குப்பம் கிராமத்தின் பள்ளியோடு தன்னைக்  கரைத்துக் கொண்டு அங்குள்ள மாணவர்களின், வெற்றியில் தனது வாழ்வின் அர்த்தத்தை தேடிக் கொண்டிருப்பவர். அந்தப் பள்ளியில் உள்ள எந்த ஒரு மாணவரும் இவரை எந்த நேரத்திலும் அணுகி தன்னுடைய குடும்பப் பிரச்சனையை விவாதிக்க முடியும் என்கிற அளவுக்கான ஜனநாயகத்தை தனது பள்ளி வளாகத்தில் உருவாக்கி வைத்துள்ளவர்.

அந்தப் பள்ளியின் இரவு நேரக் காப்பாளர் ‘மலையாளத்தாரை’ நமக்கு அறிமுகம் செய்யும் போது மிகப்பெருமையுடன் ‘‘இவர் எங்க பள்ளியில் மிக முக்கிய அங்கம், பள்ளியின் குடும்ப உறுப்பினர், இங்கு இரவு நேர காப்பாளராக செயல்படுகிறார்’’ என அவருக்குச் சமமான நாற்காலியில் அமரவைத்து அறிமுகம் செய்யும் ஜே.கே வை நீங்கள் எப்படிப் புரிந்து கொள்வீர்கள்.

சகமனிதனுடனான அவரது அன்புமிக்க அணுகுமுறை குறித்து கேள்வி எழுப்பும் போதுதான் அவரது ஆசிரியர் பணியின் மற்றொரு பரிமாணம் தெரியும். ‘1978 முதல் 1985 வரையிலான ஆசிரியர் சங்கப் பணிதான் என்னை ஆசிரியர்கள் இந்த சமூகத்தில் எத்தகைய மாற்றங்களை உருவாக்க முடியும் என அறியவைத்த ஆண்டுகள்’’ என்கிறார்.

1986ல் போபால் கொடூரம் நடந்த சில மாதங்கள் கழித்து ‘‘யூனியன் கார்பைடு பொருட்களைப் புறக்கணிப்பீர்கள்’’ என்ற துண்டுப்பிரசுரம் புதுச்சேரியின் அனைத்து மக்களிடமும் சென்றடைந்தது. கீழே புதுச்சேரி அறிவியல் இயக்கம் என்ற வாசகத்துடன். அப்போதுதான் புதுவை அறிவியல் இயக்கத்தை ஜே. கிருஷ்ணமூர்த்தி, டாக்டர். தி. சுந்தர்ராமன். மருத்துவ மாணவர் ஜார்ஜ், பொறியாளர் மதன கோபால், டாக்டர் ராமானுஜம், டாக்டர் ராமதாஸ், தனபால் ஆகியோருடன் மேலும் சிலர் இணைந்து துவக்கினர். 1986 முதல் ‘‘அறிவியல் மக்களுக்கே’’ என்ற முத்திரை வாசகத்துடன் இயங்கும் புதுவை அறிவியல் இயக்கத்தின் ஊழியனாகத் தன்னை இணைத்துக்கொண்டு பணியாற்றுகிறார். 1994 முதல் 1996 வரை தமிழ்நாடு அறிவியல் இயக்கத்தின் மாநில பொதுச்செயலாளராகப் பணியாற்றினார். துளிர் பத்திரிகையை உருவாக்கிய முக்கிய நபர்களில் இவரும் ஒருவர். துளிர் என்ற அறிவியல் பத்திரிகை முதல் இதழ் வெளியானது புதுச்சேரியிலிருந்துதான்.

அறிவியல் இயக்கம் மட்டுமல்ல 1989ல் புதுவை அறிவொளி இயக்கத்தில் தன்னை இணைத்துக் கொண்டு 1996 வரை அதில் பெருமிதப்படத்தக்க பங்களிப்பை செலுத்தியவர். அறிவொளி இயக்கத்தின் மாநிலத் திட்ட  ஒருங்கிணைப்பாளராக, தேசிய எழுத்தறிவு ஆணையத்தின் ஆலோசகராக, BGVSன் தமிழகத்தின் பயிற்சி ஒருங்கிணைப்பாளராக என இவரது உழைப்பு அபாரமானது. இவரது அறிவொளி இயக்க அனுபவம் தனியே பதியப்பட வேண்டிய அவசியம் நிறைந்தவை. அவருடன் நடத்திய உரையாடலிலிருந்து...

கல்வியாண்டுத் துவக்கத்தில், சமச்சீர் கல்வி 
அறிமுகமாகும் என எல்லோரும் எதிர்பார்த்த வேளையில் இப்படி ஒரு சிக்கல், ஏற்பட்டது குறித்து?
சமச்சீர் கல்வி என்பது ஒரு வரலாற்று முக்கியத்துவம் வாய்ந்த நிகழ்வு என்பதை முதலில் பதிவு செய்ய விரும்புகிறேன். நான்குவிதமான பாடத்திட்டங்களை ஒரே முறையில் மாற்றியதும் வரலாற்று சாதனைதான். இந்த சமச்சீர் கல்வியில் உள்ள குறைகளைக் களைய வேண்டும் என்பதில் யாருக்கும் மாற்றுக் கருத்து இருக்க முடியாது. ஆனால் அது சமச்சீர் கல்வி அமலாக்கத்தை நிறுத்திவிட்டுச் செய்யவேண்டும் என்ற அவசியத்துடன் தொடர்புடையது அல்ல. திட்டத்தை அமலாக்கிக் கொண்டே குறைகளைக் களையலாம். அதுதான் மாணவர்களின் எதிர்காலம் குறித்த அக்கறை உள்ள செயலாக இருக்கும். தற்போது நீதிமன்றத்தில் வழக்கு உள்ளது.

நான்கு பாடத்திட்டங்களை ஒரே பாடத்திட்டமாக்கியது வரலாற்று சாதனை என்கிறீர்களே.. அப்படியென்றால்?
நிச்சயமாக. இதில் சந்தேகம் இல்லை. தமிழக பாடத்திட்டம், மெட்ரிகுலேஷன் பாடத்திட்டம், ஓரியண்டல், ஆங்கிலோ இந்தியன் பாடத்திட்டம் என்ற நான்கு முறைகள் மாற்றப்பட்டுள்ளது அனைத்து மாணவர்களுக்கும் நல்லது. இந்த நான்கு பிரிவுகளின் தேவை என்ன? தனியார் கல்வி நிறுவனங்கள் செழித்து வளரவும், பாடநூல் அச்சிடும் பல்வேறு வணிக புத்தக நிறுவனங்கள் கொள்ளை லாபம் அடிக்கவும்தான் பயன்பட்டது. மக்களிடம் உருவாக்கப்பட்ட ஆங்கில மோகத்திற்கு தீனிபோட இந்த மெட்ரிக் பள்ளிகள் உதவின. இதற்கு தரம் என்ற பெயரில் விளம்பரம் வேறு செய்யப்படுகிறது.

அப்படியானால் தரம் என்ற வாதம் எதைச் சார்ந்துள்ளது., தனியார் பள்ளியினர் சமச்சீர் கல்வி வந்தால் தரம் பாதிக்கப்படும் என்கிறார்களே?
தரம் என்ற அளவுகோளை யார் தீர்மானிப்பது. ஒரு உதாரணம் சொல்கிறேன். மூன்று மாதங்களுக்கு முன்பு தனியார் மற்றும் அரசுக் கல்லூரிகளில் பணியாற்றும் ஆசிரியர்கள் மத்தியில் ஒரு சர்வே எடுப்பதற்காக ஒரு தேர்வு நடத்தப்பட்டது. அதாவது அவர்கள் நடத்தும் பாடத்திலிருந்து கேள்விகள் தயாரிக்கப்பட்டு இந்தத் தேர்வு நடந்தது. இந்தத் தேர்வு முடிவில் 60-70 சதவிகிதம் தனியார் கல்லூரி ஆசிரியர்கள் மிகவும் மோசமாகத் தேர்வை எழுதியிருந்தனர். ஆனால் அதே அளவு அரசுக் கல்லூரி ஆசிரியர்கள் சிறப்பான முறையில் தேர்வை எழுதியிருந்தனர். இதிலிருந்து நீங்கள் எந்த முடிவுக்கு வருவீர்கள்? இன்று நாட்டின் மிக உயர்ந்த பொறுப்பில் உள்ளவர்களில் 90 சதம் பேர் அரசுப் பள்ளிகளிலும், தாய்மொழியிலும் படித்தவர்கள் தான். ஆக தரம் என்பது எவ்வளவு அதிகமான அழுத்தமான பாடங்களை நடத்துவது என்பதில் இல்லை. எவ்வளவு தெளிவாக மாணவர்கள் கற்றுக் கொள்கிறார்கள் என்பதுதான். தரம் என்ற சொல்லைப் பயன்படுத்தி தங்கள் லாபவேட்டையைத் தொடரவே தனியார் கல்வி நிலையங்கள் திட்டமிடுகின்றன.

சமச்சீர் கல்வி பாடத்திட்டங்கள் குறித்து..?
இயல்பாகவே மாணவர்களை ஈர்க்கும் தன்மையுடன் வண்ணமயமாக அச்சிடப்பட்டு நிறைய படங்களுடன் புத்தகம் வெளிவந்துள்ளது இன்னும் சிறப்பாக உள்ளது. செயல்முறையில் கற்றுக்கொள்ளும் வாய்ப்பு ஏராளமாக உள்ளது. இது போன்ற ஏற்பாடுகள் தான் மாணவர்களை ஆர்வத்துடன் படிக்கத் தூண்டும். இதில் குறிப்பிட வேண்டிய ஒரு முக்கியச் செய்தி, ஒரு நல்லமாற்றம் என்னவெனில் வகுப்பறைக்குள் அதிக நடவடிக்கைகளும் வீட்டுப்பாடச் சுமை குறைந்தும் இருப்பதுதான்.
இந்த வகையிலான புத்தகங்கள் ஆசிரியர்கள் மற்றும் மாணவர்களைச் சேர்ந்து இயக்கும் தன்மை கொண்டது. ஆசிரியர்-மாணவர்களின் உறவுப் பாலமாக புத்தகங்கள் அமைந்துள்ளன. முன்பு ஆசிரியர் பாடம் நடத்திக் கொண்டே இருப்பார். மாணவர்கள் வெறும் பார்வையாளர்களாக இருப்பர். இப்போது பார்வையாளர்களான மாணவர்களை பங்கேற்பாளர்களாக மாற்றிட புதிய சமச்சீர் கல்வி பாடத்திட்டங்கள் ஒரு முயற்சியைத் துவக்கி உள்ளன. மாணவர்கள் படிப்பு எனும் தளத்தில் தாங்களாக பங்கேற்க சில வாய்ப்புகள் உருவாக்கப்பட்டுள்ளது. குறிப்பாக கணிதத்தில் செயல்முறை வடிவியலும், புள்ளி விபர சேகரிப்பு சம்பந்தப்பட்ட வரைபடங்களும் மிகவும் எளிமையாக இருக்கின்றன. பாடங்களின் எண்ணிக்கைகளைக் குறைத்து தரத்தை உயர்த்தியுள்ளார்கள்.

பொதுவாக தமிழகத்திலும், புதுவையிலும் கல்வி நிலை எப்படி உள்ளதாகக் கருதுகிறீர்கள்?
NCERT, ASER ரிப்போர்ட் கணக்குப்படி தமிழகம் தரமான கல்வி வழங்குவதில் முதலிடத்தில் உள்ளது. ஆனால் புதுச்சேரி கடைசியிலிருந்து இரண்டாம் இடத்தைப் பெற்றுள்ளது. எழுத்துக்களைக் கூட இன்னும் அடையாளம் காட்டத் தெரியாத 30 சதமான மாணவர்கள் புதுச்சேரியில் உள்ளனர். தேசிய அளவில் 23 சதம் என்பதையும் விஞ்சியது இது. அனைத்துப் பள்ளிகளிலும் எடுத்த சர்வே இது. ஒரு வேளை அரசுப் பள்ளிகள் மட்டும் எனில் இன்னும் கூட குறையும் என நினைக்கிறேன். 35 வருட ஆசிரியர் பணியின் காரணமாய் ஆசிரியர் சமூகத்தில் உள்ள எனக்கு இது மனக்குனிவை ஏற்படுத்துகிறது.

வளர்ச்சிக் குறியீட்டில் (EDI) புதுச்சேரிதானே முதலிடம் வகிக்கிறது?
ஆமாம் EDI யில் புதுச்சேரி மாநிலம்தான் முதலிடம். அதாவது ஒரு கிலோமீட்டருக்கு ஒரு துவக்கப்பள்ளி, மூன்று கிலோ மீட்டருக்கு ஒரு நடுநிலைப்பள்ளி, ஐந்து கிலோ மீட்டருக்கு ஒரு மேல்நிலைப்பள்ளி போன்றவையும், கழிப்பிடம், குடிநீர், ஆய்வகம், நூலகம் போன்ற அடிப்படை வசதிகளில் தன்னிறைவும் தகுதியான பயிற்சி பெற்ற ஆசிரியர்களும், 1:25 என்ற ஆசிரியர், மாணவர் விகிதமும் இருக்கிறது. இது பாராட்டத்தக்கதுதான். இருப்பினும் மாணவர்களின் அடைவுத் திறனை அதிகரிக்கவில்லை என்ற உண்மையும் பின் தொடர்வது வேதனையானது. இந்த இரண்டும் கடுமையான முரண்பாட்டை முன்வைக்கின்றன.

இந்த முரண்பாட்டை எப்படிப் புரிந்து கொள்வது?
இரண்டு விஷயங்களில் நாம் கருத்தை செலுத்தலாம். ஒன்று ஆசிரியர்கள் தங்கள் பயிற்சி காலத்தில் பெறுகின்ற பயிற்சி மட்டுமல்லாமல் ஆசிரியரான பிறகும் அவர்களுக்கு பயிற்சி தரப்படுகிறது. ஆனால் வகுப்பறையில் இந்த பயிற்சி பயன்படவில்லை என்பதுதான் பிரச்சனை. இது ஏன் என்பதுதான் ஆசிரியர் சமூகப் பிரதிநிதியாக எனக்குள் நான் எழுப்புகின்ற கேள்வி. எனவே கல்வியாளர்கள், அரசு, சமூக அக்கறை உள்ள சங்கங்கள் இந்த ஆசிரியர்களின் குறைந்தபட்சத் திறனை வளர்க்கும் ஆசிரியர்களாக மாற்றுவதில் கவனம் செலுத்த வேண்டும்.
ஆசிரியர்கள் கடுமையாக உழைக்கிறார்கள் என்பதில் எனக்கு நம்பிக்கை உள்ளது. பிரச்சனை என்னவெனில் கடுமையாக உழைப்பவர்கள் மட்டும் போதாது. மாணவர்களின் பிரச்சனைகளை முகம் கொண்டு பார்ப்பவர்களாகவும் அவர்கள் இருக்க வேண்டும் என்பதுதான். ஒரே கிராமத்தில் ஒரே விதமான கூலித் தொழிலாளிகளின் பிள்ளைகளில் ஒருவன் தனியார் பள்ளியிலும், ஒருவன் அரசுப் பள்ளியிலும் படிக்கின்ற போது அரசுப் பள்ளியில் படிக்கின்ற மாணவனின் அடைவுத் திறன் குறைவாக இருந்தால் அதற்கு யார் பொறுப்பு என்பது முக்கியமான கேள்வி இல்லையா?
இரண்டாவதாக நமது வகுப்பறைகளை இன்னும் ஜனநாயகப்படுத்த வேண்டும். அதாவது மாணவர்களின் பங்கேற்பை அனைத்து மட்டங்களிலும் உறுதிப்படுத்த வேண்டும். ஆசிரியர் மாணவர் இணைந்த பங்களிப்பை உருவாக்க வேண்டும். அதாவது சமன் செய்யப்பட்ட இயக்கம் வகுப்பறைக்குள் வேண்டும். பாடம் நடத்துவது ஆசிரியர் வேலையாகவும், கற்பது மாணவர்கள் கடமையாகவும் பிரிந்து நிற்கிறது. கற்பதும், கற்பிப்பதும் இருசாராருக்கும் பொதுவானதாய் மாற வேண்டும். இது பொதுவாக இல்லாததால் ஒருபக்க இயக்கம் மட்டுமே உள்ளது.

அப்படியானால் இந்த இருபக்க இயக்கம்  தனியார் பள்ளிகளில் இருக்கிறதா?
இல்லை. அப்படி எளிதாகப் புரிந்து கொள்ள வேண்டாம். நாம் அரசுப் பள்ளிகளின் பிரச்சனைகளைத் திறந்த மனதுடன் விவாதிக்கின்றோம். எனவேதான் தனியார் பள்ளிகள் திறமை என்ற வாதத்தால் இதனை திசைதிருப்பி மக்களை அழைக்கிறது. தனியார் பள்ளிகளில் இருப்பதும் ஒருபக்க இயக்கம்தான். அது மதிப்பெண் சார்ந்த ஒரு பக்க இயக்கமாகும். அதாவது அங்கு தரமான கல்வி என்பது தேர்ச்சி சார்ந்த இயக்கமாக கட்டணமாக்கப்படுகிறது. அவர்களுக்கு அதுதான் முக்கியம். அங்கு இன்றைய நாட்டின் தேவை சார்ந்த சந்ததியை உருவாக்குவதில் அக்கறை இல்லை. சந்தைக்குத் தேவையான சந்ததியை உருவாக்குவது. அவர்களின் நோக்கமாக உள்ளது. அதுவும் 1990 க்குப்பின் பன்னாட்டுச் சந்தையின் தேவையைக் கொண்டே சந்ததியை உருவாக்குகிறார்கள்.
ஆக கடுமையாக உழைக்கும் ஆசிரியர்கள் மாணவர்களின் முகம் கொண்டு அவர்களைப் புரிந்து கொள்பவர்களாக இருப்பதுடன், வகுப்பறைகள் ஜனநாயகத் தன்மையுடன் இருபக்க இயக்கம் உள்ளதாகவும் இருக்கும் இரு விஷயங்களும் முக்கியமானவை.

சந்தை சார்ந்த மாணவ சந்ததி உற்பத்தி குறித்து இன்னும் பேசலாமே?
நிச்சயமாக. அடிப்படை ஆராய்ச்சிகள் கேள்விக் குறியாக மாறி இருக்கின்றன. இயற்கை ஆதாரங்கள் பாதுகாக்கப்படுவதும், அதை வளர்த்தெடுப்பதும் விவாதத்திற்கு வரவில்லை. 80 சதவிகித மக்கள் வறுமையில் உழல்கின்றனர். தொலைந்துபோன தங்கள் வாழ்க்கையை உழைப்பால் அவர்கள் தேடித்திரிகின்றனர். இப்படியான ஒரு சூழலில் மக்கள் குறித்தும், சமயச்சார்பு, இறையாண்மை போன்ற நடவடிக்கைகளில் மாணவ சமூகம் இயல்பாக கவனம் செலுத்தும் சந்ததியாக வெளிவராதது ஏன்? வகுப்பறைதான் ஒரு நாட்டின் எதிர்காலத்தைத் தீர்மானிக்கிறது எனில் அந்த இடத்தில் மேற்கண்ட விவாதங்கள் நடக்கிறதா? வகுப்பறை ஜனநாயகம் என்பது ஆசிரியரும் மாணவரும் சமமாக இணைந்து கற்றலில் பங்கேற்பது. ஆனால் நடப்பது என்ன? அதிகாரம் ஙீ அடங்குதல் என்ற ஒரு பக்க இயக்கம்தானே. இது சமூகத்தில் ஒரு அங்கமாக வரும் மாணவனை அதிகாரம் செலுத்தும்; அல்லது அடங்கிப்போகும் ஒருவனைத்தானே உருவாக்கும்.
ஆக சமூகத்திற்கான மாணவர்களை சந்தைக்கான மாணவர்களாக மாற்றுவது சரியான வளர்ச்சியா? அதுவும் குறிப்பாக மதிப்பெண்களே அவர்கள் எதிர்காலத்தை தீர்மானிக்கும் என்றால் அவர்களின் சமூக அக்கறை எப்படி இருக்கும்.

பாடத்திட்டம் இதற்கு ஒரு முக்கியப் பங்கு வகிக்கிறதுதானே?
நிச்சயமாக. சிறந்த எதிர்கால சமுதாயத்திற்கான பாடத்திட்டம் என்பதிலிருந்து அன்றைய ஆட்சியாளர் களின் தேவையை உள்ளடக்கிய பாடத்திட்டங்களாக மாற்றப்படுவது வேதனைக்குரியது. கல்வியாளர்களும் இந்த மாற்றத்திற்கு ஏற்ப தங்களை தகவமைத்துக் கொள்கிறார்கள். இருப்பினும் பாடத்திட்டம் அதிகபட்சம் நமது நாட்டின் அரசியல் அமைப்புச் சட்டத்திற்கு உட்படுத்தப்பட்ட பிரதான அம்சங்களை இன்னும் இழந்துவிடவில்லை.
பாடத்திட்டம் எப்படி இருப்பினும் அதை அடிப்படையாக வைத்து வகுப்பறையை எப்படி நடத்துகிறோம் என்பது முக்கியம். ஆசிரியர்கள் நினைத்தால் இந்தப் பாடத்திட்டத்தை வைத்தும் மாற்றத்தை உருவாக்க முடியும்.
நமது நாட்டின் இருபெரும் தலைவர்களான ஜோதிபாசுவும் இந்திராகாந்தியும் வெளிநாட்டில் ஒரே பல்கலைக்கழகத்தில்தான் படித்தார்கள். அங்கு வரும் இந்திய மாணவர்களுக்கு ஆங்கில டியூஷன் நடத்தினார்கள். அவர்களின் சிந்தனைப் போக்கு இரு துருவங்களாகப் பிரிந்து நின்றது. இதில்  அவர்களின் வகுப்பறைக்குப் பங்கு இல்லை என சொல்ல முடியுமா?

பாடத்திட்டத்தை தீர்மானிக்கும் கல்விக் கொள்கை குறித்த உங்கள் விமர்சனம் என்ன?
நாற்பது ஆண்டுகளுக்கு முன் அதாவது 1970களில் சோவியத் யூனியனில் ஒரு பரிசோதனை நடத்தப்பட்டது. அதாவது அப்போதெல்லாம் அங்கு ஐந்து வயது நிறைவடைந்தால்தான் பள்ளியில் சேர்க்க முடியும். ஆனால் அதே சமயம் அமெரிக்கா போன்ற நாடுகளில் மூன்று வயது நிறைவடைந்தால் மழலையர் பள்ளிகளில் சேர்க்கலாம். இரண்டு வருடம் முன்பே குழந்தைகள் கல்வி நிலையத்திற்கு வரும் முறையை நாமும் ஏன் செய்யக்கூடாது என்று எண்ணிய சோவியத் அரசு, அதற்காக பெற்றோர்கள் மற்றும் ஆசிரியர் அடங்கிய குழுக்களை உருவாக்கியது. ஒன்றியத்திற்கு ஒரு பள்ளி என்ற அடிப்படையில் மாதிரிப் பள்ளிகள் தேர்ந்தெடுக்கப்பட்டது. அவ்வப்போது பெற்றோர்களுடன் கலந்துரையாடல், குழந்தைகளின் விருப்பங்களைக் கேட்டறிதல் என நடந்தது.
இறுதியாக பெற்றோர்களின் உதவியுடன் ஒரு அறிக்கை தயாரிக்கப்பட்டது. 1. வகுப்பறை செயல்பாடுகள் குறைந்த அளவு இருக்க வேண்டும். 
2. விளையாட்டுக்கான நேரம் கூடுதலாக்கப்பட வேண்டும். 3. ஓய்வுக்கான சூழல் இருக்க வேண்டும். 4. எழுத்துப் பயிற்சி மிகக் குறைந்த அளவே வேண்டும் என ஆய்வறிக்கை தயாரிக்கப்பட்டது. இது நாடு முழுவதும் சுற்றுக்கு விடப்பட்டது. பெற்றோர்களிடம் விவாதம் நடத்தப்பட்டது. இரண்டுவருடம் முன்பே கல்விக்கூட ஒழுங்குமுறைக்கு குழந்தைகள் பழகுவது மகிழ்ச்சி என்றாலும் ‘‘எங்கள் குழந்தையின் விளையாட்டுப் பருவம் இரண்டு வருடம் திருடப்பட்டு விடுமோ என அஞ்சுகிறோம்ÕÕ என பெரும்பாலான பெற்றோர்கள் கருத்துச் சொன்னார்கள். இந்த எண்ணம் குழந்தைகளுக்கு ஏற்படாத வண்ணம் அமலாக்க வேண்டும் என்றனர். அதற்கு பின்னரே சோவியத் அரசு இந்த முறையை ஏற்றுக் கொண்டது.
எனவே பெற்றோர் மாணவர் பங்கேற்புடன் கல்வித் திட்டம் அமலாவதுதான் ஒரு சிறந்த சமூக அமைப்பின் அடிநாதமாய் இருக்க முடியும். இங்கு அப்படி இருக்கிறதா? ஆசிரியர்கள், கல்வியாளர்கள் இவர்களுக்குத் துணையாக பெற்றோர்களும் மாணவர்களும் இணைந்து கல்விக்கொள்கையைத் தீர்மானிக்கும் சமூகமே கல்வியில் சிறந்த சமூகமாக இருக்க முடியும். கல்வித் திட்டம் மாறும்போது ஒரு வருடம் பரிசோதனையின் அடிப்படையில்தான் அது தீர்மானிக்கப்பட வேண்டும்.
அதே போல் சமூக, அறிவியல், புவியியல் உள்ளிட்ட மாற்றங்கள் அன்றைய  நவீன மாற்றங் களுடன் போதிக்கப்படும் வகையில் கல்விக் கொள்கை இருப்பது அவசியமானது. மேற்கண்ட அடிப்படையில் அதாவது பெற்றோர், மாணவர், ஆசிரியர், கல்வியாளர்கள், அரசு ஆகியோர் இணைந்து கல்விக் கொள்கைகளை உருவாக்க இன்னும் நீண்ட தூரம் பயணம் செல்ல வேண்டி இருக்கிறது.
இதற்கு மாற்றாக எதை முன்வைக்க விரும்புகிறீர்கள்?
பாவ்லோ பிரையர் கருத்துக்களைத்தான் நானும் முன்மொழிய வேண்டியுள்ளது. அவர் சொன்னார் ‘‘கல்வி என்பது நடுநிலையாக இருக்க முடியாது. அது வர்க்கம் சார்ந்துதான் இருக்க முடியும். இருக்கும். கல்விப் பரிமாற்றத்தில் நீங்கள் எந்தப்பக்கம்?
எல்லாவற்றையும் இழந்து தொலைந்துபோன வாழ்க்கையைத் தங்கள் உழைப்பால் தேடித்திரியும் மக்கள் பக்கமா அல்லது பலர் வாழ்க்கையைத் தொலைக்க காரணமான சுரண்டுபவர்கள் பக்கமா?” எனவே கல்வி என்பது வர்க்கம் சார்ந்துதான் இருக்க முடியும் என்பதில் நானும் உறுதியாக இருக்கிறேன். கல்வியே அப்படி எனில் பாடத்திட்டமும் அப்படித்தான் இருக்கும். உங்களுக்கு ஏற்றுக்கொள்ளச் சிரமமாக இருந்தாலும் உண்மை இதுதான்.
ஆள்பவர்களின் நலன் சார்ந்தே கல்வி காலகாலமாக இருந்துள்ளது. உயர்கல்விக்குப் போகப்போக இந்த உண்மை உங்களுக்கு தெளிவாகப் புரியும். அங்கு யாரை நிர்வகிக்க அல்லது எதை கற்பிக்க அல்லது எந்த சந்தைக்காக மாணவர்கள் உற்பத்தி செய்யப்படுகின்றனர். கல்வி தங்கள் வாழ்க்கையை மாற்றிக் கொள்ளும் ஒரு கருவியாக இருக்க வேண்டும். இந்த வெளிச்சத்தில் பார்த்தால் இன்றைய நிலை புரியும்.
ஏழைகள் அதாவது உழைப்பாளி மக்கள் வாழ்க்கையில் மாற்றம் வரவேண்டுமானால் அதற்கு தேவையான கல்விச்சூழலும், கல்வி முறையும், நாளைய சமூகத்தை உருவாக்கும் ஜனநாயகப்படுத்தப் பட்ட வகுப்பறைகளும் தேவை. இதுவே சிறந்த அரசியலாக இருக்க முடியும்.
Read more...
Thursday, 21 July 2011

Uniform education for all

0 comments

Read more...
Wednesday, 20 July 2011

வரலாற்று சிறப்பு மிக்க சமச்சீர் கல்விக்கான முதல் போராட்டத்தில்-தடியடிக்கு உள்ளாக்கப்பட்ட இந்திய மாணவர் சங்க தோழர்கள்

0 comments













Read more...

அனைத்து பள்ளி, கல்லூரி மாணவர்களுக்கு எஸ்எப்ஐ வேண்டுகோள்!

0 comments
திண்டுக்கல், ஜூலை 19-

சமச்சீர் கல்விதொடர்பான உயர்நீதிமன்றத் தீர்ப்பை அமல்படுத்த கோரி இந்திய மாணவர் சங்கம் நடத்தும் போராட்டத்தில் அனைத்துப் பள்ளி - கல்லூரி மாண வர்களும் பங்கேற்க வேண்டும் என்று மாநிலத் தலைவர் கள் கனகராஜ் மற்றும் ராஜ்மோகன் ஆகியோர் அழைப்பு விடுத்தனர்.

திண்டுக்கல்லில் நடைபெற்ற சங்க நிர்வாகிகள் கூட்டத்தைத் தொடர்ந்து அவர்கள் கூறியதாவது:

சமச்சீர் கல்வியை இந்த ஆண்டே அமல்படுத்த வேண்டும் என்று சென்னை உயர்நீதிமன்றம் வழங்கிய தீர்ப்பை இந்திய மாணவர் சங்கம் வரவேற்கிறது. கடந்த ஒன்றரை மாதங்களாக பள்ளிகளில் வகுப்புகள் சரிவர நடைபெறாத சூழ்நிலையில் மாணவர்கள் மற்றும் பெற்றோர்கள், ஆசிரியர்கள் மத்தியில் இருந்த எல்லா குழப்பங்களுக்கும் முடிவு கட்டும் விதமாக இந்த தீர்ப்பு அமைந்துள்ளது.

அனைத்து மாணவர்களையும் விட 10ம் வகுப்பு மாணவர்கள் தான் இந்த காலக் கட்டத்தில் பெரிதும் பாதிக்கப்பட்டுள்ளார்கள். அரசின் இந்த போக்கால் பெற்றோர்கள் மன உளைச்சலுக்கு ஆளானார்கள். எனவே உயர்நீதி மன்றத் தீர்ப்பை அமல்படுத்துவதற்கு பதிலாக தமிழக அரசு உச்சநீதிமன்றத்தில் மேல்முறை யீடு செய்யப்போவதாக அறிவித்து மாணவர்களையும், பெற்றோர்களையும் அதிர்ச்சிக்குள்ளாக்கியுள்ளது. தமி ழக அரசின் இந்த நடவடிக்கையை இந்திய மாண வர் சங்கம் வன்மையாகக் கண்டிக்கிறது. உயர்நீதி மன்றத் தீர்ப்பை அமல்படுத்தும் விதமாக மாநிலம் முழுவதும் வருகிற 22ம் தேதிக்குள் பாடப்புத்தகங்களை வழங்க வேண்டும் என வலியுறுத்தி மாநில அளவில் பல் வேறு விதமான போராட்டங்களை நடத்த இந்திய மாணவர் சங்கம் முடிவு செய்துள்ளது. இந்த போராட் டத்தில் பள்ளி, கல்லூரி மாணவர்கள் அனைவரும் கலந்து கொள்ள வேண்டும் என்று இந்திய மாணவர் சங்கம் கேட்டுக் கொள்கிறது.
Read more...
Tuesday, 19 July 2011

மாட்டுவண்டி எது? மெட்ரிக்குலேசன் பாடத்திட்டமா? சமச்சீர் கல்வி பாடத்திட்டமா?

0 comments
“ஏழை மற்றும் கிராமப்புற மாணவர் களைக் கேவலப்படுத்திவிட்டது தமிழக அரசின் க்கான ஆய்வுக் குழு” - ஆதங்கமும், வேதனையும் ஒரு சேரப் பொங்குகிறது மூத்த கல்வியாளரும் முன்னாள் துணைவேந்தருமான வசந்தி தேவியின் குரலில்!
சமச்சீர் கல்வி தொடர்பான விவா தங்கள் நீதிமன்றத்தில் அனல் பறக்கும் நேரத்தில், அவரை சந்தித்தோம். “நீதி மன்ற விசாரணை நடந்துகொண்டு இருக் கும்போதே, புத்தகங்களை அச்சடித்து நீதி மன்றத்தின் கண்டனத்துக்கு உள்ளாகி யிருக்கிறது தமிழக அரசு. இப்படி ஓர் அறிக்கையை அரசு நியமித்த குழுவினர் கொடுப்பார்கள் என்று நீதிமன்றமே எதிர் பார்க்கவில்லை. அரசு மீது நம்பிக்கை வைத்து, நீதிமன்றம் அரசையே ஒரு குழு அமைக்கச் சொன்னது. ஆனால், சமச்சீர்க் கல்வித்திட்டத்தை எதிர்த்தவர்களைக் கொண்டே குழு அமைத்தது அரசு. அத னால்தான், இப்படி ஒரு மோசமான அறிக் கையை அவர்கள் தாக்கல் செய்திருக் கிறார்கள்.

‘இந்தப் பாடத்திட்டத்தைக் கற்றுக் கொள்ள முடியாது. நகர்ப்புற, வசதியான மாணவர்களால் மட்டுமே முடியும்...’ என் றெல்லாம் அறிக்கையில் குறிப்பிட்டுள் ளார்கள். இன்று குறைந்த வசதிகளை மட் டுமே கொண்டு, 100 சதவிகிதம் தேர்ச்சி பெறும் கிராமப்புறப் பள்ளிகளை நான் காட்டவா? மொத்தத்தில் இது பாடத் திட்டம் தொடர்பான பிரச்சனையே இல்லை. கல்விக் கட்டணக்கொள்ளையடிக்கும் கும்பலுக்கும் - நியாயமான, சமச்சீரான கல்வி வேண்டும் என்பவர்களுக்குமான போராட்டம் என்பது தான் உண்மை!

மத்திய அரசின் கட்டாயக்கல்விச் சட் டம், ‘ஒவ்வொரு பள்ளியும் அருகில் இருக் கும் பகுதியைச் சேர்ந்த ஏழை, ஒடுக் கப்பட்ட மற்றும் பின்தங்கிய மாணவர் களுக்காக, பள்ளியில் 25 சதவிகிதம் இட ஒதுக்கீடு செய்ய வேண்டும்’ என்கிறது. இதைக் கடுமையாக எதிர்க்கின்றன மெட் ரிக்குலேசன் பள்ளிகள், சென்னையில் இருக்கிற ஒரு பள்ளி ஒருபடி மேலே போய், மிகவும் கண்டனத்துக்குரிய சர்க்குலர் ஒன்றை பெற்றோருக்கு அனுப்பி இருக் கிறது.

அதில், ‘மத்திய அரசு சட்டத்தின்படி

25 சதவிகிதம், ஏழை, பாமரக் குழந்தை களுக்கு இடஒதுக்கீடு செய்தால், உங்கள் குழந்தைகளின் கல்வி கற்கும் திறன் பாதிக் கும். அவர்களோடு இணைந்து உங்கள் குழந்தைகள் படித்தால், உங்கள் குழந்தை கள் பாழாகிவிடுவார்கள். தகுதியற்ற, ஒழுங் கீனமான குழந்தைகளை உங்கள் குழந் தைகளுடன் ஒன்றாகப் படிப்பதை ஏற்றுக் கொள்ள முடியாது. இதனால் எங்கள் ஆசிரியர்களின் நேரமும் வீணாகிறது. எனவே, இந்தச்சட்டத்தை எதிர்த்து நீங்கள் போராட்டம் நடத்த வேண்டும்’ என்று குறிப்பிட்டுள்ளது. இந்தப் பள்ளியின் தாளா ளரைத்தான் சமச்சீர்க் கல்வி ஆய்வு கமிட் டியில் தமிழக அரசு நியமித்து உள்ளது. இவர்களிடம் இருந்து நியாயமான அறிக் கையை எப்படி எதிர்பார்க்க முடியும்?

முதலில், நீதிமன்றம் இந்தக்குழுவி னரிடம் சமச்சீர்க் கல்வித்திட்டம் வேண் டுமா.. வேண்டாமா? என்று கேட்கவில்லை. எந்தப் பாடத்திட்டம் தரமானது என்றுதான் கேட்டது. ஆனால் இவர்களாகவே, ‘சமச் சீர் கல்வித்திட்டம் வேண்டாம்’ என்கிறார் கள். அதைச் சொல்லவேண்டியது நீதிமன் றம் மட்டுமே!

தேசியக் கலைத் திட்டத்தில் உள்ள கல்வி ஆராய்ச்சி மற்றும் பயிற்சிக்கான குழுதான், தேசிய அளவில் பள்ளிக்கல்விக் கான பொதுவான வழிகாட்டுதல்களைக் கொடுக்கிறது. கேரளா மற்றும் இமாசலப் பிரதேசத்தில் இதனடிப்படையில் மிகத்தர மான கல்வித்திட்டத்தை போதிக்கிறார்கள். இந்தக் குழுவின் வழிகாட்டுதலைக் கொண்டு சமச்சீர்க் கல்வித் திட்டத்தை உருவாக்கி இருக்கிறார்கள். ஆனால்,அதில் உப்புச் சப்பு இல்லாத குறைகளைக் கண்டுபிடித் துள்ளது அரசின் ஆய்வுக்குழு. மெட்ரி குலேசன் பாடத்திட்டத்தில் ஆயிரம் குறை களையும் ஓட்டைகளையும் நான் கண்டு பிடித்து சுட்டிக்காட்டவா?

‘சமச்சீர்க்கல்விப் பாடத்திட்டம், குழந் தைகள் மீதான சுமையை அதிகப்படுத்து கிறது. வயதுக்குத் தகுந்த கல்வி இல்லை’ என்று குறிப்பிட்டுள்ளனர். மெட்ரிக்குலே சன் பள்ளிகள்தான் ‘நீயா... நானா?’ என்ற போட்டியில் குழந்தைகள் மீது அதிகமான சுமையை சுமத்துகின்றன. எட்டாம் வகுப் பில் கற்க வேண்டிய கல்வியை, ஐந்தாம் வகுப்பில் சொல்லிக்கொடுக்கிறார்கள். இப்படிச் சொல்லிக் கொடுப்பதுதான், தரமற்ற கல்வி; திணிக்கப்படுகிற கல்வி. நீங் கள்தான் வயதுக்குத் தகுந்த கல்வியைக் கொடுக்காமல் குழந்தைகளின் மூளைத் திறனை மழுங்கடிக்கிறீர்கள்.

பத்திரிகையாளர் சோ, ‘சமச்சீர்க்கல்வி திட்டத்தை மாட்டு வண்டியுடன் ஒப்பிட்டு’ எழுதியிருக்கிறார். அனைத்துத்துறை வல்லுநர்கள் இணைந்து உருவாக்கியதுதான் சமச்சீர்க்கல்வி. மெட்ரிக்குலேசன் தேர்வுகளில் சாய்ஸ் நிறைய உண்டு. அதனால், அதைக் கற்பிக்கும் ஆசிரியர்களும், ‘குறிப்பிட்ட பகுதியை மட்டும் படி’ என்று மாணவர்களுக்கு அறிவுறுத்துகிறார்கள். அதை மட்டுமே படித்து தேர்வு எழுதுகிறான் மாணவன். ஆனால் சமச்சீர்க்கல்வியில் சாய்ஸ் கிடையாது. முழுப்புத்தகத்தையும் படித்து, மெத்த அறிவு பெறுகிறான் மாண வன். இப்போது சொல்லுங்கள், மெட்ரிக்கு லேசன் பாடத்திட்டம், மாட்டு வண்டியா? சமச்சீர்க்கல்வி பாடத்திட்டம், மாட்டுவண் டியா?” கேள்வியுடன் முடிக்கிறார் வசந்தி தேவி.

பதிலும் தீர்வும் நீதிமன்றத்தின் தீர்ப்பில் உள்ளது!
Read more...
Monday, 18 July 2011

மாணவர்கள் வரவேற்பு : உயர்நீதி மன்ற தீர்ப்பை அமுல்படுத்துக

0 comments



இந்திய மாணவர் சங்கம் சார்பில் புதுவை ராஜா திரையரங்கு அருகில் சமச்சீர் கல்வி அமுல்படுத்த கோரிய உயர்நீதிமன்ற சமச்சீர் கல்விபை வரவேற்று பொது மக்களுக்கு இனிப்பு வழங்கி மகிழ்ச்சியை பகிர்ந்துகொள்ளப்பட்டது.மேலும் தமிழக அரசு உச்சநீதிமன்றத்தில் மேல்முறையீடு செய்ய கூடாது என்றும்
மாணவர் சங்கம்  சார்பில் வலியுறுத்தி கண்டன குரல் எழுப்பப்பட்டது.இந்நிகழ்ச்சியில் மோதிலால் நேரு தொழில்நுட்ப கல்லூரி விடுதி மாணவர்கள் பெருமளவில் பங்கேற்றனர் என்பது குறிபிடத்தக்கது.SFI ல் இருந்து பிரதேச செயலாளர் ஆனந்த் , து.தலைவர் ரஞ்சித் ,மைய உறுப்பினர் வினோத்
உட்பட பலர் கலந்து கொண்டனர்.
Read more...
Sunday, 17 July 2011

கடும் நெருக்கடியில் இந்தியாவின் உயர்கல்வி..!

0 comments

பேராசிரியர் பிரபாத் பட்நாயக் எச்சரிக்கை
       இந்தியாவின் உயர்கல்வித் துறை மிக ஆழமான நெருக்கடிக்குள் பயணித்துக் கொண்டிருக்கிறது என்று பொருளாதார வல்லுநரும் கேரளத்திட்டக் கமிஷனின் முன்னாள் துணைத்தலைவருமான பேராசிரியர் பிரபாத் பட்நாயக் எச்சரித்துள்ளார்.
       வெங்காயத்தையும் உருளைக்கிழங்கையும் கூவி கூவி விற்பது போல இந்திய உயர் கல்வி என்பது இன்றைக்கு ஒரு முழுமையான வியாபாரப்பொருளாக மாற்றப்பட்டுவிட்டது என்று அவர் வேதனையுடன் குறிப்பிட்டுள்ளார்.
“உயர்கல்வி என்பது ஒரு அப்பட்டமான நுகர்பொருளாக மாற்றப்பட்டுவிட்டது; குறிப்பிட்ட நபர்களுக்கு மட்டுமே கிடைக்கக்கூடிய பொருளாகவும் மாற்றப்பட்டிருக்கிறது. கல்வித்துறையை முற்றிலும் வியாபாரமயமாக்கும் நடவடிக்கைகள், இந்திய கல்வியை நாசமாக்கும் நிலையை நோக்கி நகர்த்திச்செல்கிறது; இந்த நடவடிக்கை, இளைய தலைமுறையினர் சுதந்திரமாக சிந்திக்கிற, எதையும் துணிச்சலுடன் ஆராய்கிற மனநிலையை கடுமையாகத்தாக்குகிறது” என்பதை  பிரபாத் பட்நாயக்  சுட்டிக்காட்டியுள்ளார்.                                                                                                                
         கல்வி என்பது லாபம் சம்பாதிப்பதற்கான ஒரு தொழில் அல்ல என்று உச்சநீதிமன்றம் மிகத்தெளிவாக வரையறுத்துக் கூறியுள்ளது, ஆனால், நாடு முழுவதிலும் லாபம் சம்பாதிக்கிற கல்வி நிறுவனங்களை மட்டுமே நாம் பார்த்துக்கொண்டிருக்கிறோம் என்றும் அவர் கூறியிருக்கிறார்.
         மேற்கத்திய நாடுகளில் பிரபலமான பல்கலைக்கழகங்களாக புகழப்படும் ஸ்டான்போர்டு, ஹார்வர்டு, கொலம்பியா பல்கலைக்கழகங்கள் கல்வி அளிப்பது ஒன்றை மட்டுமே குறிக்கோளாகக் கொண்டு செயல்படுகின்றன; இந்த நோக்கத்திற்காக பல்கலைக்கழகங்களை நிறுவியவர்கள் அறக்கட்டளைகள் என்ற பெயரில் நிதியை திரட்டி கல்விக்காக செலவிடுகின்றனர் என்பதையும் அவர் சுட்டிக்காட்டினார்.
          நமது நாட்டில் தான் நிலைமை தலைகீழாக இருக்கிறது என்று கூறிய அவர், தேசத்தை கட்டமைப்பதில் உறுதிகொண்ட அறிவு ஜீவிகளை உருவாக்குகிற ஒரு கல்வி முறையே நமக்கு அவசியம் என்றும்  குறிப்பிட்டுள்ளார்.
Read more...
Saturday, 16 July 2011

தென் அமெரிக்கா: தொடரும் சிவப்பு அலை

0 comments
தென் அமெரிக்கா கண்டத்தில் உள்ள பெரு நாட்டின் குடியரசுத் தலைவருக்கான தேர்தல் ஜூன் முதல் வாரம் நடந்து முடிந்துள் ளது. தேர்தல் முடிவு, தென் அமெரிக்காவில் தொடர்ந்து அடித்து வரும் சிகப்பு அலை பெரு நாட்டையும் தாக்கியுள்ளது என்பதை தெளிவு படுத்தியுள்ளது. ஒலாண்டா ஹூமாலா என்ற இடதுசாரி தேசியவாதி 51 சதவீத வாக்கு களைப் பெற்று, அவரை எதிர்த்துப் போட்டி யிட்ட கெய்கோ ஃ பியூஜிமோரி என்ற பெண் மணியைத் தோற்கடித்துள்ளார். கெய்கோ ஃ பியூஜிமோரி பெருவின் முன்னாள் குடியர சுத் தலைவர் அல்ஃபெரடோ ஃபியூஜிமோரி யின் புதல்வியாவார்.2006ல் நடந்த தேர்தலில் மிகக் குறைந்த வாக்கு வித்தியாசத்தில் தோல்வியைத் தழுவிய ஹூமாலா இம் முறை வெற்றி பெற்றுள்ளார்.

சென்ற தேர்தலின் போது வெனிசுலா தலைவர் சாவேஸுடன் தனக்கு உள்ள நெருக்கத்தை வெளிப்படையாகக் காட்டிக் கொண்டார். சிகப்புச்சட்டை அணிந்து கொண்டே தேர்தல் பிரச்சாரத்தில் ஈடுபட் டார். அன்றிருந்த அமெரிக்க ஜனாதிபதி புஷ், பெரு நாட்டின் தேர்தலில் நேரடியாகத் தலை யிட்டு, ஹூமாலாவின் தோல்விக்கான அனைத்து நடவடிக்கைகளையும் எடுத்தார். விக்கி லீக்ஸ் கேபிள்ஸ் வெளியிட்டுள்ள தகவலில், அமெரிக்க அரசு 2006 பெரு தேர் தலை எவ்வாறு உன்னிப்பாகக் கவனித்து தலையிட்டது என்பது தெரியவந்துள்ளது.

இம்முறையும் பெரு நாட்டு வலதுசாரிகள், ஹூமாலா ஆட்சிக்கு வந்தால் சாவேஸின் பிரதிநிதியாகவே செயல்படுவார் என்று பிரச்சாரம் செய்தார்கள். சாவேஸ், ஹூமாலா மூலம் பெருவிற்கு பொலிவாரியன் புரட்சியை ஏற்றுமதி செய்வதற்கு முயற்சிக்கிறார் என்றார் கள். கெய்கோ ஃ பியூஜிமோரியின் வெற்றி யையே அமெரிக்கா விரும்பியது. கெய்கோ ஃபியூஜிமோரி வெளிப்படையாகவே அமெ ரிக்க ஏகாதிபத்தியச் சார்பையும், ஹூமாலா தென் அமெரிக்காவின் இன்றைய அரசியல் பொருளாதாரத்தின் காந்த சக்தியாகத் திகழும் பிரேசில் சார்பையும் வெளிப்படுத்தினார்கள். ஹூமாலாவின் வெற்றி பிரேசில் நாட்டு கம்பெனிகளுக்கு பெருவின் உலோக வளம் திறந்துவிடப்படும் என்று ஒபாமா தன் ஏமாற்றத்தைத் தெரிவித்துள்ளார். பெரு நாட்டின் உலோக வளத்திற்காக அமெரிக்க ஏகாதிபத்தியத்திற்கும் பிரேசில் நாட்டிற்கும் இடையில் நிலவும் போட்டி கூர்மையடைந்து வருவது புலப்படுகிறது.

பெருவின் தேர்தல் முடிவை அமெரிக்க ஏகாதிபத்தியம் தன்னுடைய மேலாதிக்கத் திற்கு ஏற்பட்டுள்ள தடையாகப் பார்க்கிறது. தென் அமெரிக்காவில் புதிதாகத் தோன்றி யுள்ள (ருசூஐளுஹசு) “தென் அமெரிக்க நாடுகளின் கூட்டமைப்பு” மற்றும் (ஹடுக்ஷஹ)” அமெரிக்கா வுக்கு எதிரான பொலிவாரியன் மாற்று” போன்ற ஏகாதிபத்திய எதிர்ப்பு கூட்டமைப்பு கள் அமெரிக்காவுக்கு எரிச்சலூட்டுவனவாக உள்ளன. சிலி, கொலம்பியா ஆகிய இரு நாடு களில் மட்டுமே அமெரிக்க ஆதரவு வலது சாரி அரசுகள் அமைந்துள்ளன. அதிலும் கொலம்பியாவில் புதிதாகத் தேர்ந்தெடுக்கப் பட்டுள்ள ஜனாதிபதி மேனுவல் சான்டாஸ் இடதுசாரிகள் பக்கம் ஈர்க்கப்படுவது அதிர்ச் சியைத் தருகிறது. ஜூலை 5ம் தேதி கெர காஷ் நகரில் கூடவிருக்கும் கரீபியன் மற்றும் இலத்தீன் அமெரிக்க அரசுகளின் சந்திப்பு (ஊநுடுஹஊ) மேலும் சலிப்பைத் தருகிறது. இக்கூட்டமைப்பில் அமெரிக்க ஐக்கிய குடியரசு மற்றும் கனடா தவிர அமெரிக்கா கண்டத்தில் உள்ள மற்ற நாடுகள் எல்லாம் ஒன்றுசேருகின்றன.

இம்முறை தேர்தல் பிரச்சாரத்தின் போது ஹூமாலா சாவேஸை அதிகம் முன்னிறுத் தாமல் மிதவாத இடதுசாரியாக அறியப்படும் பிரேசில் நாட்டின் முன்னாள் தலைவர் லூலா டி சில்வாவையே முன்னிறுத்தி தேர்தல் பிரச்சாரம் செய்துள்ளார். தான் ஆட்சிக்கு வந்தால் பிரேசில் நாட்டில் லூலா டி சில்வா சாதித்ததை எல்லாம் சாதித்துக் காட்டுவேன் என்று சொல்லியுள்ளார். பெரு நாட்டின் இயற் கை வளங்களை பன்னாட்டு பகாசுரக் கம்பெ னிகள் கொள்ளையடிப்பதை தடுத்து நிறுத்தி, பெரு நாட்டு உலோக வளங்களைப் பாதுகாப் பேன் என்று உறுதி கூறியுள்ளார். தனது வெற் றிக்குப் பின் ஹூமாலா பிரேசில் நாட்டுக்குச் சென்று பிரேசிலின் இந்நாள், முன்னாள் ஜனாதிபதிகளைச் சந்தித்து ஆதரவைத் திரட்டியுள்ளார். மிகப் பெரிய உலோக வளங் களைக் கொண்டிருந்தாலும் பெரு நாட்டில் வறுமை 30 சதவீத மக்களை பெரிதும் பீடித் துள்ளது. 8 சதவீத மக்கள் கொடிய வறுமை யில் உழல்கின்றனர். நாட்டின் இயற்கை வளத் தின் பலன்களை ஏழை எளிய மக்களுக்குச் சேர்ப்பேன் என்றும் கூறியுள்ளார். 65 வயதைக் கடந்த மூத்த குடி மக்களுக்கு முதியோர் பென்சனையும் உத்தரவாதப்படுத்தியுள்ளார்.

சந்தைப் பொருளாதாரம் பெரு நாட்டின் பெரும் பகுதி மக்களைப் பாதித்துள்ளதையும் சுட்டிக் காட்டியுள்ளார். பெரு நாட்டு மக்க ளுக்கு ஹூமாலாவிடம் பெரிய எதிர்பார்ப்பு உள்ளது. அருகாமையில் உள்ள நாடுகளில் தோன்றியுள்ள இடதுசாரி அரசுகள் மக்கள் நல அரசுகளாகச் செயல்பட்டு, மக்களின் வறு மையைப் போக்க முயற்சிப்பது போல் பெரு விலும் ஹூமாலா நல்ல மாற்றங்களைக் கொண்டு வருவார் என்று எதிர்பார்க்கப்படு கிறது. மண்ணுக்குச் சொந்தக்காரர்களான அமெரிந்தியர்களின் ஒப்புதல் இல்லாமல் அவர்களின் இயற்கை வளங்களை எந்த பன்னாட்டு கம்பெனிகளும் கொள்ளையடிக்க விடமாட்டேன் என்று ஹூமாலா சூளுரைத் துள்ளார். விடியலுக்காகக் காத்திருக்கும் பெரு நாட்டு மக்களின் நம்பிக்கை வீண் போகாது என்று நம்புவோம்.

பேரா.பெ.விஜயகுமார்
Read more...

சமச்சீர் கல்வியை வலியுறுத்தி - கட்டணக் கொள்ளையைக் கண்டித்து ஜூலை 16 தமிழகம் மற்றும் புதுச்சேரியில் மாணவர்கள்

0 comments
கல்வி வியாபாரத் தீயில் வெந்து மடிந்த குடந்தை குழந் தைகள் நினைவு தினத்தன்று சமச்சீர் கல்வியை சீரழிக்க துடிக்கும் அதிமுக அரசின் தொடர் நடவடிக்கைகளை கண்டித்து ஜூலை 16அன்று மாநிலம் தழுவிய ஆர்ப்பாட் டம் நடத்த இந்திய மாணவர் சங்கம் முடிவு எடுத்துள்ளது.

இந்திய மாணவர் சங்கத்தின் மாநிலக்குழு கூட்டம் மாநிலத் தலைவர் கே.எஸ்.கனகராஜ் தலைமையில் திருவள்ளூர் மாவட்டத்தில் நடைபெற்றது. கூட்டத்தில் எதிர்கால இயக்க நடவடிக்கைகள் குறித்து விவா திக்கப்பட்டது.

அதிமுக அரசு ஆட்சி பொறுப் புக்கு வந்த உடனே, சமச்சீர் கல் விக்கான பாட புத்தகங்கள் தரமில்லையென்று நிறுத்தி வைத்திட தொடர் முயற்சி களை எடுத்ததோடு, அரசின் நீதிமன்ற நடவடிக்கைகளும் சமச்சீர் கல்வியை முடக்குவது என்ற அடிப்படையிலேயே அமைந்துள்ளது. உச்சநீதி மன்ற உத்தரவின்படி அமைக் கப்பட்ட வல்லுனர் குழுவில் தனியார் பள்ளி முதலாளி களை கல்வியாளர்கள் என்ற பெயரில் திணித்தது. மேலும், இக்கமிட்டி நான்கு முறை மட் டுமே கூடியது. 4 ஆயிரத்திற் கும் மேற்பட்ட பக்கங்களை கொண்ட 38 புத்தகங்களையும் இந்த குறுகிய நாட்களில் 9 பேர் கொண்ட கமிட்டி ஆய்வு செய் வது சாத்தியமற்ற ஒன்று என் றாலும், அரசு சார்பில் கொடுக் கப்பட்ட அறிக்கையில், பாடத் திட்டங்கள் தரமில்லை; புத்த கங்களில் எழுத்துப் பிழைகள் உள்ளன என்று பொத்தாம் பொதுவாக குறிப்பிட்டுள்ள னர். அரசு வழக்கறிஞர்களின் வாதம் எந்தவிதத்திலும் ஏற்க தக்கதல்ல. பள்ளிகள் துவங்கி ஒரு மாத காலத்திற்கு மேலாகி யும் மாணவர்கள் எந்த நூல் களை படிப்பதென்று தெரியா மல் மன உளைச்சலுக்கு உள் ளாகியுள்ளனர். ஆகவே, உயர் நீதிமன்றம் சமச்சீர் கல்வி பொதுப் பாட நூல்களை தேவை யான மாற்றங்களோடு நடப்பு கல்வி யாண்டிலேயே நடைமுறைப் படுத்தும் வகையில் விரைந்து தீர்ப்பை வழங்கிட வேண்டு மென மக்கள் எதிர்பார்க்கின் றனர்.

அதே போன்று தனியார் பள்ளி கட்டணக் கொள்ளை யை உறுதியாக அரசு தடுத்திட வேண்டும். கூடுதலாக வசூலிக் கும் பள்ளியின் மீது உரிய நட வடிக்கை எடுக்க வேண்டும். அரசு மற்றும் அரசு உதவிப் பெறும் பள்ளிகளில் கட்டாய நன்கொடை என்ற பெயரில் ஆயிரக்கணக்கில் வசூலிப் பதை தடுத்திட வேண்டும்.
Read more...

தேசத்தை நேசிப்பவரை நேசமுடன் வாழ்த்துகிறோம்...

0 comments
 தோழர் சங்கரய்யாவுக்கு  இன்று வயது 90                                          
        
           சுதந்திர போராட்ட வீரரும், தமிழகப் பொதுவுடைமை இயக்கத்தின் மூத்த முன்னோடிகளில் ஒருவரும், மார்க்சிஸ்ட் கம்யூனிஸ்ட் கட்சியின் மத்திய கட்டுப்பாட்டுக்குழுத் தலைவருமான தோழர் என். சங்கரய்யா அவர்கள் இன்று 90-வது பிறந்த நாள் காண்கிறார்.
        மாணவப் பருவத்தில், விடுதலைப் போராட்டத்தில் ஈடுபட்டதில் துவங்கிய அவரது தூய பொது வாழ்க்கை இன்றும் தொய்வின்றித் தொடர்கிறது.
       விடுதலைப் போராட்டத்தின் போதும், அதன் பின்னரும் சிறைவாசம்- சதி வழக்குகள்- அடக்கு முறைகளை இன்முகத்துடன் எதிர்கொண்டவர்.
       மார்க்சிஸ்ட் கம்யூனிஸ்ட் கட்சியின் தமிழ்நாடு மாநிலச் செயலாளர்- மத்தியக்குழு உறுப்பினர்- தீக்கதிர் ஆசிரியர் என தரப்பட்ட பொறுப்புக்களை திறம்பட நிறைவேற்றியவர். செம்மலர் இலக்கிய ஏடு- தமிழ்நாடு முற்போக்கு எழுத்தாளர் சங்கம் உருவாக மூல வித்துக்களில் ஒருவராக இருந்தவர்.
    மேடையில் ஏறினால் கோடை இடி - நேசத்தோடு பழகுவதில் முல்லைக்கொடி!
         இன்றும் சுடர்விடும் தேசபக்தி, தளராத தமிழ்க்காதல், களங்கமற்ற பொதுவாழ்க்கை எனத் தொடரும் தொண்டறத்தால் இன்றும் என்றும் அவர் இளைஞர்தான்.
        தேசத்தை நேசிப்பவரை  நேசமுடன் வாழ்த்துகிறோம்...  
Read more...

அரசியல் எனக்கு பிடிக்கும்...!

0 comments
அன்றாட வாழ்வில் அரசியல்
-அறிவுக்கடல்
         மாணவர்களுக்கு சொல்லித்தரப்பட வேண்டியது அன்றாட வாழ்வில் அறிவியல். எதற்காக என்றால் அன்றாடம் நம் வாழ்வில் நடக்கும் 
நிகழ்ச்சிகள் ஏன், எப்படி, எதனால் நடக்கின்றன என்பதை அவர்கள் புரிந்து கொள்ள வேண்டும் என்பதற்காக; அது புரிந்துவிட்டால் பிரச்சனைகளை சுலபமாகக் கையாள, எதிர்கொள்ள முடியும் என்பதற்காக. வெயிலில் விளையாடக் கூடாது என்று சொல்வதைவிட, வெயிலில் விளையாடுவதால் ஏற்படும் பிரச்சனைகளை அறிவி யல் பூர்வமாக விளக்கிவிட் டால் அவர்களே அதற்கு ஏற்ப மாற்றிக் கொள்வார்கள் அல்லவா? மாணவர்களுக்குப் புரிய அறிவியல்! நமக்கு? நமக்குப் புரிய வேண்டியவை பிரச்சனைகள்! நாம் எல்லாவற்றிலும் சரியாக இருந்துவிட்டால் நமக்கு பிரச்சனை இல்லாமல் இருக்கிறதா? தனிப்பட்ட பிரச்சனைகளை விடுங்கள்! விலைவாசி உயர்வு, மின்வெட்டு போன்று நம் அனைவருக்கும் ஏற்படும் பிரச்சனைகளின் பின்னணி?

         அரசியல் பேசலாமா, கூடாதா? “எனக்கு அரசியலே பிடிக்காது சார்!”, “அரசியலே சாக்கடை சார்!”. இதெல்லாம் நம்மில் பலர் பெருமையாகக் கூறிக் கொள்ளும் சொற்கள்! ஆனால், அடுத்தமாதம் நம் வீட்டு சமையற்கட்டுக்கு வரப் போகும் கேஸ் சிலிண்டரின் விலை என்ன என்பதை முடி வெடுக்கப் போவது அரசியல் தான்! நாம் விரும்பினாலும், விரும்பாவிட்டாலும் நாம் சந் திக்கும் பிரச்சனைகளின் அடிப்படை அரசியலாக இருக்கும்போது பேசாமல் இருப்பது சரியா?

                 ஒரு மாணவன் அரசியல் பேசினால் கேட்கப்படுகிற கேள்வி “படிக்கிற காலத்தில் அரசியல் தேவையா?”, வேலைக்குப் போனபின் பேசினால் “அரசு ஊழியருக்கு அரசியல் கூடாது!” ஓய்வு பெற்றபின் பேசினால் “காலம் போன கடைசியில் அரசியல் தேவையா?”. பின் எப்போதுதான் அரசியல் பேசுவது? உண்மையில் அதே மாணவனின் கல்வியில் இருந்து மக்களின் பொதுவான தேவைகள் அனைத்தும் அரசியல் முடிவுகளுக்குட்பட்டே கிடைக்கின்றன.

             நோய் முதல் நாடித்தான் அது தணிக்க முடியும் என்பது வள்ளுவர் வாக்கு. அது தெரியாததால்தான், மின்வெட்டுக்கு மின்வாரிய ஊழியர்கள் மீது கோபம் வருகிறது. தவறான இடத்தில் கோபப்பட்டு நம் சக்தியை வீணாக்குகிறோமே தவிர, பிரச்சனைக்குத் தீர்வு கிடைப்பதில்லை. உண்மையில் சரியான இடத்தில் தீர்வு கேட்டுப் போராடுபவர்களோடு துணை நிற்காமல் பிரச்சனையுடனே வாழப் பழகிக் கொள்கிறோம். நம் பொதுவான பிரச்சனைகள் அனைத்திலும் தீர்மானிக்கும் சக்தியாக அரசியலே உள்ளபோது, அதைப் பற்றிப் பேசாமல் ‘அது தணிக்கும் வாய்’ நாட முடியாதே?

நன்றி : சங்கக் குரல்
Read more...
Thursday, 14 July 2011

நித்யானந்தாவின் பின்னால் இருப்பவர்கள் யார்? அம்பலமாகிறது!

0 comments
  • வந்துவிட்டார் ரஞ்சிதா புகழ் நித்யானந்தா!
  • தினமலர், தினமணி, ஜெயா டி.வி.க்கு நன்றி கூறினார்
  • பாரதீய ஜனதாவைப் பாராட்டிப் பேட்டி
சென்னை, ஜூலை 14- பாலியல் விவகாரத்தில் சிக்கி ஊர் சிரித்த நித்யானந்தா நேற்று சென்னையில் செய்தியாளர்களைச் சந்தித்து தான் ஏதோ உத்தமப் புத்திரன் போல காட்டிக் கொள்ள முயற்சி செய்தார். செய்தியாளர்களின் கேள்விகளுக்குப் பதில் சொல்ல முடியாமல் திணிறினார்.  இவருக்குப் பின் ஒரு மீடியா சக்தி - அரசியல் சக்தி இருக்கிறது என்பதை அவரின் பேட்டி  புலப்படுத்தியது.
வதை வாங்கிய ஒலிவாங்கி
செய்தியாளர்களை ஒரு மணி நேரத்திற்கு மேல் காக்க வைத்து, பின்னர் பேட்டிக்குத் தயார் என்ற நிலையில் அரங்கினுள் நுழைந்தார் நித்யானந்தா.  அவர் மேடையில் அமர்ந்து பேட்டி அளிக்கத் தொடங்கியபோது 20 நிமிடங்களுக்கு ஒலிவாங்கி வேலை செய்யவில்லை. ஒலி வாங்கி (Mike) செயல்படத் தொடங்கியதும் ஒலி பெருக்கி வேலை செய்ய மறுத்தது. இதனால் கோபமடைந்த ஒளிப்பதிவாளர்கள் குரல் கேட்காவிட்டால் பேட்டி தேவையில்லை என்று குரல் கொடுத்தனர். சாமி, உங்க Power- அய் வச்சு சரி பண்ணுங்க என்று கேட்ட குரலுக்கும் புன்சிரிப்புடனே அமர்ந்திருந்தார்.
செய்தியாளர்கள் எதிர்ப்பு!
தான் சிக்கலில் இருந்தபோது தினமலர், தினமணி, தினந்தந்தி, ஜெயா டி.வி., ராஜ் டி.வி. போன்ற ஊடகங்கள் சரியாக நடந்து கொண்டதாகவும், அதற்காக அவர் களுக்கு நன்றி தெரிவித்துக் கொள்வதாகவும் தெரிவித் தார் நித்யானந்தா.  தன்னை அவதூறு செய்தவர்கள் என்று சில ஊடகங்களைத் தெரிவித்த நித்யானந்தா அவர்களை நோக்கித் துப்பியும், தனது பக்தர்கள் அவர்களின் உருவங்களை செருப்பாலடிப்பார்கள் என்றும் கூறி அநாகரீகமாக நடந்து கொண்டார்.
மேலும் நாய் போலக் கடித்தவர்கள் என்றும் ரவுடித்தனம் செய்வதாகவும் ஒரு சில பத்திரிகைகள் குறித்து அவர் எழுப்பிய விமர்சனத்துக்கு கடும் கண்டனம் தெரிவித்த பத்திரிகையாளர்கள் அவர் சொன்னதைத் திரும்பப் பெற வேண்டும் என்று கூச்சல் எழுப்பினர்.
காவல்துறை தலையிட்டதால்  கொதிப்படைந்த பத்திரிகையாளர்கள் தாங்கள் வெளிநடப்பு செய்வதாக அறிவித்தனர். பின்னர் காவல்துறையினரை வெளியேறச் சொல்லி நித்யானந்தா கேட்டுக் கொண்டார். இருப்பினும், தொடக்கம் முதல் சூழ்ந்தும், ஆங்காங்கு பத்திரிகையாளர்களோடு அமர்ந்து கண்காணித்துக் கொண்டும், கைதட்டி ஆரவாரம் செய்தும் எரிச்சல் ஊட்டிய நித்யானந்தாவின் பக்தர்களை அடக்கி வைக்குமாறும் கூச்சல் எழுப்பினர்.
மித்ர பேதம் செய்த நித்யானந்தா
பேட்டி தொடங்கியதிலிருந்து குறிப்பிட்ட பத்திரி கையையும், தொலைக்காட்சியையும் மட்டும் குற்றம்சாட்டி, அந்த ஊடகங்களின் நிருபர்களை அவமானப்படுத்தும் விதமாகப் பேசி மற்ற பத்திரிகைகளுக்கும் குறிப்பிட்ட ஊடகங்களுக்கும் இடையே மித்ரபேதம் செய்தபடியே இருந்தார். அவருடைய முயற்சியும் வென்றது. எப்போதும் பத்திரிகா தர்மம், பத்திரிகையாளர் உரிமைபற்றிப் பேசும் மூத்த பத்திரிகையாளர்கள் என்போர், எந்தக் கேள்வியும் எழுப்பாமல், அமைதி காத்ததன் பின்னணியில் இருப்பது என்ன? என்ற கேள்வி எல்லோர் மனதிலும் எழுந்தது.
அறிவியல் ஆன்மீக ஆராய்ச்சியாம்!
ஜூலை 15 ஆம் தேதி குரு பவுர்ணமி நாளாகக் கொண்டாடப்பட இருப்பதாகவும், பெங்களூர் பிடதியில் உள்ள தங்கள் தலைமையகத்தில் ஆன்மீக குண்டெலினி சக்தியை எழுப்பும் அறிவியல் ஆன்மீக ஆராய்ச்சியை சர்வதேச அறிவியலாளர்கள் முன்னிலையில் செய்து காட்ட இருப்பதாகவும், அந்த ஆராய்ச்சி மூலம் பல்வேறு நோய்களைக் குணப்படுத்த முடியும் என்றும் தெரிவித்தார்.  ரேடியேஷன் மூலமாக 40 விழுக்காடு மட்டுமே புற்றுநோய் போன்றவை குணமாகும் என்றும், குண்டெலினியை எழுப்புவதன் மூலம் 1300 விழுக்காடு அதிகமாக சக்தி கிடைக்கும் என்றும் ஓரிரு நிமிடங்கள் அந்தரத்தில் பறக்க முடியும் என்றும் தெரிவித்தார். செல் எனர்ஜியை அதிகப் படுத்த முடியும் என்று அவர் சொல்லத் தொடங்கும் போதெல்லாம் தொந்தரவு செய்த ஒலிவாங்கியை மட்டும் அவரால் கட்டுப்படுத்த முடியவில்லை. யாரந்த அறிவியலாளர்கள் என்ற கேள்விக்கும் பெயரைச் சொல்லாமல் மழுப்பினார் நித்தியானந்தா.
இணையத்தில் அதிகமாக பார்க்கப்பட்ட குரு நான்தான்!
தான் எழுதிய நூற்றுக்கணக்கான நூல்களையும், ஆயிரக்கணக்கான மணி நேரம் ஆற்றிய உரைகளையும் உலகம் முழுக்க உள்ள நாடுகளில் பக்தர்கள் மதிப்பதாகவும், இணையத்தில் அதிக நேரம் பார்க்கப்பட்ட  இளைய குரு நான்தான் என்றும் தெரிவித்தார். அதற்கு முன்பு, தனது ஆபாச வீடியோவைப் போட்டு நக்கீரன் இணையம் அதிகமான வாசகர்களைச் சென்றடைந்திருப் பதாக alexa.com அறிக்கையை ஆதாரமாகக் காட்டிப் பேசியதைத்தான் தன் பெருமையாகச் சொல்கிறாரோ என்று செய்தியாளர்கள் சந்தேகப்பட்டனர்.
பதில் சொல்ல மறந்த (மறுத்த) கேள்விகள்
சொத்து மதிப்பு? பெப்பெப்பே....!
120 நாடுகளில் கிளைகள் உள்ளதாகப் பெருமை பேசிய நித்யானந்தாவிடம் உங்களின் மொத்த சொத்து மதிப்பு எவ்வளவு? என்று செய்தியாளர்கள் கேட்டதும், திடுக்கிட்டுப் போன சாமியார் சமாளித்துக் கொண்டு, ஆங்காங்கு வரும் வருவாயைக் கொண்டு பக்தர்கள் கிளைகளை நடத்துவதாகவும், அவற்றின் பொருளாதாரக் கட்டுப்பாடு தன்னிடம் இல்லை என்றும் சொன்னார். ஆனால் கடைசிவரை தன் சொத்து மதிப்பு - ஆசிரமத்தின் சொத்து மதிப்பு விவரங்களைத் தவறியும் வெளியிடவில்லை.
தொலைக்காட்சியில் காட்டப்பட்ட வீடியோவும், தடயவியல் ஆராய்ந்த வீடியோவும் ஒன்றுதானா? என்று தமக்குத் தெரியவில்லை என்று குறிப்பிட்ட நித்யானந் தாவிடம், அப்படியென்றால் தொலைக்காட்சியில் காட்டப்பட்டதை விட வேறு காட்சிகளும்  உள்ளனவா? அவை உண்மையானவையா? என்ற கேள்விக்கு பதில் சொல்லாமல் தப்பித்தார் சாமியார்.
குறிப்பிட்ட பத்திரிகைகளின் சார்பில் தங்களை மிரட்டியோர், பணம் கொடுத்தால் வழக்கிலிருந்து விடுவித்து விடுவதாக பேரம் பேசினார்கள் என்று குற்றம் சாட்டினார் நித்தியானந்தா. அப்படியானால் காவல்துறை இதில் கூட்டுச் சதி செய்தது என்று குற்றம் சாட்டு கிறீர்களா? என்ற கேள்விக்கும் பதில் சொல்லாமல் தவிர்த்துவிட்டார்.
தங்களை அரசியல் ஆதிக்கம்தான் கைது செய்யச் செய்தது என்று குற்றம் சாட்டியவரிடம், உங்களைக் கைது செய்தது பெங்களூர் காவல்துறை அல்லவா? அங்கு ஆளும் எடியூரப்பாவும், பி.ஜே.பி.யும் உங்களுக்கு எதிராக சதி செய்தார்களா? என்ற கேள்விக்கு, அவர்கள் தங்களுக்கு ஆதரவாக இருப்பதாகவும், பி.ஜே.பி.யை தான் குற்றம் சொல்ல மாட்டேன் என்றும் உதறிக் கொண்டார்.
மடாதிபதிகள் சுயநலவாதிகளா? உங்களுக்கு ஆதரவாக, எந்தவொரு சாமியாரும், மடாதிபதியும் ஆதரவு தரவில்லையே என்று கேட்கப் பட்டதற்கு, அவர்களைக் குறை சொல்ல மாட்டேன். அவர்களை சுயநலவாதிகள் என்றும் நான் சொல்ல மாட்டேன். அவர்கள் தங்களைக் காத்துக் கொள்ள அவ்வாறு இருந்திருக்கலாம் என்றார். தனக்கு நேர்ந்தது இந்து மதத்தின் மீதான மதத் தாக்குதல் என்றும் குற்றம் சாட்டினார். உங்கள் மடங்களைத் தாக்கியதும் படங்களை எரித்ததும் இந்து மக்கள் கட்சி என்போர்தானே? என்று  கேட்டதற்கு, யாரு அர்ஜூன் சம்பத்தா? அவருடைய பொண்டாட்டியையே அவரால் இந்து மதத்தல் தக்க வைத்துக் கொள்ள முடியவில்லை என்று இந்து மக்கள் கட்சித் தலைவர் அர்ஜுன் சம்பத் பற்றி சொல்லத் தொடங்கியவர் பாதியில் நிறுத்தி விட்டு நமுட்டுச் சிரிப்பு சிரித்தார். சரசம்... சல்லாபம்... சாமியார் என்று தன்னைப்பற்றி குமுதம் ரிப்போர்ட்டரில் தொடர் எழுதிய சாருநிவேதிதா பணம் சம்பாதிப்பதற்காக அவ்வாறு செய்ததாகவும், அவருடைய மனைவியே சாருவைக் குறித்து எழுதிய அந்தரங்கக் கடிதத்தை வெளியிடுவதாகவும் கூறி 9 பக்கக் கடிதத்தை வெளியிட்டார் நித்யானந்தா.
அதற்கு முன்பு உங்களைப் பாராட்டி எழுத எவ்வளவு பணம் கொடுத்தீர்கள்? என்று கேள்வி எழுப்பினர் பத்திரி கையாளர்கள்.
அதுதான்... அது இல்லை... அதுவும் இதுவும்
அத்துமீறி (Trespass)  (தனது அறையில்) எடுக்கப்பட்ட காட்சிகளுடன், அதன் மேல் மார்பிங் செய்து வீடியோ வெளிவந்திருப்பதாக முதலில் கூறிய நித்யானந்தா, பிறகு மற்றொரு கேள்விக்கு பதிலளித்த போது, மொத்தக் காட்சிகளும் அவதார் படத்தைப் போல மார்பிங் செய்யப்பட்டது என்றும் அதில் தன் உருவம் இல்லை என்று கூறினார். பிறகு அது தனது அறையே இல்லை என்றும் கூறினார். மற்றொரு கேள்விக்கு பதிலளிக்கும்போது, தொலைக்காட்சியில் ஒளிபரப்பட்ட வீடியோவை தான் சரியாக பார்க்கவில்லை என்றும் கூறினார். முன்னுக்குப் பின் முரணாகவே அவரது பதில்கள் இருந்தன.
இது மார்பிங் தான் என்று அமெரிக்காவின் ஹிண்டு பெடரேசன் என்ற அமைப்பு ஆய்வு செய்து தெரிவித்திருப் பதாக கூறினர் நித்யானந்தா. வேலிக்கு ஓணான் சாட்சி! ஆனால் கருநாடகக் காவல்துறையோ, இவை மார்பிங் அல்ல; உண்மையான காட்சிகளே என்று சான்றிதழ் தந்துள்ளது என்பது குறிப்பிடத்தக்கது.
பேசத் தொடங்கியது முதல் அருவருப்பான தடித்த வார்த்தைகளைப் பயன்படுத்தி வந்த நித்யானந்தா, தனது தற்காப்புக்காகவே தடித்த வார்த்தைகளைப் பயன்படுத்து வதாகத தெரிவித்தார். கழுத்தில் கிடந்த நித்யானந்தா டாலரை கையால் சுற்றி விளையாடியபடியே இருந்த மேடையில் அமர்ந்திருந்த நடிகை ரஞ்சிதா பத்திரிகையாளர்கள் கேள்விக்கு பதில் சொல்ல மறுத்து, தான் ஏற்கெனவே எல்லாவற்றையும் சொல்லி விட்டதாகத் தெரிவித்தார்.
வாய்மூடிக் கிடந்த ஆங்கில ஊடகங்கள்
எந்த ஒரு பேட்டி என்றாலும் முண்டி அடித்துக் கொண்டு பிறரைக் கேள்வி கேட்க விடாமலும், பேட்டியாளரை பதில் சொல்லவிடாமலும் துளைத் தெடுக்கும் ஆங்கில ஊடகங்கள் நித்தியானந்தாவிடம் மட்டும் கேள்வி எழுப்பாமல் வாய் மூடிக்கிடந்தன. கடைசி நேரத்தில் நித்தியானந்தா சொல்ல நினைத்தவற்றை மட்டும், அதாவது சன் டி.வி., நக்கீரன் மீதான பழித்தலை மட்டும் பதிவு செய்து கொண்டு திரும்பினர்.
ஆட்சி மாற்றம் - காட்சி மாற்றம்
ஆட்சி மாற்றத்தின் காரணமாகத்தான் நீங்கள் தைரியமாக வெளியில் வந்து பேட்டி தருகிறீர்களா? தற்போதைய அரசு உங்களுக்கு ஆதரவாக இருக்கிறதா? என்று செய்தியாளர்கள் கேட்டபோது, இந்த அரசின் மீதுள்ள நம்பிக்கையில்தான் வெளிப்படையாக புகார் கொடுத்திருப்பதாகவும், விரைவில் முதலமைச்சர் ஜெயலலிதாவை சந்திப்பேன் என்றும் அறிவித்தார். அவர் வழங்கியிருக்கும் புகார்களும், தெரிவித்த குற்றச்சாட்டு களும், அண்மையில் தமிழக அரசு மேற்கொண்டுள்ள பழி வாங்கும் நடவடிக்கைகளின் தொடர்ச்சி என்பதைப் போலவே இருந்தன. நில மோசடி, சக்சேனாவும் அவருடைய உதவியாளர் அய்யப்பனும் மிரட்டினார்கள், பணம் கேட்டார்கள், பெரும் பணக்காரர்கள் நாட்டை விட்டு ஒடி விட்டனர் என்றெல்லாம் அவர் பயன்படுத்திய வாசகங்கள் அண்மைக்கால நிலவரத்தில் அதிகம் செய்தியில் இடம் பெற்ற, தமிழக அரசின் நடவடிக் கைகளின் பிரதிபலிப்பாகவே இருந்தது.
காவல்துறை வழி நடத்தலா?
காவல்துறையிடம் புகார் கொடுக்க தன் தரப்பிலிருந்து சென்றிருப்பதாகவும், அதற்குமுன் ஆதாரங்களை வெளியிடாமல் இருக்குமாறு காவல்துறை கேட்டுக் கொண்டதாகவும் கூறிய நித்யானந்தாவிடம் அப்படியென்றால், காவல்துறை எப்படி நடந்து கொள்ள வேண்டுமென உங்களை வழி நடத்துகிறதா? என்று செய்தியாளர்கள் கேள்வி எழுப்பினர்.
பெரும்பாலான கேள்விகளுக்கு, பதில் சொல்வதைத் தவிர்த்தும், மழுப்பியும், காவல்துறை வெளியிடக் கூடாது என்று சொல்லியிருப்பதாக சமாளித்தும், பத்திரிகை யாளர்களிடம் சிண்டு முடிந்து விட்டும், தான் தப்பிக் கொள்ளும் தந்திரரோபாயத்தைத் தொடக்கம் முதலே கைக் கொண்டார் நித்யானந்தா. தான் அவதூறு செய்யப்பட்டுள்ளதாகக் குற்றம் சாட்டிய சாமியார் நித்யானந்தா எழுத்தாளர் சாருநிவேதிதா, அர்ஜுன்சம்பத், ஊடகங்கள், மடாதிபதிகள் என எண்ணற்றோர் குறித்து அவதூறு செய்தபடியே இருந்தார்.
கூச்சலும் குழப்பமுமாக நடந்து முடிந்த செய்தியாளர் சந்திப்பில் எடிட் செய்யப்படாத, மார்பிங் செய்யப்படாத தனது முதல் வீடியோவைத் தான் செய்தியாளர்களிடம் வெளியிடுவதாகத் தெரிவித்த நித்யானந்தா, கடைசி வரையில் வீடியோ காட்சியைத் தராமல் செய்தியாளர் களை ஏமாற்றத்தில் ஆழ்த்தினார்.
Read more...
 
SFI - Students Federation of India - Puducherry Pradesh Committee © 2011 DheTemplate.com & Main Blogger. Powered by www.sigaramevents.com